Putinek alertan jarri ditu disuasiorako indar nuklearrak
Vladimir Putin Errusiako presidenteak disuasiorako indar nuklearrak "zerbitzu erregimen berezian" jartzeko deia egin du , NATOko herrialde nagusien "adierazpen oldarkorrengatik".
"NATOko herrialde nagusietako goi kargudunek gure herrialdearen aurkako adierazpen oldarkorrak egin dituzte, horregatik agindu diet Defentsa ministroari eta Estatu Nagusiko buruari Errusiako Armadako disuasiorako indarrak zerbitzu erregimen berezian jartzea", adierazi du.
Indar nuklearrek, kontinente arteko misilek, nuklearrak ez diren indarrek, misilen aurkako defentsak eta alerta goiztiarreko sistemak osatzen dute, besteak beste, Errusiaren disuasiorako indar estrategikoa.
Putinek azpimarratu du Mendebaldeak ekonomikoki erasokorrak diren neurriak hartu dituela. "Guztiok ezagutzen ditugun eta zilegitasunik ez duten zigorrez ari naiz", gaineratu du, Errusiaren aurka ezarritako zigor ekonomikoen harira.
Kiev eta Kharkiv, kontrolpean
Oleg Sineguboc Kharkiv eskualdeko presidenteak igandea hasi berritan jakinarazi duenez, tropa errusiarrak hiriaren erdigunera iritsi dira. Kharkiv Ukrainako bigarren hiririk handiena da.
"Errusiako ibilgailu etsaiek hiriaren erdialdera sartzera lortu dute" azaldu du Sinegubocek eta etxean geratzeko eskatu die herritarrei.
"Mesedez, geratu etxean. Hiriko egoera oso larria da ", eskatu du Igor Terekhov Kharkiveko alkateak, UNIAN Ukrainako agentziak jasotako adierazpenen arabera.
Azpiegiturak suntsitu
Ukrainako Komunikazio Berezien eta Informazioaren Babeserako Estatuko Zerbitzuak herritarrei babeslekuetara jotzeko eskatu die eta "etsaia suntsituko" dutela ziurtatu du.
"Kharkiven borrokan jarraitzen dugu eta Errusiak bajak ditu" adierazi dute zerbitzutik, "Kharviven sartu den lehen ibiligailu errusiarra suntsitua izan da" gaineratu dute blindatua sutan agertzen den bi bideo zabaltzearekin batera.
"Errusiako okupatzaileak azpiegitura zibilak suntsitzen eta hiri handietan zibilak hiltzen ari dira" salatu dute eta kaltetutako azpiegituren artean, Vasilkoveko petrolio-biltegi bat (Kieveko hego-mendebaldean) eta Kharkiveko gasbide bat aipatu dituzte.
Halaber, Errusiako tropek "nagusiki kaukasiarrez osatutako unitate eta azpibanaketa militarrak" erabiltzen dituztela salatu dute, Txetxeniako tropei erreferentzia eginez, "herritarrak beldurtzeko".
Erresistentzia Kieven, gatazkaren laugarren egunean
Indar Armatuek berretsi dutenez, Kieven "lasaia" da egoera, eta Armada ukrainarrak "guztiz kontrolpean" dauka hiriburua, gatazkaren laugarren egunean hirian izan diren liskarren ostean.
Volodimir Zelenski herrialdeko presidenteak, bestalde, "gau basatia" izan dela esan du, eta errusiar indarrek azpiegitura militarrik gabeko "eremu zibilei" eraso egin diela. "Errusiarrak guztia erasotzen ari dira, anbulantziak barne", azaldu du.
Indar Armatuek igorritako oharraren arabera, Errusiaren helburu nagusia da Ukrainako hiriburua hartzea. Ez da hala gertatu, "biztanleria zibilaren, Ukrainako Indar Armatuen, Guardia Nazionalaren eta Polizia Nazionalaren erresistentziari esker".
Bestalde, Oleh Sinegubov Kharkiv eskualdeko gobernadoreak igande honetan berretsi duenez, ukrainar indarrek "kontrolpean" dute Kharkiv hiria.
Albiste gehiago mundua
Aitor Zabalgogeaskoa: "Egoera antzekoa da Gazan, baina janari gehiago sartzen ari da azken egunetan"
Oso gutxi dira Gazan sartu daitezkeen atzerritarrak. Aitor Zabalgogeaskoa Getxoko medikua da horietako bat. Mugarik Gabeko Medikuak elkarteko koordinatzailea da eta bigarren aldiz laguntza ematera joan da Gazara. Ospitaleetan bizi duten egoera kontatu dio EITBri.
