21.000 tona petrolio isuri dituzte Artikora, eta larrialdi egoera ezarri dute
Errusian 21.000 tona petrolio isuri dituzte Artikora eta Vladimir Putinek larrialdi egoera ezarri du.
Ezbeharra joan den ostiralean gertatu zen Norilsk hirian dagoen zentral termoelektrikoan. Artikoan inoiz izan den isurketarik larriena izan daitekeela ohartarazi dute.
Hondamendiaren larritasunaz jabetuta, Putinek larrialdi egoera ezartzea erabaki du tokiko agintariak gogor kritikatu ditu, isurketaren aurrean "berandu" erantzun dutela eta Gobernuak gertatutakoa sare sozialen bidez jakin duela azpimarratuta.
"Nola da posible agintariek gertatutakoa bi egun beranduago ezagutzea? Larrialdi kasuen berri sare sozialen bidez izango dugu aurrerantzean? Arazoren bat dugu edo zer gertatzen da?", galdetu du Putinek kazetarien aurren egindako agerraldian.
Istripua maiatzaren 29an gertatu zen, baina Errusiako Larrialdietarako Ministerioak maiatzaren 31 arte ez zuen haren jakinarazpenik jaso.
Zentrala kudeatzen duen Nornickel enpresaren arabera, zorua urtu izanak petrolioa gordetzeko deposituan kalteak eragin zituen eta horren ondorioz gertatu zen isurketa.
Boris Mrogunov Goi-mailako Ekonomia Eskolako Ekologia Institutuko zuzendariaren esanetan, petrolioa pilatzeko deposituak urte asko ditu eta kontrolerako azterketak egunero egin behar dira. Beraz, "kontrol hori egin den argitu beharko litzateke", erantsi du.
Bestalde, Nornickel konpainiak esan du isuritako petrolio guztia 10-14 egunetan erretiratu daitekeela, baina Dimitri Kobilkin Baliabide Naturalen ministroak zalantzan jarri du hori.
Oraingoz, Itsas Salbamenduko langileek 100 tona petrolio erretiratu dituzte, Sputnik agentziak jakinarazi duenez.
Zure interesekoa izan daiteke
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.