727 hildako eta 2.937 positibo gehiago, Italian; dagoeneko, 13.000 heriotza izan dira
Italian, azken 24 orduetan, 727 lagun hil dira koronabirusagatik, eta 2.937 kutsadura gehiago baieztatu dira; hortaz, dagoeneko, 13.000 heriotza baino gehiago izan dira herrialdean, Angelo Borrelli Babes Zibileko nagusiak asteazken honetan emandako azken datuen arabera. Testuinguru honetan, Roberto Speranza Osasun ministroak baieztatu du COVID-19 gaitzaren hedapena saihesteko ezarritako mugimendu- eta jarduera-murrizketak gutxienez apirilaren 13ra arte izango direla indarrean.
Borrellik zehaztu duenez, kutsadura-kopurua asteartekoa baino pixka bat handiagoa da; asteartekoak ere gainditu zuen, gutxigatik, aurreko egunekoa, alegia, astelehenekoa. Guztira, Italian, orain arte, 110.574 kasu atzeman dituzte, eta 13.155 lagun hil dira. Hori bai, 1.118 gaixori eman diete alta azken 24 orduotan, eta, ondorioz, guztira, COVID-19 gaitza zuten 16.847 paziente sendatu dira, dagoeneko.
Une honetan, 80.500 gaixo baino gehiago daude; % 60, hau da, 48.134, etxean bakartuta daude, eta 28.403, aldiz, ospitaleratuta. 4.035 herritar zainketa intentsiboetako unitatean daude; astearteko datuarekin alderatuta, 12 lagun gehiago daude ZIUn, Alberto Villani pediatrak azaldu duenez. Villani Gobernuari aholku ematen dion batzorde tekniko-zientifikoko kidea da, eta, haren esanetan, zifra horrek baieztatu egiten du "daramagun norabidean jarraitu behar dugula", hartutako neurriekin.
Etxetik irteteko debekuen gainean Gobernuak ezarritako mugaketei dagokienez, Villanik argitu du ez dela aldaketarik izan. Barne Ministerioaren zirkular batek, baina, zalantzak sortu ditu, baimentzen baitzuen ume batek "ekintza motorrak" egitea, gurasoetako batek lagunduta, etxearen ondoan: "Ez dago aldaketarik orain arte emaitza ona eman digun estrategian eta politikan", azpimarratu du Villanik. Italiako Pediatria Elkarteko presidentea ere bada, eta argitu du ez dela heriotzako edo kutsadura larriko kasurik izan adingabeen artean.
Villanik berretsi du herrialdea "euste-fasean" dagoela oraindik, eta, hortaz, batzorde tekniko-zientifikoak ez du gomendiorik eman ildo horretan: umeak paseatzera ateratzeak, gehitu du, "balizko kutsadurak egoteko arriskua ekarriko luke, eta hori guztiontzako kaltegarria da". Beraz, nabarmendu du, mezua ez da aldatu: "Etxean geratu".
Lurraldeka, Lombardia da kaltetuena; 44.773 kasu atzeman dituzte bertan, asteartean baino 1.565 gehiago, eta 7.593 lagun hil dira, hau da, 394 azken 24 orduotan.
Murrizketak, hilaren 13ra arte, gutxienez
Hala, Roberto Speranza Italiako Osasun ministroak baieztatu du gaitza hedatzea helburu ezarritako mugimendu- eta jarduera-murrizketak hilaren 13 arte, behintzat, izango direla indarrean; hau da, azken luzapenean ezarritako epea gutxienez 10 egunez luzatuko da.
Senatuan emandako hitzaldi batean, Speranzak esan du Gobernuak beharrezkotzat jotzen duela orain arte gainditutako murrizketa horiek luzatzea; halaber, ohartarazi du murrizketak pixkanaka indargabetuko dituztela: "Ezinbestekoa izango da, egungo mugaketak kentzean, pixkanaka egitea, kutsadura-foku larriak egon ez daitezen", azpimarratu du. Esan duenez, Gobernua "biharamuna jomugan" ari da lanean, baina "kontu handiz, akatsik ez egoteko".
Speranzak nabarmendu du "lehen seinale positiboak" ari direla jasotzen, baina horrek ez du esan nahi alarma amaitu denik: "Seinale horiek adierazten dute bide onean gaudela, eta hartu ditugun neurri drastikoak lehen emaitzak ematen hasi direla", esan du.