"Loratu egin behar gara, orain arte egindakoak, bestela, ez du ezertarako balioko"
Kissufim kibbutzean Hamasek hildako Ivan Illarramendi zarauztarraren aita-amaginarrebekin bildu gara, haren hilketaren bigarren urteurrenean. "Zauria ez da inoiz itxiko", adierazi du Dani Garcovich Illarramendiren aitaginarrebak.
Hamasek dioenez, U-7ko erasoa egin eta Israelek Gazan erasoaldia abiatu eta bi urtera, "borrokak jarraitu" egiten du
Adierazi duenez, erasoek "itzalak proiektatzen jarraitzen dute maila politikoan eta militarrean, eskualdean eta munduan". "Bi urteko samina, bidegabekeria, zapalkuntza, sufrimendu handia eta kostu handiak; erresistentziaren begiek, berriz, Jerusalemen, Al Aksako meskitaren eta Palestina osoaren askatasunari begira jarraitzen dute", azpimarratu du, eta "atzerriko okupatzaileei aurre egiteko orduan herrialdeko seme-alaben ausardia" goraipatu du.
Gisele Pelicotek auzitegira itzuli behar izan du, bortxatzaileetako batek helegitea aurkeztu baitu
Dominique Pelicoten eta dozenaka akusaturen aurkako epaiketa hasi zenetik urtebete baino gehiago igaro denean, akusatuetako baten apelazioa ebatzi beharko du Nimes hiriko epaile batek. Akusatuak bederatzi urteko espetxe-zigorra jaso zuen eta helegitea aurkeztu duen bakarra izan da.
Greta Thunberg "aztoratzailea" dela esan du Trumpek, eta ekintzaileak, ironiaz, haserrea kontrolatzeko aholkuak eskatu dizkio AEBko presidenteari
Thunbergi "medikuarenera joatea" gomendatu dio AEBko presidenteak. Ekintzailea Israeletik atera dute, Gazarako flotillan parte hartu ostean.
Israelen eta Hamasen arteko lehen negozioazioak "positiboak" izan dira
Bilerak astelehenean hasi ziren, Egiptoko Xarm el-Xeikh bainuetxean, Itsaso Gorrian, Trumpen proposamenaren lehen fasea ezartzeko mekanismoak eta xehetasunak adosteko. Proposamenaren arabera, Hamasek bahitu guztiak askatuko ditu, Israelek ehunka palestinar aske uztearen truke.
Albiste izango dira: Gaza bi urteren ondoren, Gobernu Irekirako Aliantzaren goi-bilera eta aurreakordioa Gasteizko lorezainen gatazkan
Gaurkoan Orain-en albiste izango direnen laburpena, bi hitzetan.
Rock kontzertua eman du Mileik Argentinan, ekaitz politikoaren erdian
Euforia nagusi, Argentinako presidente Javier Mileik rock kontzertu bat eskaini du Buenos Airesen, bere gertukoekin eta jende gazte askorekin batera. Bere Gobernuak eta bere alderdiak agertoki politiko eta ekonomiko konplexu bati egin behar diote aurre urriaren 26ko hauteskunde legegileen atarian. Ikuskizuna, artista ezagunen kantuak jo dituzte, Mileik idatzitako liburu bat aurkeztu aurretik, 'La Construcción del Milagro' izenekoa. Movistar Arenan izan da, Argentinako hiriburuko espazio ezagunean, bertako eta nazioarteko artista garrantzitsuak hartzen dituena.
Harrera beroa egin diete Flotillako euskal ekintzaileei Loiuko aireportuan
Bilboko aireportura, Loiura, gaueko 23:15ean iritsi dira lau euskal ekintzaileak. Ekintzaileak eta komunikabideak zain zituzten, eta eskerrak eman dizkiete emandako laguntzagatik. Ez dute fokua benetan garrantzitsua den horretatik aldendu nahi izan: gazatarrak jasaten ari diren sarraskitik.
Gazako genozidioa: bi urtetako sarraskia, iruditan
Bi urte bete dira astearte honetan, Hamasek aurrekaririk gabeko erasoa egin zionetik Israeli. Berehala erantzun zuen Benjamin Netanyahuren Gobernuak: Gazako Zerrendaren aurkako bonbardaketa masiboekin hasi zena, erabateko genozidio bilakatu da. Horren erakusgarri, datuak: 67.000 hildako, gehienak, emakumeak eta haurrak; 168.000 zauritu; eta milioi erdi herritar baino gehiago goseteak harrapatuta.