Sinn Feinek bipartidismoa hautsi du Irlandan
Sinn Feinek irabazi ditu Irlandako hauteskundeak, Fine Gael eta Fianna Fail bi alderdi nagusiak gaindituta, nahiz eta alde txikiarekin izan.
Behin-behineko emaitzen arabera, Mary Lou McDonalden Sinn Feinek botoen % 23,94 lortu ditu, Fianna Failek bozen % 21,27 erdietsi ditu, eta Leo Varadkar lehen ministroaren Fine Gaelek, botoen % 21,08.
Atzetik, Alderdi Berdea (% 7,67), Alderdi Laborista (% 5,13), Alderdi Sozialdemokrata (% 3,1) eta Elkartasuna-Jendea Etekinen Aurretik (% 2,34), Irlandako komunikabideen aurreratu dutenez.
Horrela, 39 barrutietan banatu dituzten 65 eserlekuetako 29 Sinn Feinek bereganatu ditu, alderdi bozkatuena izan delako. Fine Gaelek hamabi eskuratu ditu, Fianna Failek hamaika eta Alderdi Berdeak lau ditu bermatuta. Gutxienez sei hautetsi independente izango dira Ganberan; Elkartasuna-Jendea Onuren Aurretik alderdiak bi aulki ditu, Alderdi Sozialdemokratak bat eta Alderdi Laboristak bat ere ez.
Larunbat gauean argitaratutako inkestak Sinn Fein, Fine Gael eta Fianna Fail alderdien arteko berdinketa iragarri zuen, bakoitzak botoen % 22 eskuratuko zituelakoan, baina aurreneko zenbaketak ikusita, badirudi Sinn Fein izango dela garaile.
Gobernua osatzeko elkarrizketak
McDonaldek dagoeneko esan du elkarrizketak abiatuko dituztela gainerako alderdiekin gobernua osatzeko. Fianna Failek ez du orain Sinn Feinekin akordioa lortzea baztertzen, baina Fine Gaelek erabat baztertu du aukera hori.
McDonaldek Alderdi Berdea, Alderdi Sozialdemokrata eta Elkartasuna-Jendea Etekinen Aurretik aipatu ditu balizko babesle gisa.
Sinn Feinek eserleku kopuruari eutsiko ziola uste zuen Gerry Adams buruzagi ohiak, baina alderdiaren arrakasta ez zuen inondik inora espero.
Micheal Martin Fianna Faileko buruzagia Sinn Feinekin eta Fine Gaelekin negoziatzeko prest agertu da. "Jendea entzuten duen demokrata naiz", esan du. Kanpainan, berriz, baztertu egin zuen McDonald edo Varadkar hautagaiekin inolako akordiorik adostea.
Azkenik, Leo Varadkar Fine Gaeleko buruzagiak erabat baztertu du Sinn Feinekin itunik bilatzeko aukera. "Behartutako ezkontza bat ez litzateke gobernu ona izango", azpimarratu du.
Albiste gehiago mundua
90.000 pertsona inguru elkartu dira Arizonan, Charlie Kirken omenaldi ekitaldian
Arizonan, State Farm futbol estadioan antolatu dute Charlie Kirken aldeko omenaldia. Irailaren 10ean hil zuten tiroz gazte ultraeskuindarra eta AEBetako toki guztietatik joandako 90.000 lagun elkartu dira hura omentzeko. Estadioak 70.000 lagunentzat du lekua, baina beste 20.000 eserleku ere jarri dituzte bertaratuei lekua egiteko. Segurtasun neurriak ikaragarriak dira estadio inguruan. Jende askok gaua ere inguruetan pasa du omenaldira joateko.
Netanyahuk esan du ez dela Palestinako Estaturik egongo, eta Palestina onartzen duten herrialdeak mehatxatu ditu
Benjamin Netanyahu Israelgo lehen ministroaren esanetan, ez da Palestinako Estaturik egongo, eta Erresuma Batuak, Kanadak, Australiak eta Portugalek iragarpena egin ondoren, Palestina onartzen duten herrialdeak mehatxatu ditu .
