Barrett epaile kontserbadorea Auzitegi Goreneko kide izateko proposatu du Trumpek
Iragarritakoa bete du Donald Trump AEBko presidenteak, eta Amy Coney Barrett epailea proposatu du herrialde horretako Auzitegi Goreneko kide izateko. Prozesua ahalik eta azkarren burutzea nahi du buruzagi estatubatuarrak, Alderdi Demokratak epaile berriaren izendapena azaroko hauteskunde osterako utzi nahi badu ere.
Estatu Batuetako epailerik "bikainena eta adimentsuena" Gorenerako proposatzea "ohorea" dela esanez hasi du hitzaldia Trumpek, Etxe Zurian egindako ekitaldian. Barrettek bere ibilbidean izandako "lorpen paregabeak" eta "Konstituzioari dion leialtasuna" nabarmendu ditu.
Ehun bat lagunek hartu dute parte ekitaldian, tartean magistratuaren senitartekoak, eta txaloz hartu dute Trumpen proposamena.
Alderdikide errepublikarrei eskerrak eman dizkie AEBko presidenteak, epaile berria izendatzeko prozesua "modu zintzoan" eta "une egokian" egitea ahalbidetu dutelako. Demokratei, berriz, Barrettek "merezi duen errespetua eta begirunea" izateko eskatu die, eta komunikabideei, "eraso pertsonalak" alde batera uzteko.
Ruth Bader Ginsburg epaile progresista zendu berriaren lekua hartuko du Barrettek Auzitegi Gorenean, Senatuak bere izendapena ontzat ematen duenean.
Abortuaren aurka
Bere ideologia kontserbadoreagatik da ezaguna 48 urteko epaile proposatu berria, eta Ginsburgek azken urteotan defentatu dituen ideietatik oso urrun dago. Besteak beste, abortuaren aldeko jarrera irmoa agertu izan zuen beti Ginsburgek; Barrettek, aldiz, behin baino gehiagotan jarri du zalantzan eskubide hori. Halaber, AEBko herritarrek armak izatearen alde agertu izan da.
Izendapena onartu berritan egin duen hitzaldian, Barrettek azpimarratu du Goreneko epaile gisa erabakiak hartzeko "legea izango duela aintzat", eta "ez bere sinismenak". Bere aurrekoak utzitako legatua aintzat hartuko duela ere nabarmendu du, haren lana goratzearekin batera. Hala, "emakumeen eskubideen defentsan" Ginsburg ikur bat izan dela adierazi du.
Bederatzi epailek osatzen dute Estatu Batuetako Auzitegi Gorena, eta biziarteko kargua dute. 2017an Etxe Zurira iritsi zenetik, Gorenean beste bi epaile kontserbadore ipintzea lortu du Trumpek: Neil Gorsuch eta Brett Kavanaugh.
Ginsburg hil ondoren, eta haren lekua bete gabe dagoen honetan, bost epaile kontserbadorek eta hiru aurrerakoik osatzen dute erakunde hori. Barrettek Gorenera iristea lortuko balu, kontserbadoreek gehiengo zabala izango lukete erakunde horretan.
Zure interesekoa izan daiteke
Abukeshek Bartzelonan da jada, eta Avila astelehenean iritsiko da Brasilera, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.