Beste hilabetez eutsiko die Johnsonek murrizketei, koronabirusaren Delta aldaeragatik
Boris Johnson lehen ministro britainiarrak gaur iragarriko duenez, pandemiaren kontrako egungo neurri murriztaileei beste hilabetez eutsiko die koronabirusaren Delta aldaerarekin kutsatutakoen kopuruak gora egin ostean.
Otsailean ezarritako bide-orriaren arabera, ekainaren 21eako neurriak arintzea aurreikusten zen, taberna, klub eta bestelako ostalaritza guneak erabat irekitzea baimenduz.
Azken asteetan, ordea, nabarmen hazi da Delta aldaeragatik (lehen aldaera indiarra deitua) kutsatutakoen kopurua, eta, ondorioz, neurriek beste lau astez gutxienez bere horretan iraungo dute, BBC kateak aditzera eman duenez.
BBCren arabera, Gobernuak, ahal den neurrian, etxetik lan egiteko eskatuko die herritarrei.
Izan ere, datuak ez dira oso onak. Igandean, esaterako, 7490 kasu positibo berri eta zortzi heriotza, izan ziren Britainia Handian Covid-19a dela eta, eta kutsatzeek ia % 50ean egin dute gora ekainaren 7tik 13ra bitartean, aurreko astearekin alderatuta. Ospitaleratzeek ere % 15ean egin zuten gora ekainaren 2tik 8ra, aurreko zazpi egunen aldean.
Txertaketan aurreratuen doan herrialdeetakoa da Britainia Handia, ia 41 milioi pertsonek hartu baitute lehen dosia eta 30 milioi dira jarraibidea osatu dutenak, herritarren % 56 gutxi gora-behera.
Halere, txertoen dosi bakarrarekin Delta aldaerari aurka egiteko babes immunologikoa % 33koa baino ez da, eta aldaera horrek kutsatutakoak dira gaur egun infektatuta daudenen % 90. Horregatik, agintariak murrizketei eta segurtasun neurriei eustearen alde agertu dira, bien bitartean txertaketa plangintzan aurrera egin ahal izateko; izan ere, azken asteotan erietxeratutakoen gehiengoak ez zeukan txertorik jarria edo lehen dosia baino ez zeukan.
Dominic Raab atzerri ministroak BBCri adierazi dioenez, birusaren transmisioaren eta ospitaleratzeen arteko loturari begiratu behar zaio. "Badakigu asko aurreratu dugula eta transmisioaren eta ospitaleratzeen arteko lotura hori ahuldu dugula, eta noski, eri larriena; baina lortu ote dugun lotura hori etetea, horri begiratu behar diogu".
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.