2,1 milioi txiletar baino gehiagok parte hartu dute Konstituzio berrirako galdeketan
2,1 milioi pertsonak baino gehiagok parte hartu dute Txileko Konstituzioa erreformatzeko galdeketan. Azken asteetan herrialdea astindu duten protesten aurrean, Txileko Gobernuak eta oposizioak bide orri bat adostu zuten, plebiszitu baten bidez.
Hogeita hamar bat komunatan egindako zenbaketa azkar baten arabera, parte hartzaileen % 91k Konstituzio berria nahi dute. German Codina Txileko Udalerrien Elkarteko presidenteak "arrakastatsutzat" jo du galdeketa, eta herritarren nahia entzuteko deia egin du.
Asteazkenean hasi eta igande honetan amaitu den herri-galdeketan parte hartu duten 225 herrietako ia alkate guztiek bat egin dute, eta "aurreikuspen guztiak" gainditu direla nabarmendu dute, galdeketa loteslea izan ez arren, 'La Tercera' egunkariak zabaldu duenez.
"Oso pozik gaude, parte hartzeko esparru zabala sortu nahi izan dugu (...), bitarteko guztiak jarri ditugu eskura herritar guztiek botoa emateko aukera izan dezaten", nabarmendu du Codinak.
Galdeketa horrekin, herritarrek Konstituzio berri bat nahi duten edo ez jakin nahi dute agintariek, baina baita ere zeintzuk diren haien eskaera nagusiak eta gune bakoitzaren tokiko beharrak. "Bistan denez, garapen ereduaren gaineko arazo batekin gaude hemen, eta herritarrak dira agintariei lagundu behar dietenak eta haiek gidatu behar dituztenak gure herriarentzat nahi duten horretan", adierazi du Codinak.
Testuinguru horretan, zinegotziek parte-hartze txikiagoa espero zuten. Zenbait komunatan, hala nola Ñuñoan, La Cisternan eta Santiagon, 2016ko udal hauteskundeetan baino pertsona gehiagok eman dute botoa. Kopuru osoa ere nahiko esanguratsua da; izan ere, 2017ko hauteskunde orokorretan, 7 milioi txiletar inguru joan ziren botoa ematera bigarren itzulian.
Zure interesekoa izan daiteke
Mikel Reparazek egungo egoera geopolitikoari buruz egindako dokumentala estreinatuko dute bihar Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, sosaldia antolatu dute.
AEBk irlaren kontrola bereganatzeko helburua izaten jarraitzen duela ohartarazi du Groenlandiako lehen ministroak
AEBko presidenteak diskurtsoa leundu eta indarra erabiltzeko mehatxuetan atzera egin duen arren, Groenlandiak uste du presioak bere horretan jarraitzen duela.
Ehunka hildako Kongoko meategi batean izandako luizi batean
Luizia joan den ostegunean gertatu zen, M23 matxino-taldearen kontrolpean dagoen meategi batean. Hildako gehienak artisau-meatzariak dira, baina meategiaren inguruan lan egiten zuten merkatari txikiak eta inguruko herrixketako bizilagunak ere hil dira.
Grammy sarien aurkezlea salatzeko mehatxua egin du Trumpek, Epsteinen uhartean egon zela esan zuelako
Trevor Noahk egindako bakarrizketetako batean esan zuenez, Trumpek "Epstein ez dagoenetik beste uharte bat behar du Bill Clintonekin egoteko", Groenlandiari erreferentzia eginez.
Mette-Marit Norvegiako printzesa, Elon Musk eta Jose Maria Aznar: Epstein pederastaren artxiboetan agertu berri diren izenak
Jeffrey Epstein sexu-delitugilearen artxiboetako hiru milioi orrialde baino gehiago argitaratu ditu AEBk. Bertan, politikarien eta Europako ehundutako sare handiaren isla.
Liam Conejo bost urteko mutikoa eta bere aita aske utzi dituzte eta Minnesotara itzuli dira
Fred Biery Texasko epaile federalak Liam eta Adrian Conejo behin-behinean aske uzteko agindua eman zuen larunbatean, irekitako immigrazio prozedura ebazten den bitartean. Aita-semeak ICEk atxilotu zituen Minnesotan, eta horrek haserrea eragin zuen herrialde osoan.
Rafahko pasabidea ireki dute, ia bi urtez itxita egon ondoren
Egiptoko segurtasun iturriek jakitera eman dutenez, egunean 150 pertsona atera ahalko dira Gazako Zerrendatik, eta 50 sartu.
Trumpek Irani eraso egiteko mehatxua berretsi du, Khameneik gatazka eskualde osora zabalduko dela ohartarazi ostean
Teheranekin gai nuklearren inguruan itun bat lortzea espero duela adierazi du AEBko agintariak, baina gehitu duenez, "akordiorik lortzen ez badugu, orduan jakingo dugu Khameneik arrazoia zuen ala ez".
Costa Ricak eskuinerako bidean jarraitzen du, eta Laura Fernandez izango du presidente
Lehen itzulian gehiengo zabalez irabazi du, eta aldaketa "sakonak eta atzeraezinak" agindu ditu. Oposizioak, berriz, ohartarazi du ez duela onartuko "bidegabekeriarik".
Liam Conejo haurra eta bere aita aske utzi dituzte eta Minneapolisen dira dagoeneko
Dilleyko zentrotik (San Antonioko hegoaldean, Texas) askatu dituzte aita-seme ekuadortarrak, Fred Biery epaile federalak larunbatean emandako agindua betez.