EBren ustez, justifikaezina da AEBk MOEren finantzaketa etetea erabaki izana
Josep Borrell Europar Batasuneko Atzerriko Politikaren goi-ordezkariak adierazi du justifikaezina dela AEBk Munduko Osasun Erakundearen (MOE) finantzazioa etetea erabaki izana, koronabirusaren krisiaren erdian.
"AEBren erabakia deitoratzen dut. Ez dago maniobra hori justifikatzeko arrazoirik, ahalegin guztiak egin behar baitira koronabirusaren pandemia geldiarazten eta arintzen laguntzeko", esan du diplomazia europarraren buruak Twitter sarean.
Borrellek azpimarratu duenez, "indarrak batuz" egin behar zaio aurre pandemiari, krisiak "ez baitu mugarik ezagutzen". Krisi garaian, pandemiaren aurrean ikuspuntu multilaterala defendatu du, eta horrelakoen aurrean erantzun globalak eman behar direla azpimarratu.
Hain zuzen ere, osasun krisia inguruko herrialdeetan, Afrikan batez ere, ez gainditzeak Europarentzat duen arriskuaz ohartarazi du, horrek birusaren bolada berriak ekar ditzakeelako. "Haien arazoak gure arazo izango dira, ezin dugu pandemia gure etxean bakarrik konpondu. Afrikan konpontzen ez bada, Europan ez da konponduko", ohartarazi zuen duela aste batzuk.
Donald Trump AEBko presidenteak iragarri duenez, bere herrialdeak bertan behera utzi du MOEren finantzaketa, erakundeak koronabirusaren pandemiaren aurrean izan duen "papera aztertzen" duen bitartean.
Trumpek gaixotasuna "ezkutatu" izana leporatu dio Munduko Osasun Erakundeari, eta, era berean, modu politizatuan jokatzen duela adierazi dio. AEBk pandemiaren lehen estadioetan Txinarako bidaien murrizketak ezarri zituen bitartean, MOEko administrazioak hartutako neurrien "aurka" egin zuela salatu du.
Albiste gehiago mundua
Ormuzko itsasartea, petrolioa eta gasa komertzializatzeko gune estrategikoa, ixteko gomendatu du Irango Parlamentuak
Azken hitza, hala ere, Segurtasun Nazionaleko Kontseilu Gorenak eta Ali Khamenei aiatolak, Irango buruzagi gorenak, izango dute. Persiar golkoaren eta Omango golkoaren artean dago Ormuzko itsasartea, eta tarterik estuenean 54 kilometro ditu. Batez beste 13 zisterna-ontzi igarotzen dira egunero bertatik, eta 15 milioi petrolio-upel baino gehiago garraiatzen dituzte. Itxiko balitz, mundu osoan izango luke eragina.
Mikel Ayestaran: "Hemendik aurrera bi fronte izango ditu Iranek: batetik, Israel, eta, bestetik, AEBren baseak Ekialde Hurbilean"
EITBren Ekialde Hurbileko korrespontsalaren esanetan, "Iranek uste du eskualdeko base kopurua ez dela indar-erakusle, ahultasunarena baizik, denak babesteko zailtasunak izango dituelako AEBk".
Iranek ez du aukerarik baztertzen, AEBk instalazio nuklearren aurka eraso egin ostean
Irango Atzerri ministroak adierazi duenez, AEBk "Nazio Batuen Gutuna, nazioarteko zuzenbidea eta Arma Nuklearrak Ez Ugaritzeko Ituna urratu ditu Irango instalazio nuklear baketsuei eraso eginda", Nazio Batuen Segurtasun Kontseiluko kide iraunkor gisa. Erasoak "sumingarriak" direla esan, eta "ondorio iraunkorrak" izango dituztela gaineratu du.
AEBk Irango azpiegitura nuklearrak bonbardatu ditu
Iranen hiru instalazio nuklear bonbardatu ostean, Donald Trump AEBko presidenteak "bakea edo tragedia" aukeratzeko eskatu dio Irani. Oposizio demokratak Konstituzioa urratu izana leporatu dio Trumpi, Kongresuaren baimen espliziturik gabe egin duelako beste herrialde baten aurkako ekintza militarra. JD Vanceren hitzetan, bere herrialdea "ez dago Iranekin gerran, haren asmo nuklearrekin baizik".
Guterresek gaitzetsi egin du AEBk Irani egindako erasoa, eta diplomaziaren bideari eusteko eskatu du
Egoeraren larritasunaz ohartarazi du Nazio Batuen Erakundeko buruak. Indarkeria ekintzak areagotzeak, bai Iranen, bai mundu osoan, "ondorio katastrofikoak" izan ditzakeela uste du. Nazioarteko komunitateak tentsioa baretzeko eta elkarrizketarako deia egin du.
Martxa jendetsuak Erroman eta Londresen, Gazako erasoaldia amaitzea, Israelekin haustea eta Europaren berrarmatzea gelditzea eskatzeko
Londresko Palestinaren aldeko Martxa Nazionalean parte hartu dutenek oihuka eskatu dute Israelek Palestinako lurraldean "okupazioa" amaitzea eta Israelek Irani egindako bonbardaketak bertan behera uztea. Erroman, milaka lagunek Europaren berrarmatzea gelditzeko eta bakea berrezartzeko eskatu dute.
Trumpek esan du Espainiak "oso gutxi" ordaintzen duela NATOko kide gisa
Horrekin batera, AEBko presidenteak berretsi du erakundeko kide guztiek BPGaren % 5 inbertitu beharko luketela defentsan.
Israelek dozenaka gazatar hil ditu, tiroka, Gaza Hirian
Ostiralean, gutxienez 70 palestinar hil dira Israelek Gazako hainbat guneren aurka egindako erasoetan, Osasun Ministerioak eta Defentsa Zibilak egindako zenbaketaren arabera. Gutxienez 25 laguntza humanitarioa jasotzeko guneetara zihoazela hil dituzte, tiroka.
Tel Aviv, Haifa, Beersheba eta bi hegazkin base misilekin eta droneekin eraso ditu Iranek
Abas Araqchi Irango Atzerri ministroak Genevan esan duenez, Israelen "erasoa gelditu eta erasotzailea epaitzen dutenean diplomaziari berriz heltzeko prest daude".
UNICEFek ohartarazi du denbora amaitzen ari dela Gazan: "Haurrak egarriz hiltzen hasiko dira"
Ia ez dago edateko urik Gazako Zerrendan, Isralek ezarritako blokeo humanitarioaren eraginez. NBEk azpimarratu duenez, erabaki politikoa da.