Johnsonen aholkulari baten joan-etorriak, eta Bolsonaro manifestazio jendetsu batean
Boris Johnson Erresuma Batuko lehen ministroak Dominic Cummings bere aholkulariaren alde egin du berriro, Durhamera, Lodrestik 400 kilometrora, bidaia pertsonala egin eta derrigorrezko berrogeialdia urratu zuela jakin ostean. Cummings berrogeialdian zegoen kutsatutako pertsona batekin kontaktuan izan ostean. Johnsonen alderdiko kideek ere aholkulariaren dimisioa eskatu dute.
Johnsonen ustez, Cummingsek “ez zuen beste aukerarik” eta semea senide batzuekin uzteko egin zuen bidaia, “koronabirusaren ondorioz, bera eta emaztea semea zaintzeko gai ez zirela izango ikusita”. Emazteak positibo eman zuen koronabirusa atzemateko proban, eta Cummingsek sintomak zituen bidaia egin zuenean. “Erantzukizunez jokatu zuen, legez eta zuzen”, esan du Johnsonek prentsaurreko batean.
Pintaketa, Cummings bizi den kaleko errepidean. Argazkia: EFE
Laboristen oposizioak gertatutakoa lehenbailehen ikertzeko eskatu du, eta kontserbadoreen artean ere diputatu batzuek Cummingsek egindakoa publikoki kritikatu dute.
Erresuma Batuan 118 hildako gehiago zenbatu dituzte azken orduetan, eta dagoeneko 36.793 dira pandemia hasi zenetik COVID-19agatik hildakoak.
Dominic Cummings, Johnsonen aholkulari nagusia, etxera bidean. Argazkia: EFE
Bolsonarok pandemia ukatzen duten teoriekin jarraitzen du
Bestalde, eta munduko beste aldean, Jair Bolsonaro Brasilgo presidentearen ehunka jarraitzaile Gobernuko jauregiaren inguruan bildu dira presidenteari babesa agertzeko. Bolsonaro haiengana joan da, eta jarraitzaileen artean sartu da, gaixotasunaren aurkako babesik gabe. Brasilen 22.000 pertsona hil dira koronabirusaren ondorioz.
Agintari ultraeskuindarra Brasilia airetik ikusi ostean batu da bere jarraitzaileekin, airetik ibilgailu pila bat zegoela ikusi baitu Gobernuaren egoitzaren inguruan.
Brasil munduan koronabirus kasu gehien duen bigarren herrialdea da AEBren atzetik: 347.000 kutsatu baino gehiago daude eta 22.000 pertsonatik gora hil dira jada bertan.
Bolsonaro manifestarien artean, maskararik gabe. Argazkia: EFE
Zure interesekoa izan daiteke
Israelek eta Estatu Batuek eraso egin diote Iranek eta Qatarrek partekatzen duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, egoera are gehiago zailduko dutenak eta mundu guztiari eragin diezaioketenak.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.