Gazte batek bi manifestari hil ditu Wisconsineko protestetan
Gutxienez bi herritar hil dira eta bat zauritu da Kenosha hirian, Ameriketako Estatu Batuetako Wisconsin Estatuan, arrazagatiko protestetako hirugarren gauean, Poliziak jakitera eman duenez. Protestak igandean hasi ziren, bertako Poliziako agente batek Jacob Blake afroamerikarrari bizkarrean zazpi aldiz tiro egin eta gero. Bi heriotza horiekin lotuta, 17 urteko gazte bat atxilotu dute.
Polizia-txostenaren arabera, armak zeramatzaten hainbat pertsonak manifestariei tiro egin diete, Kenoshako gasolindegi batetik gertu; bitartean, Blake, 29 urtekoa bera, ospitaleratuta dago, larri.
Sare sozialetan zabaldutako bideoek erakusten dute manifestari batzuen eta talde armatuen arteko nolabaiteko liskar bat. Taldearen asmoa omen zen jabetza pribatuak babestea.
Etxeratze-agindua indarrean sartuta, hau da, 20:00ak jota, Polizia Kenoshako Konderriko auzitegietako eraikinaren aurreko parke batean zeuden manifestariak sakabanatzen hasi zen. Istilu armatua bertan gertatu da.
Kenoshako Poliziako Konderriko buru David Bethek kazetariei esan dienez, ikertzen ari dira tiroketa manifestarien eta talde armatuaren arteko borrokaren ondorioa izan ote den. Bethen hitzetan, agintariak arma luze bat zeraman gizon baten bila ari dira. Testuinguru horretan, AEBko agintariek jakitera eman dute 17 urteko gizonezko bat atxilotu egin dutela; Illinois Estatuko gazte bat da, Kyle Rittenhouse izenekoa.
Blake, sei seme-alabaren aita bera, Poliziak tirokatu du; duela hiru hilabete, Minnesota Estatuko Minneapolis hirian, George Floyd afroamerikarra hil zuen agente batek, eta horrek protesta jendetsuak, suteak eta arpilatzeak eragin zituen.
Zure interesekoa izan daiteke
AEBk hirugarren petrolio-ontzi bat atxiki du Venezuelan
Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera egingo du datorren asteartean, hilaren 23an, egoera aztertzeko.
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.