Estatu Batuek Ukraina inbaditzeko aitzakia sortzen saiatzea egotzi diote Errusiari
Estatu Batuek Ukrainan indarrez sartzeko aitzakia sortzeko "aktiboki lanean" aritzea egotzi diote Errusiari.
John Kirby Pentagonoko ordezkariak prentsaurreko batean adierazi duenez, jakin dute Mosku operazio bat prestatzen ari dela Ukraina inbaditzeko.
Kirbyk azaldu du balizko operazio hori "bandera faltsukoa" litzatekeela, alegia, "errusiarren edo bertako jendearen aurkako eraso bat balitz bezala diseinatutako operazio bat, Ukrainan sartzeko aitzakia gisa".
Era berean, ordezkariak nabarmendu du Washingtonek jakin duela "Errusiaren aldeko aktoreak" probokazio faltsuak zabaltzen hasi direla Ukrainak egindakoak izango balira bezala, bai estatu mailako hedabideetan bai sare sozialetan. Hala, "eraso baterako aitzakia aurrez justifikatzen saiatu nahi dute".
Kirbyk adierazi du ez dela Estatu Batuek Errusia hala jokatzen ikusten duten lehen aldia. Era berean, argitu du Washingtonek uste duela "Errusiako Gobernuko kideak" daudela operazio horren atzean.
Estatu Batuen salaketak gorabehera, Washingtonek ez du uste Putinek Ukrainari erasotzeko erabakia dagoeneko hartu duenik, eta Estatu Batuetako Gobernuak "diplomaziari" eman nahi dio lehentasuna.
Edonola ere, Errusiari egindako ohartarazpena azpimarratu du; "ondorio larriak" egongo direla Ukrainan "beste eraso bat" egotekotan.
Estatu Batuek laguntza militarra eskaintzen diote Kievi eta, unean, Floridako Guardia Nazionaleko 200 agente inguru daude Ukrainan, entrenamendu misio batean.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta erakutsitako ausardia eskertu die
AEBko presidenteak tripulazioarekin hitz egin zuen Ilargiaren aurpegi ezkutua behatu ondoren, egindako misio historikoagatik zoriontzeko. "Gaur historia egin duzue eta harrotasunez bete duzue Amerika osoa, harrotasun ikaragarria", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.