Muturreko tenperaturak
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Ehunka pertsona hil dira Kanadan eta AEBn bero boladaren eraginez

Ekainaren 25etik muturreko tenperaturak erregistratu dituzte Iparramerika mendebaldean, baina orain bero bolada erdialdean ere antzematen hasi dira. Suteak ere piztu dira han eta hemen.
18:00 - 20:00
Dozenaka sute piztu dira Kanadan, bero-boladaren eraginez
author image

Agentziak | EITB Media

Azken eguneratzea

Iragan ostiraletik ehunka pertsona hil dira Kanada eta Ameriketako Estatu Batuak astintzen ari den bero boladaren ondorioz. Azken balantze ofizialaren arabera, 75 pertsona hil dira Ameriketako Estatu Batuetan, gehienak 60 eta 100 urte bitartekoak. Kanadan, Columbia Britainiarrean, 486 lagun zendu dira ekainaren 25etik, data horietan hiltzen direnen hirukoitza. Beroa tarteko, dozenaka sute piztu dira han eta hemen. Mendebaldea atzean utzi ondoren, bero bolada bi herrialdeen barnealdera mugitzen ari da.

Columbia Britainiarrean (Kanada) eta Ameriketako Estatu Batuetako Washington eta Oregon estatuetan tenperaturaren beherakada antzematen hasi dira, eta orain bi herrialde horietako barnealdean dute jarrita arreta agintariek.

Kanadako Meteorologiako Zerbitzuak ohartarazi duenez, Alberta, Saskatchewan eta Manitoba probintzietako hainbat tokitan beroa nabaritzen ari dira. Kanadan inoiz neurtututako tenperaturarik altuena erregistratu zen asteartean Columbia Britainiarrean, Lytton udalerrian: 49,5 ºC.

AEBn beroak indarra galdu du azken orduetan, batez ere, Seattlen (Washington) eta Portlanden (Oregon). Hala ere, herrialdearen barnealdean ohi baino tenperatura altuagoak izaten jarraitzen dute, 37 ºC-tik gora. AEBko Meteorologia Zerbitzuan egindako iragarpenaren arabera, bero boladak igandera arte jarraituko du. Muturreko beroak Idahori eta Montanari ere eragingo die.

78 sute baino gehiago

Azken egunetako beroak suteak ere eragin ditu. Esaterako, atzo 78 baso-sute aktibo zeuden Columbia Britainiarrean.

Garren ondorioz hainbat komunitate jendez hustu behar izan dituzte, horien artean Lytton herria, asteartean 49,6 ºC harrapatu zituena. 

Dozenaka sute piztu dira Kanadan, bero-boladaren eraginez
100 pertsona inguru hil dira Kanada astintzen ari den bero boladaren eraginez
Munduko albisteak Ameriketako Estatu Batuak Eguneko Titularrak Kanada Bero-boladak

Zure interesekoa izan daiteke

HAVANA (Cuba), 13/03/2026.- A handout photo made available by the Office of the President of Cuba showing Cuban President Miguel Diaz-Canel speaking during a press conference in Havana, Cuba, 13 March 2026. The Cuban government stated that the island 'has not relinquished its sovereign right to receive oil supplies', amid a severe energy crisis and an oil embargo imposed by the US since January, which has led to increased power outages. (La Habana) EFE/EPA/ALEJANDRO AZCUY / CUBA PRESIDENT OFFICE / HANDOUT HANDOUT EDITORIAL USE ONLY/NO SALES
18:00 - 20:00
ZUZENEAN
Duela  min.

Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"

Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste. 

Gehiago ikusi
Publizitatea
X