Omikron aldaera Europan zegoen, Hegoafrikan lehendabiziko kasuak agertu aurretik
Koronabirusaren omikron aldaeraren lehendabiziko kasuak Hegoafrikan agertu zirela pentsatu izan da orain arte, baina gaur jakin da aldaera berria ordurako Europan zegoela.
Herbehereetako Osasun Publikoaren Institutuak jakinarazi duenez, omikron aldaeraren bi kasu detektatu zituzten azaroaren 19an eta 23an egindako probetan, hau da, Hegoafrikatik abiatutako bi hegazkinak Herbehereetara iritsi baino bi aste lehenago, hain zuzen ere. 61 bidaiarik eman zuten positibo, eta horietatik 14 lagun aldaera berriarekin kutsatuta zeuden.
Aipatu bi lagunei egindako PCR proben emaitzetan aldaera berriaren zantzuak antzeman zituzten. Hortaz, analisi berezi bat egitea erabaki zuten eta atzo baieztatu zuten omikron aldaerarekin kutsatuta daudela.
Oraingoz ez dakite bi lagun horiek Afrikan egon badira eta ikerketa bat abiatu dute non eta nola kutsatu diren argitzeko.
Joan den ostiralean, Hegoafrikatik abiatutako bi hegazkinetan 624 bidaiari iritsi ziren Amsterdamgo aireportura. Guztiei egin zizkieten PCR probak eta 61ek positibo eman zuten. Horietako 14 zeuden aldaera berriarekin kutsatuta.
"Laborategian egindako azterketetan omikron aldaeraren andui ezberdinak topatu ditugu. Horrek esan nahi du nor bere aldetik kutsatu zela, toki ezberdinetan eta jatorri ezberdin batekin", azaldu du Osasun Publikoaren Institutuak.
Afrika hegoaldeko herrialdeei betoa
Testuinguru horretan, Herbehereetako Gobernuak Afrika hegoaldeko herrialdeetatik abiatutako hegazkinak bere aireportuetan lurreratzeko debekua ezarri zuen.
Gainera, azken bost egunetan Afrikako hainbat herrialdetatik iritsitako bidaiariei -5.000 inguru- PCR probak egiteko agindua eman zuen, sintomarik izan ez arren eta txertatuta egon arren.
Hala ere, gaur baieztatu da omikron aldaera Hegoafrikan agertu zenerako, aldaera berri hori Herbehereetan zegoela.
Zure interesekoa izan daiteke
Iranek iragarri du Ormuzko itsasartea "erabat zabalik" egongo dela su etena indarrean dagoen bitartean
Israelen eta Libanoren arteko menia indarrean sartu berritan egin du iragarpena Irango Atzerri ministroak. Adierazi duenez, Irango Portu eta Itsas Erakundeak "jakinarazitako eta koordinatutako" bidea jarraitu beharko dute ontziek.
EBk dio Ormuzen irekiera albiste ona dela baina azpimarratu du joan-etorriek doakoak izan behar dutela
"Bertatik igarotzearren bidesaria ordainarazteak aurrekari arriskutsua ezarriko luke", adierazi du Kaja Kallas Europar Batasuneko Kanpo Arazoetarako goi ordezkariak. Bestalde, krisiaren harira eta Frantziak eta Erresuma Batuak deituta, Parisen bildu dira 50 herrialde eta nazioarteko erakunde. Iragarri dutenez, Persiar golkotik igarotzen diren ontziei "laguntza eta babesa" emango dien itsas misio "neutrala" abiatuko dute.
Israel su etena urratzen ari dela dioten mezuei entzungor, etxera itzultzen hasi dira milaka libanoar
Libanoren eta Israelen arteko menia gauerdian sartu da indarrean. Lehen orduotan, Libanoko Armadak salatu du Israelgoak su etena urratu duela, eta Hezbollahk ohartarazi du "hatza kakoan" dutela bere matxinoek. Ohartarazpenei entzungor, etxera bueltatzeari ekin diote milaka libanoar, eta ilarak sortu dira hegoaldeko hainbat autobidetan.
Israel eta Libanoren arteko 10 eguneko su-etena iragarri du Trumpek
Menia bi nazioen arteko "segurtasun eta bake akordio iraunkorra" lortzeko negoziazioak ahalbidetzera bideratuta dago. Tregoa luzatu ahal izango da negoziazioek aurrera egiten badute.
"Antisemitismo modu berriei" aurre egiteko lege-proposamenak polemika bizia eragin du Frantzian
Caroline Yadan diputatuaren ekimenak Asanblea Nazionala eta iritzi publikoa zatitu ditu. Kritikoek ohartarazi dute Israelen aurkako kritikak isilarazteko erabili daitekeela legea, besteak beste.
Repsolek Venezuelan egiten dituen operazioen kontrola berreskuratu du, eta gehiago ekoizteko baldintzak hitzartu ditu
Repsolen Venezuelako ekoizpena 45.000 upel gordin ingurukoa da gaur egun, batez ere Petroquiriquire petrolio-hobian. Konpainia prest dago petrolioaren ekoizpen gordina % 50 handitzeko 12 hilabeteko epean.
Libanoko presidenteak funtsezkotzat jo du Israelek atzera egitea su-etena ahalbidetzeko
Bi aldeen arteko liskar armatuek 2.000 hildako inguru eta milioi bat desplazatu baino gehiago utzi dituzte jada. Netanyahuren Gobernuak eraso armatuak justifikatzeko azaldu du talde islamistak koheteak jaurtitzen dituela.
Bruselak telelana derrigorrez ezartzea proposatu du, prezioen igoeraren eta Ormuzeko tentsioaren aurrean
Europako Batzordea neurri sorta bat prestatzen ari da prezioen igoerari aurre egiteko. Oraindik zirriborroa bada ere, datorren astean aurkeztuko dute, estatu kideek berehala aplika dezaten.
Azken hamarkadetako gatazka krudel eta bortitzenetako bat bizi dute Sudanen
Hiru urte bete dira Afrikako herrialde handienean gerra hasi zenetik, baina ezkutuan egon izan da. Ez dao¡go hildakoen kopuru zehatza jakiterik: 150.000 izan daitezke, baina kopurua askoz handiagoa izan liteke. Gosete latza dago han, eta milioika desplazatu eragin ditu. Urteurrenean, goi-bilera egin dute Berlinen laguntza humanitarioa bideratu eta irtenbide politikoa bilatzeko asmoz, baina borrokan ari diren bi aldeek ez dute parte hartu.
Iranek ohartarazi du eskualdeko merkataritza pasabideak itxiko dituela, AEBk Ormuzko blokeoa kentzen ez badu
Joan den larunbateko negoziazioak akordiorik gabe itxi ostean, Irango agintariek baieztatu dute AEBrekin mezuak trukatzen jarraitu dutela azken egunotan, Pakistan bitartekari dela.