Konfinamenduaren "pixkanakako" amaiera koordinatzea eskatu du EBk
Ursula von der Leyen Europako Batzordeko presidenteak eta Charles Michel Europako Kontseiluko presidenteak koronabirusari aurre egiteko ezarritako konfinamenduaren "pixkanakako eta koordinatutako" amaiera baten alde egin dute; nolanahi ere, adierazi dute uste dutela amaiera hori ezingo dela izan "berdin-berdina" kide diren Estatu guztietan; izan ere, pandemiaren bilakaera ez da berdintsua izan herrialdeetan.
"Honek ez du esan nahi konfinamendua dagoeneko bertan behera utz daitekeela, baizik eta marko bat eskaini nahi diegula kide diren Estatuei, beraiek erabaki dezaten", nabarmendu du Von der Leyenek, Bruselan, prentsaurreko batean, argi uzteko proposamena ez doala EBko herrialde gehienetan indarrean dauden murrizketen aurka.
Michelen esanetan, gomendioek "sen ona" eta zientzialarien irizpena izan dituzte abiapuntu; helburua da herrialdeek "krisi honetarako pixkanakako amaiera prestatzea; amaiera ez da berdin-berdina izango Estatu guztietan, baina bai antzekoa".
Horrela babestu dituzte Von der Leyenek eta Michelek kide diren Estatuentzako gomendioak. Estatuek dute eskumena segurtasunean, osasunean eta mugetan, eta eskatu zaie irizpide epidemiologiko argiei jarraitzeko; irizpide horiek adierazi beharko lukete kutsadurek nabarmen egin dutela behera, epe esanguratsuan, konfinamendua arindu aurretik.
Europar Batasuneko Gobernuaren dokumentuan, halaber, ohartarazten diete herrialdeei baieztatu behar dutela, egungo egoera arindu baino lehen, euren osasun-sistemek gaitasuna dutela kasuen balizko igoera; baliteke hori gertatzea, murrizketa-neurriak bertan behera uzten hasita.
Bruselak, halaber, gomendatzen du amaiera mailaka egitea, denboran aldendutako hainbat fasetan; hala, agintariek denbora izango lukete, kutsadurek berriro egingo balute gora. Hori dela eta, eskatu du konfinamenduaren amaiera "eskala lokalean" egitea hasieran, eta gerora zabaltzea.
Mugak berriro irekitzea, "epe luzerako"
Testuinguru horretan, Von der Leyen zorrotza izan da; ohartarazi du Schengen eremua berriro irekitzeak ez lukeela zertan izan lehen neurrietako bat, baizik eta "epe luzerako" urratsa. EBko dozena bat herrialdeak, Espainiak tartean, barneko mugak itxita dituzte.
"Lehenik eta behin, segurtasuna bermatu behar da, osasunari dagokionez, eta, gerora, pixkanaka, motel baina seguru, merkataritza- eta industria-arloetatik haratago joan beharko da, herritarren bizitzako normaltasuna berreskuratzeko", zehaztu du EBko Gobernuko buruak, galdetu diotenean herrialdeen arteko joan-etorrien gainean.
Hain zuzen, dokumentuak dio kide diren Estatuek arintzeko neurrien berri eman beharko dietela, EBko Gobernuari eta EBko gainerako bazkideei, abian jarri aurretik. EBko iritziak "kontuan izan beharko dituzte".
Europan, pandemiak 120.000 bat hildako eragin ditu dagoeneko, eta 800.000 herritar baino gehiago kutsatu dira, Gaitzak Prebenitu eta Kontrolatzeko Europako Zentroaren arabera.
Albiste gehiago mundua
Washingtonek Mosku ostiralean zigortzeko asmoa du, Putinen eta Witkoffen arteko bilera "emankorra" izan dela onartu arren
Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko asmoa kentzeko. Ildo horretan, Trumpek agindu bat sinatu du Indiari % 25eko muga-zergak ezartzeko, Errusiako petrolioa erosteagatik. AEBko agintariak Putinekin bildu nahi du datorren astean.
Sute "ikaragarri" batek hildako bat utzi eta 16.000 hektarea kiskali ditu Frantzian
Gainera, bederatzi suhiltzaile zauritu dira, horietako bat larri, eta 13 herritar, horietako bat ere larri. Sua hasi eta hurrengo egunean, lehen zantzuen arabera eskualdeko errepide batean egindako arduragabekeria baten ondorioz, sugarrek aurrera egiten jarraitzen dute, haize bortitzak lagunduta.
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.