2030erako basoen deforestazioa gelditzeko konpromisoa hartu dute munduko 100 herrialdek baino gehiagok
Egunotan NBE Glasgow hirian egiten ari den klimari buruzko goi-bileraren baitan, 2030. urterako basoen deforestazioa gelditzeko konprometitu dira mundu osoko 100 herrialde baino gehiago. Gainera, akordioa sinatu duten herrialdeetako hamabik 10.300 milioi euro jarriko dituzte 2021etik 2025era bitartean basoak babesteko eta lehengoratzeko. Kopuru horri batu behar zaio inbertsio pribatuari dagokion zenbatekoa: 6.200 milioi euro.
100 herrialde baino gehiago horien artean hauek daude: Australia, Brasil, Txina, Kanada, Kolonbia, Costa Rica, Kolonbia, Ekuador, Ameriketako Estatu Batuak, Guatemala, Honduras, Indonesia, Norvegia, Peru, Erresuma Batua, Errusia, Turkia, Europar Batasuna edo Uruguai. Sinatzaile guztien artean 33,6 milioi kilometro karratu baso dituzte, mundu osoko basoen % 85.
Akordioari buruzko xehetasunak ezagutu zain, Erresuma Batuko Gobernuak aurreratu du akordioa COP26 goi-bileraren anfitrioi den heinean. Boris Johnson buru duen gobernuaren arabera, munduko basoak babesteko belaunaldi batek inoiz emandako aurrerapausorik handiena da.
Buruzagi kontserbadoreak azpimarratu duenez, "klima-aldaketa eta biodibertsitatea txanpon beraren bi aurpegi dira", eta, beraz, bati aurre egiten zaion bitartean, bestea babestu behar da.
Basoak ez ezik, komunitate indigenak babesteko konpromisoa ere hartu dute herrialdeek. Helburu hori lortze aldera, diru partida berriak onartzea aurreikusten da; besteak beste, munduko bigarren oihan tropikal handiena duen Kongo ibaiaren arroa babesteko.
Zifra katastrofikoak
Basoetan 60.000 zuhaitz espezie daude, anfibio espezieen % 80, hegazti espezieen % 75 eta lurreko ugaztunen % 68, Nazio Batuen Ingurumen Programaren (PNUMA) datuen arabera.
Baina datuek hondamendi horren tamaina erakusten dute: izan ere, azken 13 urteetan 43 milioi hektarea baso suntsitu dituzte ekosistema horietan.
WWF mundu mailako erakunde ekologistak berriki egindako txosten batek ohartarazi duenez, baso-soiltzea duela hamarkada askotatik ari da gertatzen Amazonian, erdialdeko Afrikan, Mekongen eta Indonesian, baina beste fronte batzuk ere aipatzen ditu Afrika mendebaldean (Liberia, Boli Kosta edo Ghana), ekialdeko Afrikan (Madagaskar) eta Latinoamerikan, baita Mexiko eta Guatemalako Selva Maya bezalako lekuetan ere.
Txostenaren arabera, ez dago ikuspegi bakar bat eta, hortaz, aukera ezberdinak egon daitezke egoerari aurre egiteko, eta guztiak konbinatzea dela erantzun egokiena. Horretarako, baina, gobernuen, enpresen eta arautzaileen premiazko ekintzen alde egiten du.
Albiste gehiago mundua
Igande honetan abiatuko da Bartzelonatik Gazara janaria eta sendagaiak eramango dituen flotilla
14:00ean atera dira berrogeita hamar ontzi inguruak, gutxienez 44 herrialdetako ordezkariekin, lau euskal herritar tartean, genozidioa eta blokeoa salatzeko helburuarekin. Albares ministroak ziurtatu duenez, Espainiako Gobernuak "babes diplomatiko eta kontsular osoa" eskainiko die igandean Bartzelonatik Gazara abiatuko den ontzidi humanitarioan parte hartzen duten Espainiako herritarrei.
