'Otoniel' atxilotu dute, Kolonbiako droga-trafikatzaile bilatuena
Kolonbiako agintariek Dairo Antonio Usuga atxilotu zuten larunbatean, 'Otoniel' ezizenez ezaguna, Golkoko Klaneko liderra eta herrialdeko droga-trafikatzaile bilatuena. Uraba aldean, Antiokian, burutu dute operazioa; Armadaren, Polizia Nazionalaren eta Aireko Indarren lankidetzarekin.
AEBko gobernuak bost milioi dolarreko (lau milioi euro inguru) ordainsaria eskaini zuen 50 urteko 'Otoniel' harrapatzearen truke. Estradizio agindu bat zuen bertan, bi zirkular gorri, Interpoleko urdin bat, eta 128 atxilotze agindu, Kolonbian.
Kolonbiako Poliziaren arabera, atxilotze agindu horien artean daude "narkotrafiko, estortsio eta homizidio delituak; derrigorrezko desplazamendua, arma-trafikoa, talde armatuen osaketa; delitu egiteko kontzertua eta gizadiaren aurkako krimenak".
Ivan Duque, Kolonbiako presidentea, trafikatzailea harrapatu duten lekuan bertaratu da eta ospatu egin du "90eko hamarkadako Pablo Escobarren erorialdiarekin bakarrik alderatu daitekeen" atxiloketa.
Duqueren hitzetan, Usugaren atxiloketa Kolonbian "mende honetan narkotrafikoari emandako kolperik latzena da", Erdialdeko Amerikara eta AEBra kokaina tonak bidaltzea leporatu diote eta.
Bogotako alkate den Claudia Lopezek, bestalde, Twitterren txalotu du trafikatzailearen atxiloketa.
Harrapaketa-operazioak hildako bat utzi zuen, Kolonbiako Poliziako intendente bat. Duquek eskatu du hura gogoratzeko "egindako lanaren bitartez Kolonbiako herriaren aldeko kolpe handi hau baimendu zuen heroia" bezala.
Atxilotua Ikerkuntza Kriminalerako eta Interpoleko Zuzendaritzak Kolonbian duen egoitzan dago orain.
Zure interesekoa izan daiteke
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani, "herrialde anaiak" direlako, "musulmanen zatiketa saihesteko". Helburu horrekin, bitartekari izateko borondatea agertu du Khameneik.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.