Danimarkak covid-19aren aurkako murrizketak bertan behera utzi ditu eta pandemiaren amaiera aldarrikatu du
Kutsatzeek markak hautsi arren, Danimarkak astearte honetatik aurrera koronabirusaren aurkako murrizketak bertan behera uztea erabaki du, omikron aldaeraren kutsakortasun txikiagoa eta immunizatutako pertsona kopuru handia dituztelako.
Covid-19a gaixotasun "kritikotzat" hartzeari utzi diote, eta horrek indarrean dauden neurriak bertan behera uztea ekarriko du: ez da maskararik erabiliko barrualdean, eta jatetxe arloko murrizketak zein bizitza kulturala eta sozialekoak desagertu egingo dira, eta diskotekak berriro irekiko dituzte.
"Koronabirusaren itzaletik ateratzeko prest gaude, murrizketei agur esaten diegu eta lehen genuen bizitzari ongietorria ematen diogu. Pandemiak jarraitzen du, baina aro kritikoa igaro dugu", esan zuen joan den astean Danimarkako lehen ministro Mette Frederiksenek prentsaurreko batean.
Frederiksenek "mugarria" eta fase berri baterako "trantsizioa" aipatu zituen, eta nabarmendu zuen erabakiak pandemia hasi zenetik Gobernuari aholkuak ematen dizkion zientzialarien batzordearen bermea duela.
Danimarkak (munduan test gehien egiten dituen herrialdeetako bat) 46.747 kasu berri erregistratu ditu azken 24 orduetan, duela urtebete, bigarren olatuaren gailurrean, baino bederatzi aldiz gehiago, baina 938 bakarrik daude ospitaleratuta, orduan baino berrogeita hamar bat gutxiago.
"Arraroa eta paradoxikoa izan daiteke gaur egungo kutsatze mailekin murrizketak ezabatzea, baina datu gehiago hartu behar dira kontuan; garrantzitsuenetako bat gaixo larrienena da eta kurba hori hautsi egin da", adierazi zuen.
Danimarka izan zen irailaren 10ean murrizketa guztiak ezabatu zituen Europako lehen herrialdeetakoa, baina bi hilabete geroago, kutsatzeek aurrera egin zutenez, neurri batzuk hartu zituen, eta abenduan, omikron aldaera agertu zenean, neurri zorrotzagoak hartu zituen.
Azken hilabete eta erdian covid-19ak eragindako heriotzak ugaritu diren arren, Danimarkak Europako hilkortasun-indizerik txikienetakoa du oraindik, 100.000 biztanleko 62,59 baititu, Espainian, Portugalen edota Frantzian baino hiru aldiz gutxiago.
Albiste gehiago mundua
Ayestaran: "Asteazkenean AEBko bitartekariak batuko dira bake negoziazioetara, eta egun garrantzitsua izango da"
Israelen eta Hamasen arteko zeharkako elkarrizketen lehen bi egunetako giroa "positiboa" izan dela azaldu dute gertuko iturriek. Bihar, asteazkena, AEBko eta Turkiako bitartekariak batuko dira negoziazioetara, eta egun "garrantzitsua" izango dela diote adituek. Hainbat hedabideren arabera, baliteke ostegun edo ostiralean behin behineko akordio bat izatea mahai gainean, eta hori, Donald Trump presidente estatubatuarrak iragarriko luke. Bideoan, Mikel Ayestaran kazetariaren kronika.
AEBko eta Turkiako bitartekariak asteazken honetan batuko dira Gazako bake negoziazioetara
Orain arteko elkarrizketen diskrezioa erabatekoa bada ere, gertuko iturriek baieztatu dute giroa "positiboa" dela. Egiptoko hainbat hedabidek zabaldu dutenez, baliteke ostegun edo ostiralean behin behineko akordio bat izatea mahai gainean.
