Qasem Soleimani, azken hamarkadetako Irango buruzagi militar boteretsuena
Qasem Soleimani jenerala, ostiralean AEBetako bonbardaketa batean Bagdaden hildakoa, Irango pertsonaiarik ospetsuenetako bat eta buruzagi militar boteretsuenetako bat zen; 1998an Al Quds Indarreko komandante izendatu zuten; Al Quds Irango errepublika islamiarreko lurraldez kanpoko operazio talde sekretu bat da eta AEBk "erakunde terroristatzat" jo du.
62 urterekin, Ekialde Erdiko Irango gaietan eragin handiena izan zuen gizona, izar politiko garrantzitsua zen, eta bere aholkuak Ali Jamenei aiatolaraino iristen ziren. Jameneik "martiri" izendatu du eta, aldi berean, hil ondoren teniente jeneral maila eman dio.
AEBrentzat eta bere aliatuentzat Irango iraultza islamikoa esportatu izanaren, Iraken, Sirian edo Afganistanen terroristei babesa eman izanaren eta atzerrian Irango gerren buru izatearen erantzulea zen.
2001ean Estatu Batuek Afganistan inbaditu zutenean bertan egon zen, baita Siriako gerra hasi zenean ere, 2011n. AEBko Gobernuak ehunka soldadu estatubatuarren eta koalizioaren heriotzak egotzi dizkio. Joan den asteartean Bagdaden AEBk duten enbaxadaren aurkako erasoaren erantzuletzat ere jotzen dute Pentagonoan.
Bastidoreen arteko aholkulari sekretu gisa, Estatu Islamikoaren progresioan eta Kurdistanen independentzia erreferendumean esku hartu zuen. Azken boladan Iranen gobernu baten eraketaren eragile nagusia izan zen.
Soleimani ez ezik, Abu Mehdi al Muhandis ere hil dute ostiral honetan, Herri Mobilizazio Indarretako edo Hashd al Shaabiko bigarrena.
Donald Trump AEBko presidenteak Soleimani "hiltzeko" agindua eman du, Pentagonoak azaldu duenez.
Zure interesekoa izan daiteke
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.