AEBk eta NATOk erretreta zalantzan jarri dute, eta Errusiak bien azterketarako gaitasuna kritikatu du
Antony Blinken Ameriketako Estatu Batuetako Estatu idazkariak azaldu duenez, oraingoz ezin dute baieztatu Errusiako tropen atzera-egitea hasi denik Ukrainako mugetan. "Ez dugu erretretarik ikusi", adierazi du.
Besteak beste, Jens Stoltenberg NATOko idazkari nagusiak agertutako mesfidantzarekin bat egin du Blinkenek. Soldaduak, "urruntzen ez", mugara bidean doazela ziurtatu du AEBko diplomaziaren buruzagiak MSNBC telebistan.
Zentzu horretan, "Errusiak esaten duena" eta "Errusiak egiten duena" ezberdintzearen alde agertu da, azken orduetan Volodimir Zelenski Ukrainako presidenteak egin bezala. "Esandakoa egingo balute ona litzateke, baina oraingoz ez dugu ikusi", ohartarazi du Blinkenek.
"Esfortzu diplomatikoekin jarraitzeko Moskuren seinaleak entzun ditugu, baina lekuan bertan oraingoz ez dugu deseskalatzerik ikusi; kontrakoa, Errusiak dispositibo militarra indartzen jarraitzen duela ematen du", esan du Stoltenbergek Bruselan, Defentsa ministro aliatuen bilerara iritsi denean.
Dmitri Peskov Kremlineko bozeramaileak, ostera, berehala erantzun dio, eta Aliantza Atlantikoaren azterketarako gaitasuna kolokan jarri du.
"Dirudienez, egoera ebaluatzeko nolabaiteko handicapa du NATOren sistemak", adierazi du prentsaurrekoan. Peskoven ahotan, "NATOko ordezkariei egoera hotzean aztertzea eragozten dien arazo bat da seguru".
Bestalde, mendebaldeko txostenen arabera, inbasioaren eguna izan behar zena, batasun nazionaleko festa bihurtu du Ukrainak gaur, Kremlineko etsaiaren aurrean abertzaletasun erakustaldia.
"Inork, bakarrik denak batera gure etxea defendatzeko gai izango gara. Ukrainako batasunaren egun zoriontsua! Ekialde, mendebalde, hegoalde eta iparraldea…", esan du Volodimir Zelenskik bideo batean.
Honenbestez, Errusiaren inbasioak itxaron beharko du. AEBk gorriz markatu zuen otsailak 16, baina ukrainarrak lasai daude ekaitz informatiboaren erdian.
Albiste gehiago mundua
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.