Ospitaleratu egin dute Trump, COVID-19an positibo eman eta ordu gutxira
COVID-19an positibo eman eta 18 ordura, Donald Trump AEBetako presidentea ospitaleratu egin dute "badaezpada ere", sintoma arinekin. Atzo arratsaldean, ezustean, helikopteroz eraman zuten Marylandeko Walter Reed ospitale militarrera eta bertatik arituko dela lanean jakinarazi zuten Etxe Zuritik.
74 urteko presidentea maskara jantzita eta eskuarekin ondo zegoenaren keinua eginez agertu zen kameren aurrean. AEBetako komunikabideek jakitera eman dutenez, "nekatuta" sentitzen da eta sukarra izan du azken egunean.
Ospitaleratu aurretik, Sean Conley mediku presidentzialak REGN-COV2 izeneko antigorputz koktel esperimentalaren 8 gramo errezetatu zizkion. Behin ospitale militarrean, tratamendua aldatu diote eta Remdesivir antibiralarekin hasi du terapia.
Melania Trumpi dagokionez, sintoma arinak ditu eta bakartuta dago Etxe Zurian.
Trumpen kanpaina bertan behera
Trump zein emaztearen positiboen berri zabaldu eta gero, euren inguruko hainbat pertsona ere kutsatuta daudela jakin da, horietako batzuk egun batzuk lehenagotik, gainera. Horietako batzuk aurreko larunbatean Etxe Zurian izan ziren Amy Coney Barrett epailea AEBetako Auzitegi Goreneko kide izateko proposamen ekitaldian.
Hilabete falta da, zehatz mehatz, hauteskunde presidentzialetarako, eta Trumpen positiboagatik bere kanpainako hainbat ekitaldi atzeratu eta beste hainbat bertan behera utzi behar izan dituzte.
Stepien, Donald Trumpen kanpainako burua ere ezingo da hauteskundeetako estrategia koordinatzen aritu, berak ere positibo eman baitu.
208.695 pertsona hil dira jada AEBetan koronabirusarekin.
Protagonisten mezuak sare sozialetan
Larunbat honetan bertan, mezua zabaldu du Trumpek sare sozialetan, ondo sentitzen dela adieraziz:
Barack Obama presidente ohiak azkar sendatzeko opa dio:
Albiste gehiago mundua
Zuloa egin da ospitale baten aurrean Bangkoken, eta dozenaka gaixo atera behar izan dituzte
Kolapsoak 50 metroko sakonera, 30 metroko zabalera eta 30 metroko luzera dituen zulo bat ireki du, eta ospitalearen aurrean aparkatuta zegoen garabi bat irentsi du. "Hasiera batean, uste da lur mugimendu batek eragin duela zuloa, eta lurpeko ura pilatu dela tunelaren eta geltokiko hormaren artean", adierazi du Bangkokeko Administrazioak, ohar bidez.
Donald Trumpek NBEn botatakoek hautsak harrotu dituzte
AEBko presidenteak hitzaldi garratz-mina egin du New Yorkeko Nazio Batuen egoitzan. Besteak beste, NBE erakundearen beraren aurka egin du, klima aldaketa zalantzan jarri du eta "zazpi hilabetean zazpi gerrari" amaiera eman diela esan du.
Margarita Roblesen hegazkinaren GPSa itzalarazten saiatu dira, Kaliningradetik gertu zegoela
Ohikoa da Kaliningradetik gertu dabiltzan nabigazio-gailuak "perturbatzen" saiatzea; Polonia, Lituania eta Itsaso Baltikoaren artean dagoen Errusiako enklabea da. Inzidentziak ez du kaltertik eragin hegaldian.
Macronek Palestinako Estatua aitortzearen alde egin du Trumpen aurrean
Israel Gazako Zerrendan egiten dabilen erasoa amaiera emateko "ikuspegi politikoa" izan behar dela nabarmendu du Frantziako presidenteak.
NBEren egoitzako eskailera mekaniko bat Trumpen aurrean gelditu izana ikertuko du AEBko Zerbitzu Sekretuak
New Yorkeko Nazio Batuen egoitzako eskailera mekaniko batean ez aurrera ez atzera geratu ziren AEBko presidentea eta bere emaztea Melania Trump. NBEren arabera, AEBko ordezkaritzaren kide batek "konturatu gabe" segurtasun mekanismo bat aktibatu zuen eskaileraren goiko aldean. Etxe Zuriaren arabera, NBEko norbaitek eskailera mekanikoa itzali bazuen, "kaleratu beharko lukete"
Txina prest, Ragasa supertifoiari aurre egiteko
Urakan-haizeek Hong Kong geldiarazi dute gaur. Taiwanen, supertifoiak gutxienez 14 hildako, hogei bat zauritu eta 100 desagertu baino gehiago utzi ditu. Hildako gehienak etxeko lehen solairuan zeuden adinekoak ziren, eta ezin izan zituzten garaiz ebakuatu.
Sumud Flotillak salatu du "gutxienez 13 lehergailu" jaurti dizkietela eta komunikazioa etenarazi dietela
Nazioarteko flotillak esan du "operazio psikologikoak" direla nabigazioa geldiarazteko, eta droneen presentziak "beldurtu eta Israelentzat inteligentzia biltzeko" helburua duela.
Bueltan da Jimmy Kimmelen saioa, eta aurkezleak Trump kritikatu du "txantxak ez jasateagatik"
Jimmy Kimmelek Donald Trump AEBko presidentearen aurka egin du, programa bertan behera uzteagatik eta adierazpen askatasunaren aurka egin duelako: "Gure liderrak estatubatuarrek euren lanak galtzea ospatzen du, txantxak jasaten ez dituelako", esan du umoregileak hasierako bakarrizketan.
Estatu palestinarra onartzea Hamas "saritzea" dela salatu du Trumpek
Dagoeneko 157 herrialdek aitortzen dute Estatu palestinarra, gehiengo zabala Nazio Batuen Erakundean eserlekua duten 193 herrialdeen artean.
Laku batek gainezka egin eta uholdeak eragin ditu Taiwanen, Ragasa supertifoiak utzitako euriteen ondorioz
Gutxienez 75 pertsona harrapatuta daude, eta bi lagun agertu barik, Guangfu udalerrian, Ragasa supertifoiak eragindako euriteen ondorioz laku natural batek gainezka egin du eta. Urak herriaren erdigunea estali du, eta herritarrak teilatu eta ibilgailuetara igo behar izan dira erreskate-taldeak iritsi arte.