Groenlandiako independentistek AEBrekin "zuzenean" hitz egitea eskatu dute, Danimarka kanpoan utzita
Whashingtonekin akordio bat ixteko aukera ez du baztertzen Naleraq alderdiak, elkartze librearen formula erabilita.
Naleraq Groenlandiako alderdi independentistak (oposizioan dago) hango agintariei eskatu die Ameriketako Estatu Batuetako Administrazioarekin "zuzenean" hitz egiteko, Danimarka kanpoan utzita.
Donald Trump AEBko presidenteak Groenlandia bereganatzeko azaldu duen asmoa ikusita, herrialde horretako Gobernuko ordezkariek Marco Rubio Estatu idazkari estatubatuarrarekin biltzea eskatu ondotik etorri da independentisten eskaria.
Juno Berthelsen Naleraq alderdiko kidearen arabera, "oso garrantzitsua da" Groenlandia "bakarrik" joatea bilera horretara. "Groenlandiak AEBkin kontaktu zuzena izan dezan lan egingo dugu", idatzi du sare sozialetan.
Groenlandiaren benetako interesak defendatzeko, hartu eman zuzena beharezkoa dela uste du Berthelsenek, "Danimarkaren galbahea pasa gabe".
Azken egunotan gertakarien aurrean, "geldirik" egotea ere leporatu dio Groenlandiako Gobernuari. "Badirudi, ez direla egoera kudeatzeko gai, ezta AEBko Gobernua elkarrizketa eskatzen ari denean ere", erantsi du.
Groenlandiaren independentzia aldarrikatzen du Naleraq alderdiak. Iazko hauteskundetan botoen % 25 eskuratuta, 31tik zortzi diputatu ditu Parlamentuan. Besteak beste, Whasingtonekin elkarrizketa abiaraztea defendatzen du; elkartze librearen formula erabilita, akordio baterako prest legoke.
"Independentzia eta autodeterminazio erabatekoa nahi dugu. Horrek eskatzen du arlo politikoan prest egotea, baina baita praktikoan ere, eta gu geu gai izatea Groenlandiaren etorkizuneko nazioarteko harremanak ezartzeko, nazio subirano gisa", azaldu du Naleraqeko ordezkariak.
Duela urtebete Etxe Zurira itzuli zenetik, Trumpek ez du ezkutatu Groenlandia bereganatzeko bere helburua, segurtasun nazionalaren izenean.
Zure interesekoa izan daiteke
Israel eta Libanoren arteko 10 eguneko su-etena iragarri du Trumpek
Menia bi nazioen arteko "segurtasun eta bake akordio iraunkorra" lortzeko negoziazioak ahalbidetzera bideratuta dago. Tregoa luzatu ahal izango da negoziazioek aurrera egiten badute.
"Antisemitismo modu berriei" aurre egiteko lege-proposamenak polemika bizia eragin du Frantzian
Caroline Yadan diputatuaren ekimenak Asanblea Nazionala eta iritzi publikoa zatitu ditu. Kritikoek ohartarazi dute Israelen aurkako kritikak isilarazteko erabili daitekeela legea, besteak beste.
Repsolek Venezuelan egiten dituen operazioen kontrola berreskuratu du, eta gehiago ekoizteko baldintzak hitzartu ditu
Repsolen Venezuelako ekoizpena 45.000 upel gordin ingurukoa da gaur egun, batez ere Petroquiriquire petrolio-hobian. Konpainia prest dago petrolioaren ekoizpen gordina % 50 handitzeko 12 hilabeteko epean.
Libanoko presidenteak funtsezkotzat jo du Israelek atzera egitea su-etena ahalbidetzeko
Bi aldeen arteko liskar armatuek 2.000 hildako inguru eta milioi bat desplazatu baino gehiago utzi dituzte jada. Netanyahuren Gobernuak eraso armatuak justifikatzeko azaldu du talde islamistak koheteak jaurtitzen dituela.
Bruselak telelana derrigorrez ezartzea proposatu du, prezioen igoeraren eta Ormuzeko tentsioaren aurrean
Europako Batzordea neurri sorta bat prestatzen ari da prezioen igoerari aurre egiteko. Oraindik zirriborroa bada ere, datorren astean aurkeztuko dute, estatu kideek berehala aplika dezaten.
Azken hamarkadetako gatazka krudel eta bortitzenetako bat bizi dute Sudanen
Hiru urte bete dira Afrikako herrialde handienean gerra hasi zenetik, baina ezkutuan egon izan da. Ez dao¡go hildakoen kopuru zehatza jakiterik: 150.000 izan daitezke, baina kopurua askoz handiagoa izan liteke. Gosete latza dago han, eta milioika desplazatu eragin ditu. Urteurrenean, goi-bilera egin dute Berlinen laguntza humanitarioa bideratu eta irtenbide politikoa bilatzeko asmoz, baina borrokan ari diren bi aldeek ez dute parte hartu.
Iranek ohartarazi du eskualdeko merkataritza pasabideak itxiko dituela, AEBk Ormuzko blokeoa kentzen ez badu
Joan den larunbateko negoziazioak akordiorik gabe itxi ostean, Irango agintariek baieztatu dute AEBrekin mezuak trukatzen jarraitu dutela azken egunotan, Pakistan bitartekari dela.
Trumpek ez du su-etena luzatzeko asmorik, ABC katearen arabera
Donald Trump AEBko presidenteak Giorgia Meloni Italiako lehen ministroaren aurka egin du astearte honetan, Leon XIV.a aita santuaren defentsan duela gutxi esandakoagatik eta Irango gerran parte hartzeari uko egiteagatik.
Estatu Batuen eta Iranen arteko elkarrizketak bi egun barru berrekin litezkeela iradoki du Trumpek
Joan den asteburuan Islamabaden (Pakistan) negoziazioen lehen erronda akordiorik gabe itxi ostean, Etxe Zuriko maizterrak iragarri du "zerbait" gerta litekeela datozen bi egunotan.
Txina, hazkunde etengabean: Munduko fabrika izatetik, lider teknologikoetako bat izatera
Txina Irango eta Persiako golkoko beste herrialde batzuetako petrolio eta gas inportatzaile handia da. Hala ere, herrialdearen erreserbak maximo historikoetan daude, eta auto elektrikoen eta energia berriztagarrien aldeko apustuari esker, gerrak ez dio askorik eragin, momentuz. Horrela, Iran bazkide estrategikoa duen arren, Txina erantzun diplomatikoaren alde dago, epe luzerako estrategia baitarabil.