Borisek presa handia du
Boris Johnsonek presa handia du brexit-a burutzeko. Eta ez zaio axola, gainera, gogorra izatea, Erresuma Batuaren eta Europaren arteko lotura guztiak hautsiz. Brexit-a urtarrilaren 31n gauzatuko da. Egun horretan Erresuma Batua Europar Batasunetik (EB) irtengo da, EB 28 kide izatetik 27 izatera pasako da, eta Erresuma Batua atzerriko estatu bat izango da Europar Batasunarentzat, munduko beste edozein den bezala.
Hori bai, trantsizio garaian, 2020ko abenduaren 31ra arte egunerokoa ez da ia ezer aldatuko. Trantsizio epe hori Londresek eta Bruselak sinatu zuten Irteera Akordioan dago finkatuta. Akordio horrek helburu bikoitza dauka: Batetik, Erresuma Batuaren irteera lasaia eta antolatua izatea. Eta, bestetik, trantsizio epe horretan Erresuma Batuak eta Europar Batasunak ahalik eta merkataritza akordiorik zabalena sinatzea. Baina 11 hilabete epe motza da akordio hori negoziatzeko. Horregatik, Irteera Akordioak trantsizio epea gutxienez beste urtebete luzatzeko aukera ematen du. Baina atzo Johnsonek esan zuen ez duela trantsizio epea luzatzeko asmorik. Argi dago ez zaiola askorik axola Europarekin merkataritza akordio ona lortzea, eta presa duela, horren ordez, akordioa bere adiskide Trumpekin sinatzeko.
Albiste gehiago mundua
AEBk Irani egindako erasoa gaitzetsi du Guterresek, eta diplomaziaren bideari eusteko eskatu
Egoeraren larritasunaz ohartarazi du Nazio Batuen Erakundeko buruak. Indarkeria ekintzak areagotzeak ondorio "ondorio katastrofikoak" izan ditzakeela uste du, bai Iranen eta baita mundu osoan ere.
AEBk Irango azpiegitura nuklearrak bonbardatu ditu
Irango lurretan hiru instalazio nuklear bonbardatu ostean, Donald Trump AEBko presidenteak "bakearen edo tragediaren" artean aukeratzeko esan dio Irani
Martxa jendetsuak Erroman eta Londresen, Gazako erasoaldia amaitzea, Israelekin haustea eta Europaren berrarmatzea gelditzea eskatzeko
Londresko 'Palestinaren aldeko Martxa Nazionalean' parte hartu dutenek oihuka eskatu dute Israelek Palestinako lurraldean "okupazioa" amaitzea eta Israelek Irani egindako bonbardaketak bertan behera uztea. Erroman, milaka lagunek Europaren berrarmatzea gelditzeko eta bakea berrezartzeko eskatu dute.
Trumpek esan du Espainiak "oso gutxi" ordaintzen duela NATOko kide gisa
Horrekin batera, AEBko presidenteak berretsi du erakundeko kide guztiek BPGaren % 5 inbertitu beharko luketela defentsan.
Israelek dozenaka gazatar hil ditu, tiroka, Gaza Hirian
Ostiralean, gutxienez 70 palestinar hil dira Israelek Gazako hainbat guneren aurka egindako erasoetan, Osasun Ministerioak eta Defentsa Zibilak egindako zenbaketaren arabera. Gutxienez 25 laguntza humanitarioa jasotzeko guneetara zihoazela hil dituzte, tiroka.
Tel Aviv, Haifa, Beersheba eta bi hegazkin base misilekin eta droneekin eraso ditu Iranek
Abas Araqchi Irango Atzerri ministroak Genevan esan duenez, Israelen "erasoa gelditu eta erasotzailea epaitzen dutenean diplomaziari berriz heltzeko prest daude".
UNICEFek ohartarazi du denbora amaitzen ari dela Gazan: "Haurrak egarriz hiltzen hasiko dira"
Ia ez dago edateko urik Gazako Zerrendan, Isralek ezarritako blokeo humanitarioaren eraginez. NBEk azpimarratu duenez, erabaki politikoa da.
AEBko hedabideen arabera, Trumpek dagoeneko onartu ditu Irani eraso egiteko egitasmoak
CBSren arabera, Trumpek oniritzia eman dio aireko erasoekin Israeli laguntzeari. 'The Wall Street Journal' egunkariaren arabera, astearteko azken orduan, Trumpek goi aholkulariei esan zien azken erabakia atzeratzen ari zela, Teheranek programa nuklearra uzteko erabakiaren zain.
Sanchezek NATOri jakinarazi dio ez duela defentsako gastua gehiago igoko, eta % 5eko igoera "irrazionaltzat" jo du
Espainiako Gobernuko presidenteak aldarrikatu du gobernu bakoitzak "sakrifizio" jakin batzuk egin zein ez egin erabakitzea zilegi dela, hala nola zergak igotzea eta zerbitzu publikoak eta gizarte-prestazioak murriztea.
Israelek Arakeko ur astunen erreaktorea bonbardatu du, Iranen
Israelen erasoek Iranen azpiegitura militar eta nuklearra murriztu dute, eta 224 lagun hil egin dituzte, persiar Gobernuaren datu ofizialen arabera