Abbasek eta palestinar kargudunek NBEren Batzar Nagusian parte hartzeko debekua berriro aztertzeko eskatu dio EBk AEBri
NBEren goi bilera irailaren 9an abiatuko da New Yorken, eta eztabaida orokorra 23tik 27ra bitartean egingo da. Bestalde, Kaja Kallas Europako Batasuneko Kanpo Politikako buruak onartu du Israeli jarri ahal dizkioten zigorren inguruan EBko kideen artean ikusten den zatiketak sinesgarritasun galera eragin duela Europako herritarren aurrean.
Bi gizon atxilotu dituzte Indonesian, Espainiako emakume bat hil dutelakoan
Indonesian, uztailaren biaz geroztik desagertuta zegoen 72 urteko emakume espainiar bat hilda aurkitu zuen gaur bertako poliziak. Matilde Muñoz, jatorri galiziarra zuen emakumea, Lombok uhartean desagertu zen, eta hango hondartza batean aurkitu zuten gaur beren gorpua. Heriotzarekin lotuta bi pertsona atxilotu ditu poliziak, eta lapurreta eta hilketa leporatu dizkiete. Indonesiako Poliziak ziurtatu duenez, espainiarraren hilketa planifikatu zuten aitortu dituzten bi atxilotuek. Senggigi herrian bizi diren 34 eta 30 urteko bi gizon dira. Kontakizunaren arabera, Balitik gertu dagoen herri bateko hotel batean zegoen emakumea, lapurreta egin asmoz leihotik bere gelara sartu zirenean.
Palestinaren aldeko manifestazio jendetsua egin dute Veneziako Mostran
"Palestina libre" oihukatuz, Veneziako Mostraren inguruko kaleak hartu dituzte milaka lagunek arratsaldean. Palestinako banderak eta koloreak nonahi, eta genozidioa gelditzea eskatzeko pankarta ugari zeramatzatela, Israelek Gazan duen jokabidea salatzeko manifestazio jendetsua egin dute.
Israelek Yemengo huthien lehen ministroa hil du Sana hiriburuaren aurkako eraso batean
Israelgo Armadak ostegunean Sana hiriburuaren aurka egindako erasoan hil zen. Erasoaren unean Defentsa ministroa eta Estatu Nagusiko buruarekin bilera egiten ari zen, baina momentuz ez dute horien egoeraren berri eman.
Andri Parubi Ukrainako Parlamentuko presidente ohia hil dute atentatu batean
Tirokatu egin dute Lviv hirian. Poliziak ikerketa abiatu du, baina oraingoz ez dute inor atxilotu. Volodimir Zelenski Ukrainako presidenteak doluminak eman dizkio hildakoaren familiari, eta "hiltzailea zigortzeko eta ikertzeko beharrezkoak diren baliabideak" erabiliko dituztela ziurtatu du.
Espainiak "Gazarako ekintza-plan bat" bidali die EBko buruzagiei
Jose Manuel Albares Espainiako Atzerri Gaietarako ministroaren arabera, "une guztiz erabakigarria da", "erantzun indartsua" eskatzen duena, "ezer ez egiteak ez duelako ezer konpondu". Irtenbide bakarra bi estatu sortzea dela esan du, eta palestinarren ordezkariek NBEren konferentzian parte hartzeko aukerarik ez izatea gaitzetsi du.
Palestinaren aldeko artista juduen kolektibo batek BBCren kontzertu bat eten du, Londresen
"MSOk odola du eskuetan", oihukatu dute Jewish Artists for Palestine (Artista juduak Palestinaren alde) taldeko aktibistek Melbourneko Orkestra Sinfonikoak (MSO) ostiralean Londresko Royal Albert Hall aretoan eskaini duen emanaldian. Urtero udako kontzertuak antolatu ohi ditu BBCk, 'BBC Proms' ekimenaren baitan.
Epaile federal batek blokeatu egin ditu Trumpen deportazio azkarrak, derrigorrezko prozesua urratzen dutelakoan
Urtarrilean, Trumpek etorkinen "berehalako kanporatzeak" berrezarri zituen, lehen agintaldian (2017-2021) egin zuen moduan.
Tropa ukrainarrak Ukrainan bertan prestatzearen alde agertu da Europar Batasuna, balizko su-eten batean
Europar Batasuna eta EBko estatu kideak Ukrainako Armadaren formatzaile handienak dira, eta 80.000 soldadutik gora formatu dituzte orain arte EBko herrialdeetan.