Itsaso zakarra, haize bortitza eta elur gehiago dakartza gainean dugun ‘Goretti’ borraskak
Ostiral eta larunbat honetan neguko giro zakarra izango dugu Euskal Herrian, denboralearen ondorioz. Meteorologia agentziek abisu eta alertak ezarri dituzte olatu handiak, haizea, euria eta elurra direla eta.
Euskal Herriko eguraldiak aldaketak izango ditu hurrengo egunetan, tenperatura baxuek markatutako gabonen ostean. Asteazken honetan, berriz ere, egun hotza izango da, Goretti depresioa iritsi aurretik.
Hori dela eta, Euskalmet, Aemet eta Meteo France agentziek hainbat abisu hori eta laranja ezarri dituzte, haize zakarra, elurra eta ekaitza egingo baititu, batez ere ostiraletik larunbatera bitartean.
Zer da ziklogenesi leherkorra?
Ostiral honetan itsas-ekaitz gogorra izango da Kantauri itsasoan
Gertakaririk zakarrena ostiralean izango da, itsas bazterreko denboralea izango da eta. Euskalmetek abisu horia ezarri du lehen bi milietan, 03:00ak eta 09:00ak bitartean, eta 4-5 metroko olatuak altxatuko ditu.
09:00etatik aurrera, alerta laranja izango da indarrean, eta gauerdira arte iraungo du. Denbora-tarte horretan, olatuen altuera adierazgarria 5-6 metrokoa izan daiteke; mendebalak eta ipar-mendebalak 6tik 7ra bitarteko indarra izango du, 8ko indar-tarteak, eta itsasoa zakarra edo oso zakarra izan daiteke.
Horrez gainera, abisu horia ere izango da indarrean haizeagatik 06:00etatik 24:00ak arte. Kostaldean 100 kilometro orduko haize-boladak izan daitezke.
Elurra itzuliko da barnealdera
Ostiralean abisu horia izango da indarrean, elurragatik, barnealdean, 12:00etatik 24:00ak arte. Elur-kota pixkanaka jaitsiko da, eguerdian 1.000 metrotik 700-800 metrora arte. Prezipitazio txiki-ertaina egingo du, eta Kantauri isurialdean gogorragoa izango da; 1.000 metrora 2 eta 15 zentimetro arteko elur-pilak egingo dira.
Euria, haizea eta elurragatiko abisuak, Nafarroan
AEMET agentziak hiru abisu eta alerta mota aktibatu ditu ostiralerako Nafarroan. Garrantzitsuena Pirinioetan 12:00etatik gauerdira arte elurragatik ezarritako alerta laranja da. Agentziak 20 zentimetroko elur pilaketa espero du 800-1000 metrotik aurrera. Elurrarekin batera, tortorretan haize zakarra ibiliko da.
Kantauri isurialdean abisu horia ezarriko dute 09:00etatik 18:00etara haizeagatik, 70 km/h-ko boladak espero baitira. Arratsaldean, berriz, euriagak eraginda, abisu horia aktibatuko da 15:00etan eta 24:00ak arte iraungo du.
Azkenik, Ebroko Erriberan abisu horia ezarriko dute 09:00etatik 18:00etara haizeagatik.
Denboraleak Ipar Euskal Herria ere astinduko du
Ipar Euskal Herrian hainbat abisu iragarri dituzte ostiral honetarako. Meteo Francek alerta laranja ezarriko du haizeagatik Pirinio Atlantikoetako departamendu osoan, 09:00etatik 18:00etara. Ondoren, abisu horia izango da 21:00ak arte. 100-110 km/h-ko haize boladak espero dira orokorrean, baina kostaldean 120-130 km/h-koak ere izan daitezke.
Bestetik, hainbat abisu hori ere ezarri ditu: 06:00etatik aurrera, kostaldeko fenomenoengatik, eta 09:00etatik aurrera, ekaitzengatik eta uholdeengatik. Arratsaldean, abisu horia aktibatuko dute Pirinio inguruan elurra espero delako.
Larunbatean denboraleak jarraituko du
Ezegonkortasunak larunbatean ere jarraituko du. Kostaldean, nabigaziorako alerta laranja iragarri du Euskalmetek lehenenengo bi milietarako.
EAEko barnealdean eta Nafarroako Pirinioetan, berriz, elurrari dagokion abisu horiak indarrean jarraituko du 00:00etatik 12:00etara. Elur-maila 700-800 metro inguruankokatuko da lehen orduetan eta eguerditik aurrera 1.000 metrotik gora igoko da.
Zure interesekoa izan daiteke
Abisu horia Bizkaian, 100 km/h-tik gorako haize boladengatik
Eusko Jaurlaritzako Segurtasun Sailak abisu horia aktibatuko du 15:00ak arte. Araban eta Gipuzkoan, berriz, 80-100 km/h arteko haize-ufadak daude.
Hego-haizea eta giro argia, astea abiatzeko
Hego-haizea izango da protagonista asteartera arte, eta horrek atzean utziko du azken egunetako giro hotza eta bustia.
Euskal Herria 'Goretti' depresioaren azken astinduak jasotzen ari da
Bizkaiko eta Gipuzkoako kostaldea abisupean egongo dira 18:00ak arte, itsasaldeko arriskuagatik. Nafarroako Pirinioetan abisu horia egongo da egun osoan elur-jausiak gerta daitezkeelako. Dena dela, iragarpenaren arabera, aroak hobera egingo du.
Donostiako itsasaldeko pasealekuak itxi dituzte, olatuengatik ezarritako alerta laranja dela eta
Larunbateko 09:00ak arte itxi dituzte, eta Santa Klara uharterako garraio zerbitzua ere bertan behera geratu da.
Zer da ziklogenesi leherkorra?
Goretti depresioa etorri da, eta berriro ere dugu fenomeno meteorologikoa mintzagai. Jarraian azalduko dugu zertan datzan.
Elurpean esnatu da Euskal Herriko barnealdea
Elurra egin du gauean Euskal Herri osoan, kostaldetik gertu ere malutak botatzeraino. Hori dela eta, errepideren bat itxita dago Nafarroan, kateak behar dira hainbat mendatetan eta arratsaldera arte abisu horia indarrean dago elurragatik eta izotzagatik.
Fronte hotz batek elurte handiak utzi ditu Europa erdialdean
Artikotik iritsi den fronte hotz batek alerta egoeran jarri du Europako zati handi bat. Arazoak izan dira Eskoziako, Herbehereetako, Frantziako eta Italiako aireportu eta garraio publikoan. Ikastetxeak ere itxi behar izan dituzte hainbat eskudaldetan eta uholdeak ere izan dira.
Hotza eta 200–400 metrotik gorako elurra espero dira Errege Egunerako Hego Euskal Herrian
EAE eta Nafarroa abisu horipean egongo dira hurrengo orduetan izozteengatik eta elurragatik. Iragarpenaren arabera elurra 200 eta 400 metro artean egingo du. Eusko Jaurlaritzak eta Nafarroako Gobernuak neguko bidezaintza planak aktibatu dituzte.
Abisu horia izotzagatik Hego Euskal Herrian
Tenperatura maximoak ez dira 5 ºC-tik gorakoak izango, eta Nafarroako Pirinioetan termometroak -6 ºC-ra jaitsiko dira.