Jerusalemgo kontsulatu palestinarra berriro zabalduko duela iragarri du AEBk
Antony Blinken Ameriketako Estatu Batuetako (AEB) Estatu idazkariak Jerusalemgo kontsultatu palestinarra berriro zabaltzeko konpromisoa hartu du astearte honetan Jerusalemera eta Ramalara egin duen bisitan.
Jerusalem Israelgo hiriburu gisa aitortu eta enbaxada Tel Avivetik lekualdatu eta bi urtera, 2019an, Donald Trump presidente ohi estatubatuarrak kontsulatuaren eta enbaxadaren bat-egitea gauzatu zuen.
"AEBk aurrera jarraituko du Jerusalemgo kontsulatua berriro irekitzeko prozesuarekin. Pauso garrantzitsua da", adierazi du AEBko diplomaziaren buruak. Antony Blinken Mahmud Abas Palestinako Aginte Nazionaleko presidentearekin batzartu da Zisjordanian, aurrez Israelgo agintari nagusiekin bildu ostean. Batzar horietan, Israelen azken erasoaldia eta egun indarrean dagoen su-etena izan dituzte hizpide.
Palestinaren eta Israelen arteko gatazkan bake aukerak zapuzten dituen "aldebakarreko edozein ekintzaren" aurka agertu ostean, bi estaturen konponbidearekiko konpromisoa berretsi du.
AEBren eta Palestinako Aginte Nazionalaren arteko bilera aurrerapauso bat da. Izan ere, Palestinako Aginte Nazionalak harremanak hautsi zituen Donald Trumpen administrazioarekin Israelen aldekoa zela iritzita.
Bestalde, AEBko Gobernuak Kongresuari 75 milioi dolar eskatuko dizkiola iragarri du Antony Blinkenek palestinarrei laguntzeko. Gainera, Gazari 5,5 milioi berehalako laguntza emateko eta NBEren bitartez errefuxiatu palestinarrentzat 32 milioi emateko konpromisoa hartu du.
Ramalan Mahmud Abasekin bildu aurretik, Benjamin Netanyahu Israelgo lehen ministroarekin elkartu da Jerusalemen.
Zure interesekoa izan daiteke
Istiluak izan dira polizien eta manifestarien artean Milanen, Olinpiar Jokoen aurkako protesta jendetsuan
Poliziak ur-kanoiak eta negar-gasa erabili ditu manifestarien aurka, protestan ari zirenetako batzuek agenteei su artifizialak, bengalak eta bestelako objektuak jaurti ondoren. Milaka pertsona bildu dira protestetan, Neguko Olinpiar Jokoak hasi eta biharamunean.
Hautagai sozialista faborito dela egingo dute hauteskundeen bigarren itzulia Portugalen igande honetan
Inkesten arabera, Antonio Jose Seguro sozialistak botoen % 67 jasoko ditu, eta Andre Ventura ultraeskuindarrak, berriz, % 32. Ekaitzak Portugalen eragindako hondamendi betean egingo dute hauteskundeen bigarren itzulia.
Trumpek % 25eko muga-zerga ezarri die Irango ondasunak erosten dituzten herrialdeei
Programa nuklearraren inguruan AEB eta Iran zeharka egiten ari diren negoziazioen ostean etorri da erabakia. Asiako herrialdeak adierazi du "hasiera ona" izan direla elkarrizketak.
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.