Erresuma Batuak, Kanadak, Australiak eta Portugalek Palestinako Estatua onartu dute
Bien bitartean, Benyamin Netanyahuk esan du ez dela Palestinako Estaturik egongo, eta mehatxatu egin ditu herrialdeak. Horrenbestez, NBEko 150 herrialdek onartzen dute jada Palestina ofizialki, Europar Batasuneko 14 tartean.
Palestinako Estatuaren onarpena giltzarri izango da ordu gutxi barru hasiko den NBEren 80. Batzar Nagusian
Erresuma Batuak, Kanadak, Australiak eta Portugalek igande honetan aitortu dute ofizialki Palestinako Estatua, goi-bileraren bezperan. Benjamin Netanyahu Israelgo lehen ministroak esan du ez dela inolaz ere Palestinako Estaturik egongo, eta Bezalel Smotrich zein Itamar Ben Gvir Israelgo ministroek Zisjordania anexionatzea proposatu dute, Palestinako Estatua aitortzeko erabakiei erantzuteko.
Ustelkeriak haserrea piztu du Filipinetan, eta protesta jendetsuak eta liskarrak izan dira
Protestek kaleak hartu dituzte Manila hiriburuan eta beste hiri batzuetan, herrialdean dagoen ustelkeria politikoa salatzeko. 'Bilioi bat pesoren martxa' deiturikoak erakunde erlijioso eta zibilak batu ditu, diru publikoa “lapurtu” izana salatzeko. Protesta gehienak baketsuak izan dira, baina zaurituak eta atxilotuak izan dira poliziaren kontrako istiluetan.
Honela ikusten dira Gazako bonbardaketak gauean
Israelek Gaza hiriaren aurkako erasoaldi militarrarekin jarraitzen du. Bonbardaketak ez dira eten. Leherketak oso urrunetik ikusten dira, gauez bereziki.
Errusiak "perbertsiorik gabeko" Eurovisionen jaialdi alternatiboa egin du
Errusiak "perbertsiorik gabeko" Eurovisionen jaialdi alternatiboa egin du. Errusiarekin ideologikoki bat egiten duten herrialdeek parte hartu dute Intervision musika jaialdian, 2022an Eurovisionetik kanporatua izan ondoren, “LGTBI eduki potentzial” guztietatik at. Vladimir Putin Errusiako presidenteak kultur nortasuna aldarrikatu du aurkezpen bideo batean. 11.000 ikusle baino gehiagoren aurrean, Duc Phuc vietnamdarrak irabazi du ekitaldia, Kirgizistan eta Qatar sailkatu dira ondoren.
Charlie Kirken hiletak tentsioa eta muturreko segurtasun neurriak eragingo ditu Glendalen
Donald Trump presidenteak berak hitz egingo du arratsaldeko ekitaldian, eta beste agintari garrantzitsu batzuk ere izango dira bertan.
Gutxienez 71 pertsona hil dituzte larunbat honetan Gazako Zerrendan
Israelek Gaza hirian lurreko erasoaldia hasi zuenetik izan den egunik gogorrenetako bat izan da gaurkoa. "Gerra hasi zenetik bizi izan ditugun unerik zailenetakoak bizitzen ari gara", ohartarazi dute Bautista Al Ahli ospitaletik.
Hamasek bahituen "agur-irudia" argitaratu du Israelen erasoaldiaren ostean
Hamas talde palestinarrak Gazan geratzen diren bahituen irudia zabaldu du, Israelgo Armadak Palestinako enklabean egindako erasoaldiaren ostean "agur esateko irudia" dela esanez. Horretan, 46 bahitu agertzen dira: 43 israeldar, 2 estatubatuar eta nepaldar bat.