Abortua Europar Batasuneko Oinarrizko Eskubideen Gutunean sartzea proposatu du Macronek
Emmanuel Macron Frantziako presidenteak Oinarrizko Eskubideen Europako Gutuna erreformatzea proposatu du, besteak beste, abortatzeko eskubidea bertan sartzeko.
Macron izango da Europako Kontseiluko presidentea datozen sei hilabeteetan eta bere agintaldian gauzatu nahi dituen ekimenen berri eman du Europako Parlamentuan egin duen agerraldian.
Europar Batasuneko Oinarrizko Eskubideen Gutuna 2000. urtean onartu zuten eta herritarren eskubide indibidualak, zibilak, sozialak eta ekonomikoak biltzen ditu.
"Ituna eguneratzea gustatuko litzaidake, ingurumenaren babesa eta abortatzeko eskubidea hobeto aitortzeko", adierazi du bere hitzartzean.
Macronek uste du demokrazia eraberritu egin behar dela eta horretarako ezinbestekotzat jo du Oinarrizko Eskubideen Gutuna eguneratzea.
Bestalde, Europar Batasuneko herrialdeek egonkortasun eta segurtasun akordio berri bat lantzea proposatu du, ondoren Errusiarekin eztabaidatu ahal izateko.
Halaber, Europako segurtasun ordenaren eta bere printzipio demokratikoen defentsan bere ahotsa entzunarazteko eskatu dio Europar Batasunari, baita Errusia bezalako potentzia autoritarioek ordezkatzen duten "borroka ideologikoa" borrokatzeko ere.
Ukrainako mugan tentsio handia den bitartean, Errusiak dozenaka mila soldadu bildu dituen honetan, Frantziako presidenteak Moskurekin elkarrizketa "handia eta zorrotza" izatea defendatu du, krisiari irtenbide politikoa emateko, baina ez du zalantzarik izan Errusiako "desegonkortze, manipulazio eta esku-sartze" maniobrak kritikatzeko.
Ildo horretan, Europak segurtasun ordenaren printzipioak defendatzeko eta "urraketak zigortzeko" eskatu du. "Subiranotasuna Europaren proiektuaren bihotzean dagoen askatasuna da, eta kontinenteko ezegonkortasunari emandako erantzuna da", azpimarratu du, Kieveko lurralde-osotasunari babesa emateko mezu batean.
Europako Parlamentuaren Osoko Bilkuraren aurrean, EBko sei hilean behingo presidentetzaren hasierako hitzaldian, Macronek esan du Europak "bere ahotsa entzunarazi" behar duela armen kontrola, gardentasun militarra eta herrialdeen subiranotasunarekiko errespetua babesteko, horiek guztiak Errusiarekiko elkarrizketa-mahaiaren gainean baitaude.
"Datozen asteetan egonkortasun ordena berri bat eraikitzeko Europako proposamen bat emango dugu, europarren artean lan egin behar dugu, NATOren esparruan aliatuekin partekatu eta gero Errusiarekin negoziazioan proposatu", esan du.
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.