AEBk Netanyahu babestu du eta Israelen "defendatzeko" eskubidea azpimarratu du
Bart, Joe Biden Ameriketako Estatu Batuetako (AEB) presidenteak telefonoz hitz egin du Benjamin Netanyahu Israelgo lehen ministroarekin, eta "babes osoa" agertu dio. Gainera, Israel eta zibilak babesteko eskubidea duela esan dio.
Netanyahuk, bere aldetik, eskertu egin du Bidenen "babesa". Israelek "Hamasen eta Gazako Zerrendan diharduten beste erakunde terrorista batzuen gaitasun militarrak ahultzen" jarraituko duela gaineratu du.
Antony Blinken AEBko Estatu idazkariak Benjamin Netanyahu Israelgo lehen ministroarekin eta Mahmud Abas presidente palestinarrarekin hitz egin du, eta indarkeriarekin amaitzeko eskatu die bi aldeei.
Israelek astelehenaz geroztik Gazan egindako erasoetan gutxienez 69 palestinar hil ditu, tartean 17 haur. Israelen, berriz, zazpi pertsona hil dira.
Egoera baretzea helburu, gaur joango da gatazka eremura Joe Bidenen bidali berezia. Dena dela, gerra hotsak baretzetik urrun daude oraindik.
Indarkeriak haurrengan "ondorio larriak" dituela ohartarazi du Nazio Batuen Erakundeak (NBE)
Virginia Gamba Haur eta Gatazka Armatuetako Nazio Batuen Erakundeko ordezkari bereziak aste honetan ohartarazi duenez, israeldarren eta palestinarren arteko indarkeria olde berriak haurren artean "ondorio larriak" izango ditu "epe luzera", bai alor fisikoan eta baita alor psikologikoan ere. Hori dela eta, haurrak babesteko "berehala" jarduteko eskatu die aldeei.
Astelehenaz geroztik, hogei adin txikiko inguru hil dituzte.
Gauzak horrela, haurrak indarkeriaren ondorioetatik babesteko eskatu die NBEk bi aldeei. Ildo horretan, moderazioz aritzeko deia egin du indarkeriak gora egin ez dezan.
Gambak ohar bidez azaldu duenez, haurrak dira gizarteko kiderik zaurgarrienak eta gatazka garaietan lehendabizi hiltzen direnak.
Zure interesekoa izan daiteke
Istiluak izan dira polizien eta manifestarien artean Milanen, Olinpiar Jokoen aurkako protesta jendetsuan
Poliziak ur-kanoiak eta negar-gasa erabili ditu manifestarien aurka, protestan ari zirenetako batzuek agenteei su artifizialak, bengalak eta bestelako objektuak jaurti ondoren. Milaka pertsona bildu dira protestetan, Neguko Olinpiar Jokoak hasi eta biharamunean.
Hautagai sozialista faborito dela egingo dute hauteskundeen bigarren itzulia Portugalen igande honetan
Inkesten arabera, Antonio Jose Seguro sozialistak botoen % 67 jasoko ditu, eta Andre Ventura ultraeskuindarrak, berriz, % 32. Ekaitzak Portugalen eragindako hondamendi betean egingo dute hauteskundeen bigarren itzulia.
Trumpek % 25eko muga-zerga ezarri die Irango ondasunak erosten dituzten herrialdeei
Programa nuklearraren inguruan AEB eta Iran zeharka egiten ari diren negoziazioen ostean etorri da erabakia. Asiako herrialdeak adierazi du "hasiera ona" izan direla elkarrizketak.
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.