Istiluak izan dira Wisconsinen, polizia batek afroamerikar bati tiro egin ostean
Ehunka pertsona kalera atera dira Wisconsin estatuko Kenosha hirian, Ameriketako Estatu Batuetako (AEB) ipar-ekialdean, polizia batek afroamerikar gazte bati bizkarretik zazpi aldiz tiro egin ostean. Tokian izan ziren agenteek, "etxeko gertakari" gisa deskribatu dute gertatutakoa.
Jacob Blake bezala identifikatu duten gizona Kenoshako ospitale batera eraman dute (igande arratsaldean jazo zen gertakaria), eta hil ala biziko egoeran dago zainketa intentsiboetako unitatean, premiazko ebakuntza egin ostean, CNN telebista kateak jakitera eman duenez.
Ben Crump haren abokatuak azaldu duenez, autoan sartzerakoan egin zion tiro poliziak. Une horretan, autoaren barruan Blaken hiru seme-alabak zeuden, 3, 5 eta 8 urtekoak.
100.000 biztanle inguru dituen Kenosha hirian, manifestari batzuek leihoak hautsi eta pintaketak egin dituzte bertako gobernuaren egoitzan. Gainera, horietako talde bat polizia-etxera joan da eta hainbat ibilgailuk su hartu dute.
Agintariek, bestalde, etxeratze-agindua ezarri dute istiluekin lehenbailehen amaitzeko asmoz. Poliziak, berriz, lehenago ixtea aholkatu die inguruko establezimenduei, igandeaz geroztik izandako lapurreta eta ebasketa kopurua dela eta.
Beltzen aurkako poliziaren indarkeria salatzeko protestak eta manifestazioak nabarmen ugaritu dira herrialdean azken asteetan, batez ere George Floyd eta Breonna Taylor hil ostean.
Donald Trump Jr. AEBko presidentearen semeak protestak gaitzetsi ditu eta "anarkistatzat" jo ditu. Twitterren duen kontuan, autoak erretzen ari ziren manifestarien bideo batzuk zabaldu ditu.
Bestalde, Tony Evers Wisconsineko gobernadoreak tiroketa gaitzetsi du. "Oraindik ez ditugu xehetasun guztiak, baina badakigu ez dela estatu edo herrialde honetan poliziaren esku zauritzen edo hiltzen duten lehen gizon beltza", deitoratu du.
Albiste gehiago mundua
Gutxienez 200 pertsona atxilotu dituzte Londresen, Palestine Action taldearen aldeko manifestazio batean
Palestine Action taldea legez "erakunde terrorista" gisa sailkatuta dago Erresuma Batuan uztailetik, bertako aireko armadaren base militar batean bi hegazkin bandalizatu ondoren.
Nagasakik minutu bateko isilunearekin gogoratu ditu bonba atomikoaren biktimak, 80 urte geroago
Minutu bateko isilunea egin dute Nagasakin, AEBk bonba nuklearra jaurti zuenetik 80 urte bete direla gogora ekartzeko. 74.000 hildako utzi zituen, Hiroshiman 140.000 pertsona hil eta hiru egunera. Agintari nipondarrek eta bizirik atera zirenek izugarrikerietatik ikasteko eta 1945eko abuztuaren 9ko oroitzapen tragikoa gogoan izateko eskatu dute.
Kiev aintzat izan gabe hartutako erabakiak jaiotzerako "hilda" daudela esan du Zelenskik
Trumpek eta Putinek Ukrainako gerraren amaierari buruz hitz egiteko iragarritako goi-bileran egotea eskatu du Zelenskik, baita Europaren parte-hartzea ere.
Trump eta Putin abuztuaren 15ean bilduko dira, Alaskan, Ukrainako gerrari buruz hitz egiteko
Oraindik ez dago argi Volodimir Zelenski Ukrainako presidenteak ordezkaritzarik izango ote duen akordio bat lortzen saiatzeko hitzordu honetan. Datozen orduetan xehetasun gehiago emango dituztela iradoki du AEBko presidenteak.
Mendi bat erditik moztu dute Txinan 600 metroko altueran dagoen autobide bat eraikitzeko
Guizhou probintzian, ingeniariek mendia zatitu dute autobide moderno bat eraikitzeko. Lehergaiak eta zulatzeko teknika aurreratuak erabili dituzte korridore zabal bat sortzeko.
Alemaniak iragarri du Israel helmuga duen arma esportazioen zati bat eten egingo duela "oraingoz"
Aurrekaririk gabeko erabakia da Alemanian. Bestalde, Herbehereetan atzera bota dituzte ontzi militarren piezak Israelera esportatzeko hiru lizentzia, eta Norvegiak esan du Israelgo inbertsioetan egingo dituzten aldaketak iragarriko dituztela datorren astean.
Hamasek Israeli ohartarazi dio erasoaldia hedatzeak bahituak "sakrifikatzea" esan nahi duela
Israelgo kabineteak Gazako Zerrendan bere erasoaldi militarra zabaltzea erabaki ostean iritsi da talde islamistaren komunikatua. Hamasek ohartarazi duenez, "zibilen aurkako krimen basatiagatik duen erantzukizun legala saihesteko ahalegin zakarra da".
Mugarik Gabeko Medikuek eskatu dute Gazako Fundazio Humanitarioaren banaketa-guneak desegiteko: "Tranpa hilgarriak dira"
Mugarik Gabeko Medikuak (MSF) gobernuz kanpoko erakundearen txosten baten arabera, Gazarako Fundazio Humanitario estatubatuarraren elikagaiak banatzeko zentroak "hilketa orkestratuak eta deshumanizazioa" egiteko lekuak dira, eta horiek ixteko deia egin du. Israelek horren esku utzi zuen Gazan laguntza humanitarioa banatzeko ardura, hainbat hilabetez erabat blokeatuta egon ondoren.
Gaza inbaditzeko plana "berehala gelditzeko" eskatu du NBEk
Nazio Batuen Erakundeko Giza Eskubideetarako goi mandatariak salatu duenez, Netanyahuren erabakia Nazioarteko Justizia Gortearen irizpenaren kontrakoa da.
Gutxienez zazpi pertsona atxilotu dituzte Israelen, Gazako inbasioaren aurkako protestetan
Israelgo agintariek gutxienez zazpi pertsona atxilotu dituzte ostegun honetan Gazako Zerrendan inbasio militarraren aurka egindako manifestazioetan, eta zalditeria eta ur-kanoiak erabili dituzte protesta jendetsuak sakabanatzeko. Jerusalemen, bizirik atera direnen eta bahituta daudenen senideak izan dira protestetan, eta akordio bat eskatu dute horiek askatzeko eta Israelek Palestinako enklabearen kontra egindako erasoaldia amaitzeko, besteak beste.