50 lagun baino gehiago hil dira Soleimaniren aldeko hiletan, ihesaldi batean
Berrogeita hamar lagun baino gehiago hil eta dozenaka zauritu dira astearte honetan, Irango hegoaldeko Kerman hirian, Qasem Soleimani jeneralaren aldeko hiletan, ihesaldi baten ondorioz, herrialdeko Larrialdietako Erakundearen arabera.
Pir Hosein Kolivand Larrialdietako Erakundearen zuzendariak Estatuko telebistari azaldu dionez, Kermanen milaka eta milaka hirritar daudelako gertatu da ezbeharra; izan ere, hiri horretan hobiratuko dute jenerala.
Ameriketako Estatu Batuek Bagdadeko aireportuan egindako eraso batean hil zen Soleimani, hilaren 3an, eta, esan bezala, milaka lagun bildu dira haren segizioan; bitartean, Irango Parlamentuak "erakunde terroristatzat" jo ditu Pentagonoa eta AEBko Armada, eta 200 milioi dolarreko partida desblokeatu du, jeneralaren heriotzagatik mendekua hartzea helburu.
Soleimanik berak bere testamentuan zehaztutako hilerrian emango diote lur jeneralari, eta beste hainbat martiri daude bertan, IRNA Irango albiste-agentziak jakinarazi duenez. Segizioan bildutakoek AEBren aurkako oihuak egin dituzte, eta mendekua hitzeman dute "hilketa planifikatu eta gauzatu zutenen aurka", agentzia horren arabera.
Milaka eta milaka irandar izan dira Teheranen jeneralaren aldeko hiletaren ekitaldietan. Ali Khamenei aiatola Irango lider goiena izan du buru zeremoniak; Khameneik berriro esan du "mendeku latza" izango dela Soleimaniren heriotzaren erantzuleen aurka, eta "erresistentziako bideak indarrean jarraituko du", gaineratu du.
Soleimani urtarrilaren 3an hil zen, Abu Mahdi al Muhandis Herri Mobilizazioko Indarretako bigarrenarekin eta Irango hainbat militarrekin eta Irakeko miliziano batzuekin batera, Ameriketako Estatu Batuek Bagdadeko aireportuan egindako bonbardaketa batean. Washingtonek argudiatu zuen "AEBk atzerrian dituen langileak babesteko" egin zuela eraso hori; izan ere, protestak zeuden AEBk Bagdaden duen enbaxadaren aurka, Herri Mobilizazioko Indarretako 25 kide hil zituen beste bonbardaketa bat salatzeko. Halaber, 25 lagun hil zituen eraso hori Kirkuk hiritik gertuko base militar baten aurka jaurtigaiekin egindako beste eraso bati erantzuteko egin zen; azken eraso horretan, kontratista estatubatuar bat hil zen.
Pentagonoa eta Ameriketako Estatu Batuetako Armada "erakunde terroristatzat" jo dituzte
Azken egunotan gertaturikoaren ostean, Irango Parlamentuak ebazpen bat onartu du, Pentagonoa eta AEBko Indar Armatuak "erakunde terrorista" izendatzeko. Horrez gain, Ganberak erabaki du 200 milioi dolarreko partida desblokeatzea, Soleimaniren heriotzagatik mendekua hartzeko.
"AEBk Soleimani jenerala hiltzeko hartutako neurri ankerraren ostean, eta presidente estatubatuarrak neurri horren ardura bere gain hartuta, aurreko legea aldatzea erabaki dugu gaur, eta Pentagonoko kide guztiak, komandanteak, agenteak eta Soleimani jeneralaren martirioaren erantzule guztiak aurrerantzean indar terroristatzat joko ditugula iragartzen dugu", adierazi du Ali Lariyani Irango Parlamentuko presidenteak.
200 milioi dolarreko partida hori Al Quds Guardia Iraultzaileari zuzenduko diote, ondorengo bi hilabeteotan, Lariyanik eta Mehr albiste-agentziak jakinarazi dutenez. Soleimani jenerala zuen buru erakunde horrek.
Albiste gehiago mundua
Israelgo Armadak gutxienez 33 pertsona hil ditu, tartean kazetari bat, Gaza Hiriko hondartzaren ondoan
Israelgo ehiza-hegazkinek Al Baqa kafetegiari eraso diote, eta sarraski berria eragin dute. Ismail Abu Hatab heriotzarekin 228 kazetari hil ditu jada Israelek Gazaren aurkako erasoaldi militarra abiatu zuenetik.
