Beroak ez du atsedenik ematen eta tenperatura minimo historikoak utzi ditu
Gaua tropikala izan da, batez ere kostaldean eta isurialde kantauriarrean. EAEko lau estazio meteorologikoek minimo historikoak errejistratu dituzte, udan ere inoiz ez dira hain tenperatura altuak jaso. Ondoren, egunean zehar, hainbat udalerrik 35 ºC-ak gainditu dituzte, nahiz eta maiatzean egon.
Astearte honetan, beste bero egun itogarri bat izan dugu. Uztailean edo abuztuan ohikoak izan daitezkeen tenperaturak izan ditugu, uda aurreratu izan balitz bezala, nahiz eta oraindik udaberrian egon. Meteorologia estazioak garai honetan eta gure lurretan batere ohikoak ez diren datuak jasotzen ari dira. Inoiz ikusi gabeko datuak bildu dituzte, errekor historikoak.
Bart gauekoa datuek, esate baterako, markak hautsi dituzte. Kostaldeko eta kantauri isurialdeko puntu askotan gau tropikala izan da eta orain arteko tenperatura minimo altuenak errejistratu dituzte.
Euskalmeten arabera, Zarauzko minimoa 24,7 ºC-koa izan da bart. Urduliz, 23,9 ºC-koa; Igorren, 23,4 ºC-koa; eta Galea lurmuturrean, 23,2 ºC-koa.
Ondoren, egunean zeharreko tenperaturak ere udako hilabeteetakoak ziruditen. Termometroek nabarmen gainditu dute 35 graduko muga, batez ere kostaldean eta isurialde kantauriarrean.
Tenperatura altuena Sopuertako (Bizkaia) Jarraltako estazioan izan dute: 37,1 ºC-ra iritsi da arratsaldeko lehen orduan. Sodupen eta Amoroton, berriz, 37 ºC-ren pareraino igo da merkurioa.
Sestaon (Bizkaia) eta Kanbon (Lapurdi) 36 ºC-ren bueltan gelditu dira.
Gipuzkoan, Oiartzungo geltokia 35,9 ºC-ra iritsi da arratsaldeko 16:00ak pasata, eta Zizurkilen 35,8 ºC ikusi dituzte. Eta Araban ere iparraldean izan da tenperaturarik altuena; Laudioko Gardea estazioak 35,3 ºC-ko tenperatura eman du.
Barnealdean ere beroa egin duen arren, balioak 35 gradutik behera mantendu dira. Zanbranan (Araba), adibidez, maximoa 32,8 ºC-koa izan da eta Zarrakaztelun (Nafarroa) 33 ºC-ra iritsi dira.
Egoera horrek osasunean eragina izan dezake, batez ere pertsona ahulenen kasuan. Hala, Osakidetzako Larrialdi Zerbitzuak tenperatura altuek kaltetutako 17 pertsona artatu ditu arratsaldeko 19:00ak arte, baina kasu guztiak arinak izan dira.
Duela 5 egunetik bizi dugun ezohiko bero gertakari honek beste zenbait egunez jarraituko du, Euskalmeten iragarpenaren arabera. Eusko Jaurlaritzako Larrialdiei Aurre Egiteko eta Meteorologiako Zuzendaritzak alerta laranja aktibatuko du asteazken eta ostegun honetan, tenperatura oso altuengatik .
Zure interesekoa izan daiteke
Asteazkenean bero-sapa itzuliko da
Astelehen eta asteartea tenperatura freskoagoekin helduko dira asteon, eta asteazkenetik aurrera termometroak gora egingo du: 30ºC-tik gorakoak izango dira barnealdean.
40 lagun artatu dituzte beroagatik EAEn, larriena Galipa Mendi Birako parte-hartzaile bat
Bigarren egunez jarraian, 30 graduak gainditu dira EAE osoan. Astelehenetik aurrera beroa pixka bat arinduko da, eta tenperatura maximoek behera egingo dute, oro har, nahiz eta udako giroak jarraituko duen.
Nola eragiten die eguzki-eklipse batek animaliei?
Planetako animalia gehienak eguzki-argiaren arabera jokatzen dute. Beraz, eklipse batek asko eragiten die, baina ez denei modu berean. Batzuek eklipseari begira gelditzen dira, besterik gabe. Beste batzuek, ordea, argi faltara egokitzen dituzte beren jarduerak.
Uda ate joka dela ondo igarriko da asteburuan, eguzkia, beroa eta abisu horia baitakartza berekin
Zeru urdinak eta tenperatura beroak nagusi izango dira Euskal Herri osoan gaurtik gutxienez igandera arte. Gaur, hegoaldean batez ere, berotzen hasiko da, eta larunbatean eta igandean, aise gaindituko dira 30 ºC-ko tenperaturak lurralde guztietan. Kostaldean, abisu horia egongo da indarrean tenperatura altuak espero direlako.
Giro oso estalia eta freskoa asteko lehen egunetan
Gutxienez ostegun arratsaldera arte ez da eguzki konturik izango gurean. 20 graduz azpiko tenperaturak izango ditugu ordura arte, eta gutxi bada ere, busti egingo du, batez ere goizetan euri zirina egingo baitu.
Nola bizi zituzten eklipseak gure arbasoek?
Munduko kultura askotan eguzkia gurtu izan da ia jainko bat bezala. Naturalena gauez ezkutatu eta goizean itzultzea zen. Horregatik, egunez eklipse bat ikustea beldurgarria izan da urte askotan munduko ia kultura guztientzat.
Hodeiak nagusi asteburuan
Ekaineko lehen asteburu honetan, fronte berri bat izango dugu, eta hodeitza nagusi izango da larunbatean; igandean, berriz, tenperaturak nabarmen egingo du gora.
Lainoak, eguzkia joan-etorrika eta euri zirina
Eguraldia aldakor ibiliko da datozen egunetan. Orokorrean, ez du asko bustiko, baina euritarako joera egongo da hainbat egunetan. Eguzkia ere azalduko da tarteka, eta tenperaturak gorabeheratsu ibiliko dira, egunaren arabera.
Eguzki eklipse osoaren hiru fenomenoak ikusgai, errealitate areagotuari esker
Bailyko perlak, diamante eraztuna eta eguzki koroa ikusgarria abuztuaren 12ko 20:27tik aurrera ikusi ahal izango dira. Eguraldiko lantaldeak fenomeno horiek erakutsi dizkigu gertakari astronomiko garrantzitsu horri buruzko erreportajeen hirugarren atalean.
Amaitu da beroaldia, Arabako eta Nafarroako hainbat tokitan salbu
Tenperatura maximoak 10 gradu inguru jaitsiko dira kostaldean, eta altuenak 25 gradutik behera kokatuko dira. Barnealdean, oro har, 25 eta 30 gradu artean ibiliko dira altuenak, baina Arabako Errioxan eta Nafarroako Erriberan 35 gradutik gorakoak izan litezke.