Afrikak 2021 osoan baino txerto gehiago jaso dituzte herrialde aberatsek azken asteotan
Europar Batasunak, AEBk eta Erresuma Batuak txerto gehiago jaso dituzte azken asteotan Afrika 2021 osoan baino. Hala salatu du GKE aliantza batek, eta ohartarazi dute, egungo erritmoari eusten bazaio, gutxienez 2023ko apirilak joko duela afrikar guztiek lehen dosia jasotzen dutenerako.
Zehazki, azaroaren 11tik abenduaren 21era bitartean, Europar Batasunak, Erresuma Batuak eta AEBk 513 milioi dosi jaso zituzten. Afrikak 2021ean zehar 500 milioi dosi jaso ditu orotara. Afrikarren % 8,6k du txertoaren jarraibide osoa; ifrentzuan herrialde aberatsetako soberakina: G7ko herrialdeek 1.400 milioi dosiko soberakin metatua izango dute 2022ko martxorako.
Peoples's Vaccine GKEen aliantzak ohartarazi du, txertoak planetako toki guztietara modu ekitatiboan iristen ez badira "mundua aldaera, errefortzu, murrizketa eta konfinamendu ziklo amaigabe batera kondenatzeko" arriskua dagoela. Anna Marriot Oxfameko eta aipatu aliantzako osasun politiken zuzendariak adierazi duenez, "herrialde pobreenetan txertoak eskuratzeko irtenbide errealak blokeatuta", herrialde aberatsak "pandemia eta horrek dakarren sufrimendua luzatzen ari dira".
Ados dago Nick Dearden Global Justice Nowko zuzendaria¡ ere: "Noizbait berriro Eguberri normal bat izan nahi badugu, mundu guztia txertatu behar da". Horretarako, People 's Vaccine aliantzak eskatzen duenez, txertoak, probak eta tratamenduak jabetza intelektualeko arauetatik salbuetsi behar dira.
Maaza Seyoum Txertoaren Banaketarako Afrikako Aliantzaren bozeramaileak deitoratu duenez, orain arte "iparralde globaleko buruzagiek enpresa farmazeutikoen onura lizunen alde egin dute, Afrikako biztanleen bizitzagatik baino gehiago". Hala ere, gaineratu duenez, Hegoafrikan lehen aldiz atzemandako omikron aldaerak erakusten du "txertoen ekitate eza arriskutsua dela nornahirentzat eta edonon".
Zure interesekoa izan daiteke
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.
NATOk Trumpi erantzun dio aliatuek laguntza eskaini diotela Ormuzerako
AEBko presidenteak ohartarazi zuen Aliantzak “oso etorkizun makurra” izango duela aliatuek itsasartea desblokeatzen laguntzen ez badute. Erresuma Batuak adierazi du “plan kolektibo bat” lantzen ari dela eremurako, eta EBk Atzerri ministroak bildu ditu auzia aztertzeko.