TikTok sare sozialak badu eroslea, Trumpen esanetan
Presidente estatubatuarraren hitzetan, "diru asko duen jende-talde" batek erosiko du. Bi aste barru emango dute jakitera, beti ere Txinak operazioa onartzen badu.
NBEren Garapenerako Finantzaketari buruzko Nazioarteko IV. Konferentzia Sevillan egingo da, asteon
Goi-bileraren emaitza nagusia 'Sevillako konpromisoa' deituriko adierazpen politikoa izango da, garapenerako finantzaketari buruzko nazioarteko komunitatearen ibilbide-orria markatuko duen dokumentua. Inaugurazioko osoko bilkuran onartzea aurreikusi da.
G7ak AEBko multinazionalak % 15eko gutxieneko zerga ordaintzetik salbuestea erabaki du
Munduko zazpi ekonomia nagusiak ordezkatzen dituen herrialde taldeak akordioa lortu duela ziurtatu du, Estatu Batuetako zerga-sistema aztertu eta Etxe Zuriak bere zerga-legearen 889. klausula ezabatzea onartu ostean. Horri esker, Etxe Zuriak errepresaliak ezarri ahal izango ditu multinazional estatubatuarrei zerga ezartzea erabakitzen zutenen aurka.
Hainbat zauritu eta atxilotu Belgraden, Gobernuaren aurkako protestetan
Hainbat pertsona zauritu ditu Poliziak Belgraden, Serbiako Gobernuaren aurkako manifestazio handian. Ehunka mila pertsonak hauteskundeak aurreratzeko eskatu dute hiriburuko kaleetan, Kosovoko guduaren (1389) urteurrenean, serbiar nazionalismoaren sorrerako gertakari historiko garrantzitsuenetarikoan.
Kayed Hammad, duela gutxi Gazatik irtetea lortu duen interpretea, Malagan da jada, bere familiarekin batera
Iritsi denean, interpretea bere anaiarekin bildu da, duela 18 urtetik besarkatzen ez zuena. Gazako bonbardaketetatik urrun bizitza berri bat hasteko itxaropentsu eta ilusio handiz agertu da.
Gazan hildakoen kopurua gora egiten ari denean, su-eten akordioa "datorren astean" lor litekeela esan du Trumpek
Israelgo Armadak gutxienez 50 pertsona hil ditu bart, haurrak tartean, Gaza Hirian, Jabalian, Deir al Balahn, Khan Yunisen eta Rafahn egindako erasoetan. Orotara, gutxienez 64 gazatar hil dituzte Palestina osoan.
Debekuen gainetik, milaka lagun atera dira kalera Budapesten Harrotasunaren eguna ospatzera
LGTBIQ+ Harrotasun Eguna ospatu dute Budapesten, larunbat honetan, agintariek debekatu duten arren. Izan ere, Viktor Orban lehen ministroaren gobernuak Harrotasunaren Martxa debekatzea ahalbidetzen duten erreforma legal eta konstituzionalak onartu zituen martxoan eta apirilean, adingabeen "garapen egokia" lortzeko arriskutsua dela argudiatuz. Hala ere, manifestazioa egin dute, eta lehen ministroak baztertu egin du Poliziak indarra erabiltzea.
Estatu-hiletak Iranen, Israelek egindako erasoetan hildako pertsonen omenez
Iranek larunbat honetan hasi ditu Israelen erasoetan hildakoak omentzeko estatu-hiletak. Israelek ekainaren 13an hasitako 12 eguneko gerran hildako 627 pertsonetako 60 omendu dituzte gaur; besteak beste, Irango Guardia Iraultzaileko komandante buru Hosein Salami jenerala, Irango Indar Armatuetako Estatu Nagusiko buru Mohamad Hosein Baqeri jenerala eta Mehdi Tehranchi zientzialari nuklearra.
Gazan laguntza NBEk banatzeko eskatu du Guterresek, egungo sistemak "hil" egiten duelako
Gazako agintarien arabera, 500 pertsona baino gehiago hil dira banaketa-zentro horietan, gehienak Israelgo indarrek egindako tiroen ondorioz. "Pertsona batzuk hiltzen ari dira beren familiak elikatzen saiatzeagatik. Janaria bilatzeak ez luke inoiz heriotza-zigorra izan behar", adierazi du Guterresek.