Errusiak koronabirusaren aurkako lehen txertoa erregistratu du

Errusiako presidentearen arabera, txertoa "eraginkorra" da, beharrezko proba guztiak gainditu ditu eta COVID-19aren aurrean "immunitate egonkorra" lortzeko aukera ematen du.

Errusiaren COVID-19aren aurkako txertoa. Argazkia: EFE.

Agentziak | Erredakzioa

2020/08/11 - 12:47

Azken eguneratzea

2020/08/11 - 21:53

Vladimir Putin Errusiako presidenteak astearte honetan iragarri duenez, Errusiak koronabirusaren aurkako txertoa lortu duela jakinarazi du, mundu osoan erregistratu den lehena. Gaur egun, egunean 5.000 kasu berri baino gutxiago atzematen dituzte bertan, baina 900.000 positibo inguru zenbatu dituzte orain arte.

"Gaur goizean COVID-19aren aurkako lehen txertoa erregistratu dugu munduan", iragarri du Errusiako agintariak Gobernu bilera batean, Sputnik albiste-agentziak zabaldutakoaren arabera.

Putinen esanetan, bere alabak ere hartu du txertoa, eta ekoizpena laster hastea espero duela erantsi du, errusiar guztiengana iristeko. Joan den astean, Kremlinek urria jo zuen koronabirusaren aurkako txertaketa kanpaina hasteko balizko data gisa.

Ordu batzuk lehenago, Nikolai Briko Osasun Ministerioko Epidemiologia buruak esan duenez, ez dago arrazoirik N. F. Gamaleya ikerketa zentroak koronabirusaren aurka egindako txertoa erregistratzeko prozesua atzeratzeko.

"Agian prozesua bizkortu egin da txertoa ustekabean garatu ez delako", esan du Brikok, eta lan "serio" baten emaitza dela aldarrikatu du, TASS albiste-agentziaren arabera.

Egunean 5.000 kasu baino gutxiago

Errusiak 5.000 koronabirus kasu berri baino gutxiago zenbatu ditu azken orduotan, eta apirilaren amaieratik lehen aldiz jaitsi da kopuru horretatik, pandemiaren bilakaera jarraitzen duen zentroak astearte honetan jakitera eman duenez.

"Azken 24 orduetan Errusian COVID-19aren 4.945 kasu baieztatu dira 84 eskualdetan", adierazi du Errusiako zentroak. Apirilaren 23ra jo behar da antzeko datu bat aurkitzeko, orduan 4.774 positibo berri erregistratu baitziren.

Guztira, 897.599 pertsona kutsatu dira, eta horietako 15.131 hil eta 703.175 suspertu dira (6.494, azken orduetan).

Errusia munduko laugarren herrialderik kaltetuena da, Ameriketako Estatu Batuen, Brasilen eta Indiaren atzetik. Koronabirusak guztira 20 milioi pertsonatik gora kutsatu ditu dagoeneko.

Sputnik V

Errusiak koronabirusaren aurka merkaturatuko duen txertoari Sputnik V izena jarri diote. "Sobietar Errepublika Sozialisten Batasunak 1957an bidali zuen orbitara arrakastaz munduko lehen satelitea, eta horrek mundu osoan ikerketak bultzatu zituen. Hori dela eta, Sputnik V deituko da txertoa", azaldu dute horren webean.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn uztailaren 16tik, eta Nafarroan, uztailaren 17tik. Iparraldean, "espazio publiko itxietan" derrigorrezkoa da uztailaren 20tik.

Albiste gehiago mundua

MOSCOW (Russian Federation), 31/07/2025.- Kremlin spokesman Dmitry Peskov (L) gestures before a meeting of Russian President Vladimir Putin(not pictured) and Laotian President Thongloun Sisoulith(not pictured) at the Kremlin in Moscow, Russia, 31 July 2025. Thongloun Sisoulith is on his two days official visit to Russia. (Rusia, Moscú) EFE/EPA/EVGENIA NOVOZHENINA / POOL

Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"

Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.

Salim Asfour (d), un anciano palestino, se sienta junto a su familia en su alojamiento en Khan Younis, al sur de la Franja de Gaza

Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu

Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.

El ministro de Seguridad Nacional de Israel, el ultraderechista Itamar Ben Gvir, ha pedido este domingo la "ocupación total" de la Franja de Gaza en el marco de la actual ofensiva militar sobre el enclave palestino. Lo ha hecho desde la Explanada de las Mezquitas, en Jerusalén Este, uno de los lugares más sensibles de la región, donde ha dirigido abiertamente una oración judía, en desafío al statu quo vigente.

Israelgo Segurtasun Nazionaleko ministroak Gaza "erabat okupatzea" eskatu du

Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.

Francia ha anunciado la expulsión este domingo de una estudiante de Gaza que había llegado con una beca pública para la facultad de Ciencias Políticas de Lille por mensajes antisemitas que había colgado en redes sociales, un caso que ha llevado a congelar la acogida de estudiantes de ese territorio palestino.

Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita

Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.

El volcán Krasheninnikov, situado en la península rusa de Kamchatka, ha entrado este domingo en erupción, después de que llevara cientos de años sin actividad y tras el terremoto de magnitud 8,8 en la escala Richter registrado el miércoles frente a la costa del país.

Bigarren sumendi bat erupzioan hasi da Errusiako ekialdean, 8,8 graduko lurrikararen ostean

Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.

El papa León XVI expresó este domingo su solidaridad con los jóvenes que padecen la guerra en todo el mundo, en especial con los de Gaza y Ucrania, al término del Jubileo de los Jóvenes que congregó en Roma a más de un millón de personas.

Leon XVI .a aita santuak deia egin die gazteei "gauza handiak lortzea " helburu izateko eta kontsumismoa baztertzeko

Erroman eginako Gazteen Jubileua ixteko, aita santuak elkartasuna adierazi die Gazan eta Ukrainan gerra pairatzen ari diren gazteei.

Gizon bat espetxeratu dute Frantzian, emaztea mozkortzea egotzita, beste gizon batzuekin sexu-harremanak izatera behartzeko

62 urteko gizonezkoari emaztearen baimenik gabe topaketak antolatzea leporatzen diote, Gisele Pelicoten kasuaren eskandalua gogorarazten duen kasu batean.

TEL AVIV, 2/08/2025.- Unos 60.000 manifestantes se congregaron este sábado en Plaza de los Rehenes de Tel Aviv para reclamar un acuerdo de alto el fuego que traiga de vuelta a los cautivos en Gaza, en una protesta con más asistentes de lo habitual después de que las milicias palestinas de Gaza difundieran vídeos de dos secuestrados mostrando una delgadez extrema. EFE/Movimiento prodemocracia israelí/Yair Palti -SOLO USO EDITORIAL/SOLO DISPONIBLE PARA ILUSTRAR LA NOTICIA QUE ACOMPAÑA (CRÉDITO OBLIGATORIO)-

60.000 pertsona inguru manifestatu dira Tel Aviven, Gazan bahituen bideoak zabaldu ostean

Gazako gatibuak Israelera bueltan eramango dituen su-eten akordio bat eskatu dute, ohi baino jende gehiagorekin egindako protesta jendetsuan, horien bideo batzuk zabaldu ostean. Bideo horietan, bahituek muturreko argaltasuna erakusten dute eta akordio bat eskatzen diete agintariei. Israelek 104 pertsona hil ditu azken orduotan Gazako Zerrendan.