Aitor Zabalgogeaskoa: "Egoera antzekoa da Gazan, baina janari gehiago sartzen ari da azken egunetan"
Oso gutxi dira Gazan sartu daitezkeen atzerritarrak. Aitor Zabalgogeaskoa Getxoko medikua da horietako bat. Mugarik Gabeko Medikuak elkarteko koordinatzailea da eta bigarren aldiz laguntza ematera joan da Gazara. Ospitaleetan bizi duten egoera kontatu dio EITBri.
"Loratu egin behar gara, orain arte egindakoak, bestela, ez du ezertarako balioko"
Kissufim kibbutzean Hamasek hildako Ivan Illarramendi zarauztarraren aita-amaginarrebekin bildu gara, haren hilketaren bigarren urteurrenean. "Zauria ez da inoiz itxiko", adierazi du Dani Garcovich Illarramendiren aitaginarrebak.
Hamasek dioenez, U-7ko erasoa egin eta Israelek Gazan erasoaldia abiatu eta bi urtera, "borrokak jarraitu" egiten du
Adierazi duenez, erasoek "itzalak proiektatzen jarraitzen dute maila politikoan eta militarrean, eskualdean eta munduan". "Bi urteko samina, bidegabekeria, zapalkuntza, sufrimendu handia eta kostu handiak; erresistentziaren begiek, berriz, Jerusalemen, Al Aksako meskitaren eta Palestina osoaren askatasunari begira jarraitzen dute", azpimarratu du, eta "atzerriko okupatzaileei aurre egiteko orduan herrialdeko seme-alaben ausardia" goraipatu du.
Gisele Pelicotek auzitegira itzuli behar izan du, bortxatzaileetako batek helegitea aurkeztu baitu
Dominique Pelicoten eta dozenaka akusaturen aurkako epaiketa hasi zenetik urtebete baino gehiago igaro denean, akusatuetako baten apelazioa ebatzi beharko du Nimes hiriko epaile batek. Akusatuak bederatzi urteko espetxe-zigorra jaso zuen eta helegitea aurkeztu duen bakarra izan da.
Greta Thunberg "aztoratzailea" dela esan du Trumpek, eta ekintzaileak, ironiaz, haserrea kontrolatzeko aholkuak eskatu dizkio AEBko presidenteari
Thunbergi "medikuarenera joatea" gomendatu dio AEBko presidenteak. Ekintzailea Israeletik atera dute, Gazarako flotillan parte hartu ostean.
Israelen eta Hamasen arteko lehen negozioazioak "positiboak" izan dira
Bilerak astelehenean hasi ziren, Egiptoko Xarm el-Xeikh bainuetxean, Itsaso Gorrian, Trumpen proposamenaren lehen fasea ezartzeko mekanismoak eta xehetasunak adosteko. Proposamenaren arabera, Hamasek bahitu guztiak askatuko ditu, Israelek ehunka palestinar aske uztearen truke.
Albiste izango dira: Gaza bi urteren ondoren, Gobernu Irekirako Aliantzaren goi-bilera eta aurreakordioa Gasteizko lorezainen gatazkan
Gaurkoan Orain-en albiste izango direnen laburpena, bi hitzetan.
Rock kontzertua eman du Mileik Argentinan, ekaitz politikoaren erdian
Euforia nagusi, Argentinako presidente Javier Mileik rock kontzertu bat eskaini du Buenos Airesen, bere gertukoekin eta jende gazte askorekin batera. Bere Gobernuak eta bere alderdiak agertoki politiko eta ekonomiko konplexu bati egin behar diote aurre urriaren 26ko hauteskunde legegileen atarian. Ikuskizuna, artista ezagunen kantuak jo dituzte, Mileik idatzitako liburu bat aurkeztu aurretik, 'La Construcción del Milagro' izenekoa. Movistar Arenan izan da, Argentinako hiriburuko espazio ezagunean, bertako eta nazioarteko artista garrantzitsuak hartzen dituena.