Giuseppe Conte lehen ministroak, bere aldetik, bilera izan du zentro-eskuineko oposizioko lider nagusiekin; topaketan, esan die Gobernuak lege-dekretua onartuko duela, enpresei ahalik eta lasterren emateko likidezia, Adnkronos albiste-agentziak jakinarazi duenez.
Sergio Mattarella Errepublikako presidenteak, era berean, nabarmendu du asteazken honetan herrialdea "garai latzak" ari dela bizitzen, baina, haren iritziz, "elkarrekin", gaindituko dituzte; mezua argitaratu du Mattarellak, egunero herritarren aldetik jasotzen dituen gutun ugariri erantzuteko asmoz.
Albiste gehiago mundua
Gazako haurren heriotzak "aurrekaririk gabe" hazi direla ohartarazi du UNICEFek
Gazatarren aurkako bonbardaketak ez du etenik: gutxienez 22 palestinar hil dira bart Israelen beste eraso batzuetan.
Trumpek bi urpeko nuklear zabaldu ditu Medvedev Errusiako presidente ohiaren "adierazpen probokatzaileen" aurrean
Ukrainako gerra geldiarazteko AEBk Errusiari ezarri zion ultimatuma kritikatu zuen duela gutxi, eta ohartarazi zuen horrek bi herrialdeen arteko gatazka ekar zezakeela.
Etxean betetzeko 12 urteko espetxe-zigorra ezarri diote Alvaro Uribe Kolonbiako presidente ohiari
Gainera, 3.400 milioi peso kolonbiarreko (822.000 dolar) isuna ezarri diote, eta zortzi urte baino gehiagorako inhabilitatu dute eskubide eta funtzio publikoak gauzatzeko.
EBJAk Italiari ohartarazi dio herrialde bat segurutzat jotzeko kontrol judiziala eta informazio eskuragarriaren bermeak behar direla
Giorgia Meloni Italiako lehen ministroak kritikatu duenez, erabaki "harrigarriak" berekin dakar "Europako jurisdikzioak ez dagozkion eskubideak erreklamatzea". Mediterraneoan erreskatatu eta Italiako agintariek Albaniako zentro batera eraman zuten Bangladesheko migratzaile bati buruzkoa da auzia.
Nahaspila AEBko ipar-ekialdean: Uholdeek metroa, errepideak eta aireportuak kolapsatu dituzte
Euriteek New York, New Jersey, Filadelfia eta Washington bezalako hiriak kolpatu dituzte, larrialdi egoera ezarri, 1.300 hegaldi bertan behera utzi eta errepideak, metro geltokiak eta trenak itxi behar izan dituzte.
Albiste izango dira: Trumpen muga-zergak, Irteera Operazioa eta Boiseko Jaialdia
Gaurkoan albiste izango direnen laburpena, bi hitzetan.
Trumpek muga-zergen plan berri bat iragarri du, gutxienez % 10ekoa, baina abuztuaren 7ra arte ez da indarrean sartuko
Presidente estatubatuarrak abuztuaren 7ra arte luzatu du muga-zergak indarrean sartzeko epea, Europar Batasuneko inportazioei aplikatutakoak barne.
Gutxienez 86 gazatar hil dira asteazkenean laguntza humanitario bila zihoazela
Lekukoen esanetan, Israelgo Armadak jendetzaren aurka tiro egin du Zikimeko pasabidean “geldialdi taktiko” bat egiten ari zela.
Kanadak Palestina estatu gisa formalki aitortzeko asmoa du NBEren iraileko Batzar Nagusian
Palestina estatu gisa aitortuko duela iragarri duen G-7ko hirugarren herrialdea da, Frantziarekin eta Erresuma Batuarekin batera. Trumpek, bestalde, ohartarazi du horrek "merkataritza akordioa zailduko" duela.
Trumpek hainbat herrialde zigortu eta beste batzuk saritu ditu muga-zergen bidez
Indiak eta Brasilek, BRICS nazioarteko erakundeko kideek (Errusia ere horien artean dago), ez dute lortu Trumpekin akordiorik. Kanadak ere zail ikus lezake negoziazioa, bereziki Palestinako Estatua ofizialki aitortuko duela iragarri ostean.