Hainbat suziri jaurti dituzte Kabulgo aireportuaren kontra
Jaurtigaiak Kabul iparraldeko Khair Khana auzoko auto batetik bota dituzte, Tolo Newsen arabera, baina oraingoz ez dago zauritu edo hildakoen berririk. AEBko funtzionario batek CNNri jakinarazi dionez, aireportuko defentsa sistemak bost suziriren kontra egin du.
Igande honetan suziri batek Afganistango hiriburuko eraikin bat jo ostean gertatu da erasoa, eta AEBko agintariek baieztatu egin dute drone batekin Kabulen erasoa egin dutela, aireportuaren kontrako "berehalako mehatxu bat" indargabetzeko.
Ameriketako Estatu Batuek ebakuazioarekin jarraitzen dute Kabulen, asteartean agortuko baita talibanek emandako epea, baina dagoeneko erasoak egin dituzte Estatu Islamikoa talde jihadistak Afganistanen duen filialaren aurka. Talde horrek bere gain hartu zuen ostegunean Kabulgo aireportuaren kanpoaldean 170 hildako utzi zituen atentatuaren ardura.
Talibanek estatubatuarren erasoa gaitzetsi dute
AEBren igandeko erasoaren harira, talibanek salatu dute Washingtonek Afganistanen subiranotasuna urratu duela. Bilal Karimi talibanen bozeramailetako batek CNNri egindako adierazpenen arabera, "ez da zuzena kanpoko lurretan operazioak egitea", eta AEBk horren berri jakinarazi beharko zietela gaineratu du.
Ildo horretan, talibanen bulego politikoko kide batek, Abdulaq Wasiqek, esan du estatubaturrek ez dutela Afganistanen erasoak egiteko "eskubiderik", eta azpimarratu du Estatu Islamikoaren presentzia "handizkatu" egin dutela herrialde horretan.
"Munduak Estatu Islamikoa garrantzitsu bihurtu du. Estatu Islamikoak ez du Afganistanen iraungo", azpimarratu du Wasiqek, Tolo Newsek jaso duenez.
Horren harira, mota horretako operazioak Dohan matxinatuek eta Washingtonek sinatutako akordioaren "aurkakoak" direla esan du. "Dohan akordio bat sinatu genuen estatubatuarrekin honen inguruan, eta erasoa horren aurka doa. Akordioan oinarrituta, ezin dute Afganistango arazoetan esku hartu erretiratu ondoren", azaldu du.
Albiste gehiago mundua
Trumpen zein aurpegi ikusiko dugu Putinekin? Hori izango da hitzorduaren gakoetako bat
Donald Trump Vladimir Putinekin bilduko da gaur Alaskan, zalantzaz beteriko bilera batean: AEBko presidenteak buruzagi errusiarra kritikatzea saihestu du iraganean, eta diskurtsoa gogortu du azken hilabeteetan, baina zalantzan dago irmotasun horri eutsiko dion edo Moskurekiko hurbilketa bilatuko duen.
Plastikoen kutsaduraren aurkako nazioarteko itunaren negoziazioek porrot egin dute
Genevan hamar eguneko bileren ondoren, NBEko herrialdeek ez dute adostasunik lortu, baina elkarrizketa prozesua ez eteteko eskatu dute.
Trumpek eta Putinek bilera egingo dute ostiral honetan Alaskan, Ukrainan su-etena lortzeko asmoz
AEBko presidenteak esan du % 25eko aukera dagoela bilerak arrakastarik ez izateko; Kremlinak, berriz, ohartarazi du ez dela aurreikusten akordio formalik sinatzea. Aurrerapenik ezean, Moskuren aurka zigor berriak ezarriko dituela ziurtatu du Trumpek.
Ia 40 pertsona hil dira Kaxmirren izandako uholdeetan, Indian
Gutxienez 38 pertsona hil eta 100 zauritu dira Indiako Jammu eta Kaxmir estatuan izandako euri-jasek eragindako uholdeetan. Erreskate talde ugari mobilizatu dira hondakinen artean harrapatuta egon daitezkeen edo korronteak eraman dituen biktimak aurkitzeko. Gunerik kaltetuenetako bat Chositi izan da. Ur-uholdeek kalteak eragin dituzte etxebizitzetan eta ibilgailuetan. Era berean, uholdeek suntsitu egin dituzte Kishtwar barrutiko Machail Mata santutegia urtero bisitatzen duten erromesentzako kanpin-dendetan jarritako aldi baterako sukaldeak.
Palestinako Aginte Nazionalak nazioarteko laguntza eskatu du Zisjordania hautsiko lukeen proiektuaren aurrean
Benjamin Netanyahuk "Israel Handiari" buruz berriki egindako adierazpenak berresten du plan horrek. Zisjordaniaz eta Gazako Zerrendaz gain, Egipto eta Jordaniako lurraldeen zati bat barne hartuko lituzke, besteak beste.
UEFA, Israelen aurka: "Utzi haurrak hiltzeari, utzi zibilak hiltzeari"
Bi haur errefuxiatu palestinar Paris Saint-Germain eta Tottenham taldeen arteko UEFAko Superkopako finalean izan dira, Aleksander Ceferin UEFAko presidentearekin batera.
Trump Putinengana hurbiltzen saiatuko da Alaskan, Ukrainari buruzko konpromiso irmorik hartu gabe
Ostiraleko bileran (19:30 GMT orduan izango dena, Euskal Herriko 21:30ean) ez da Volodimir Zelenski Ukrainako presidentea izango. Donald Trumpek eta Vladimir Putinek agerraldia egingo dute hedabideen aurrean bileraren amaieran.
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.