Moriako 12.000 migratzaileetatik 9.000 Kara Tepen daude jada, Lesbosen bertan
Greziako Poliziak jakitera eman duenez, jada eraman dituzte Kara Tepeko kanpalekura Moriakoan bizi ziren 12.000 pertsonatatik 9.000. Gogoan izan behar da irailaren 8an eta 9an hainbat sute izan zirela Morian eta milaka pertsona kale gorrian geratu zirela.
Larunbat gauean bertan amaitu nahi zuen lekualdaketa Poliziak 'Kathimerini' egunkariak bere webgunean dioenez. Kanpalekura eraman dituzten guztiek asilo eskaria martxan dute.
Bien bitartean, koronabirus probak egiten ari zaizkie pertsona guztiei, agerraldi handi baten beldur. Oraingoz 213 positibo atzeman dituzte eta koarentenan dituzte aparte diren instalazio batzuetan.
Lesbos uharteko hiriburu den Mitilenetik hegoaldera dago Kara Tepe kanpalekua. Hara sartu aurretik hainbat egunez kalean egon behar izan dute migratzaileek janaririk eta babeslekurik gabe eta tentsio uneak bizi izan dira.
Greziako agintariek migratzaileei eurei egozten die suteen ardura, Grezia kontinentalera eraman zitzatela lortzeko. Migratzaileek ukatu egin dute hori, ordea, eta kanpaleku berria kartzela bat dela eta baldintzak ez direla onak ziurtatu dute. Kanpaleku berrian jarraitzen dutenek soilik jasoko dutela asiloa adierazi du Greziak eta hori "xantaia" dela salatu dute migratzaileek.
Albiste gehiago mundua
MSFk ohartarazi du Zisjordanian "garbiketa etnikoa" izateko arriskua dagoela, kolonoen indarkeria dela eta
Erakunde humanitarioak salatu du etxebizitzen ia % 85 eraitsi dituztela herrixka batzuetan.
26 herrialdek Ukrainan tropak zabaltzeko edo bertan egoteko konpromisoa hartu dutela iragarri du Macronek
Frantziako presidentearen arabera, indar horiek ez dira lehen lerrokoak izango, eta horien helburua da "edozein eraso handi berri prebenitzea" eta 26 herrialde horiek "Ukrainako segurtasun iraunkorrean inplikatzea". Datozen egunetan zehaztuko da AEBk zein neurritan eta modutan lagunduko duen Kieven segurtasunean.
Putin eta Xi 150 urte arte bizitzeaz eta hilezkortasunaz mintzatu dira
Tiananmen plazako desfile militarrera ikustera zihoazela, Errusiako eta Txinako presidentearen arteko elkarrizketa jaso du giro-mikrofono batek. "Lehen, oso gutxitan iristen zen jendea 70 urte bizitzera, gaur egun, ordea, 70 urterekin gaztea zara oraindik", esan dio Xik Putini, interpretearen laguntzaz.
16 pertsona hil eta hogei baino gehiago zauritu dira Lisboan, Gloriako funikularra errailetik atera da eta
Portugaleko presidenteak doluminak eman dizkie "tragediak" kaltetutako familiei.
Putinek "argi apur bat" ikusi du Ukrainako "tunelaren amaieran", baina akordiorik ezean gerrak jarraituko duela ziurtatu du
Errusiako presidenteak adierazi du Volodimir Zelenski Ukrainako presidentearekin biltzeko prest dagoela Moskura bidaiatzen badu.
:eitb-banner?$eitb-banner$&fmt=webp-alpha&qlt=80)
Hamasek esan du nazioarteko harremanak "areagotu" dituela, Israel Gazan egiten ari den "sarraskia" gelditzeko asmoz
Talde islamiarrak ohartarazi duenez, gainera, Zisjordanian bizi duten hondamendia ez da Gazako Zerrendan bizi dutena baino samurragoa.
Txinak botere militarraren erakustaldi handia egin du II. Mundu Gerraren amaieraren 80. urteurrena ospatzeko
Desfile militarrean Xi Jinping Txinako presidentea izan da, Vladimir Putin eta Kim Jong-un Errusiako eta Ipar Koreako buruzagiekin batera. "Txinako nazioaren gaztetze handia geldiezina da eta, zalantzarik gabe, bakearen eta gizateriaren garapenak garaituko du", iragarri du Txinako presidenteak.
Venezuelatik "droga ugari" omen zekartzan itsasontzi bati eraso egin dio AEBk
Washingtonek adierazi du erasoa duela egun batzuk Venezuela parean nazioarteko uretan aktibatu zuen estrategia militarraren parte dela.
Bulgariak baztertu egin du Von der Leyenen hegazkinaren kontra erasorik izan zenik
EBren kide den Estatuko agintarien arabera, interferentzia mota horiek "egunero" gertatzen dira, eta, beraz, ez dute ikerketarik egingo.
Zelenskirekin bildu aurretik, Europako buruzagiei haren mezua helarazten utzi diezaiola eskatu dio Ficok Putini
Eslovakiarrak adierazi du ez dituela ulertzen EBk Ukrainako gatazkan hartutako zenbait erabaki, eta Bratislavaren eta Moskuren arteko lankidetzarekin jarraitzeko prest agertu da.