Airelinea batzuek hegaldiak bertan behera utzi edo desbideratu dituzte Ukrainan, Errusiaren inbasioaren beldur
Ukrainako Gobernuak ez die gomendatzen aire-konpainia komertzialei Itsaso Beltzean hegaldiak egitea astelehenetik aurrera eta gutxienez larunbatera arte, Errusiak eskualdean planifikatutako maniobra militarren ondorioz, Ukrainako hegazkingintzako agintaritzak jakinarazi duenez.
Kievek bere aire-eremua irekita mantenduko duela agindu du, nahiz eta nazioarteko egoera geopolitikoa kezkagarria izan. Hala ere, aseguru-etxe nagusiek iragarri dute Ukrainarako hegaldien estaldura bertan behera utziko dutela datozen egunetan.
KLM Herbehereetako bandera duen airelineak iragarri du Ukrainarako hegaldi guztiak bertan behera utziko dituela berehala, Herbehereetako Gobernuak herritarrei herrialdera ez bidaiatzeko eta Ukrainan zeudenei handik irteteko gomendatu ostean.
British Airways ere ez da Ukrainako helmugetara hegan egiten ari.
Bestalde, Lufthansa hegazkin konpainia alemaniarrak eta Austrian Airlines austriarrak ere Ukrainako aire-espazioa saihestea aztertzen ari direla onartu dute.
American Airlinesetik azaldu dutenez, Ukrainako egoera "etengabe monitorizatzen" ari dira, eta, behar izanez gero, doikuntza gehiago egingo dituzte, "tripulazioak eta bidaiariak baitira haien lehentasuna".
Zazpi dira herrialde horrekin hegaldiak dituzten Espainiako aireportuak: Madril, Bartzelona, Malaga, Alacant, Valentzia, Tenerife, Palma.
Espainiako Gobernuak asteburu honetan Ukrainan erregistratuta dauden ia 500 espainiarrei herrialdea hegaldi komertzialetan uzteko gomendatu zien, herrialdeak bizi duen "segurtasun gabezia egoera" dela eta.
Bertako Azpiegituretako Ministerioak adierazi du lanean dabiltzala "aireko garraiolariei arriskuak saihestearren". Horren arabera, airelinea gehienak oraindik abian daude murrizketarik gabe, eta oraingoz atzerriko 29 airelineak eskaintzen dituzte Ukrainarako hegaldiak.
Zure interesekoa izan daiteke
Hungariak Orbanen aroa ixteko aukera izango du igandean
Peter Magyar liberalak (inkestetan faborito argia da) garaipen sendoa behar du lehen ministro ohiak 16 urteko agintaldian altxatutako egiturak aldatzeko.
'Orion' ontzia itsasoratu da jada, eta amaitu da Artemis II misioa, 50 urtean Ilargira egindako lehen bidaia
Lau astronautak (Reid Wiseman, Victor Glover, Christina Koch eta Jeremy Hansen) osasun egoera onean daudela baieztatu du NASAk.
Artemis II misioko astronautak prest dira 02:07an Kaliforniako kostaldearen parean itsasoratzeko
Hego Euskal Herriko 02:07an, NASAren aurreikuspenen arabera, San Diegoko (Kalifornia) kostaldean itsasoratuko da Orion espazio ontzia.
Ekuadorrek % 50etik % 100era igoko ditu Kolonbiako inportazioen muga-zergak, merkataritza-gerra gogortuz
Noboaren gobernuaren arabera, "segurtasun nazionala" bermatzeko hartu dute erabakia, eta "erantzukizun partekatua indartzea du helburu, mugan narkotrafikoaren presentziari aurre egiteko". Petroren ustez, neurri hori "gehiegikeria" da, eta "errespetua" eskatu du "narkotrafikoak eraildako 200.000 kolonbiarrentzat".
Israelek iragarri du Hezbollahko buruzagiaren idazkaria eta iloba hil duela
Hildakoa Ali Yusef Harshi da, Naim Qassemen iloba.
Iranek itxi egin du Ormuzko itsasartea, hainbat orduz irekita egon ondoren
Itsasartea irekita egon da hainbat orduz. Itsasoko trafikoa monitorizatzen duten plataformek mugimenduak atzeman dituztela adierazi dute. Hala ere, Israelek Libanori egindako erasoaren ostean, Irango agintariek berriro etenarazi dute petrolio-ontzien nabigazioa, Guardia Iraultzailearekin lotutako Fars agentziak jakinarazi duenez.
Milaka indigena Brasiliara iritsi dira, 2026ko Lur Librea Kanpamentuan parte hartzeko
Brasilgo indigenek martxa bat egin dute Brasilgo Kongresu Nazionalera euren eskubideak aldarrikatzeko, Brasilian urtero egiten duten kanpaldiaren testuinguruan.
Israelek gutxienez 250 pertsona hil ditu Libanoren aurka egindako "erasorik handienean", su-etena izan arren
AEB eta Iranen artean bitartekari lanak egin dituen Pakistanen arabera, Libanori ere eragiten dio tregoak. Benjamin Netanyahu Israelgo lehen ministroak, ordea, akordiotik kanpo utzi du herrialdea.
Iranen bake-plan proposamenaren hamar gakoak
Iranek arma nuklearrak ez fabrikatzeko konpromisoa hartu du, eta bere kontrako zigor guztiak kentzea eta jasandako kalteak konpentsatzeko funts bat sortzea eskatu du. Horiek dira, besteak beste, Teheranek AEBrekin gerra amaitzea negoziatzeko aurkeztu duen planaren puntuak.
AEBk eta Iranek bi asteko su-etena adostu dute, Ormuz ireki egingo dutela bermatuta
Pakistanen bitartekaritzak su-eten akordioa lortzea ahalbidetu du. Ituna berehala sartuko da indarrean, eta Islamabadeko bake negoziazioei ateak irekiko dizkie.