Errusiaren eta Ukrainaren arteko negoziazioak astelehen honetan hasiko dira
Errusiaren eta Ukrainaren arteko negoziazioak astelehen honetan hasiko dira, goizean goiz, Bielorrusia eta Ukraina arteko mugan, bi herrialdeetako gobernuek tokian tokiko hedabideei jakinarazi dietenez.
"Ez da atzerapen bat, goizean hasiko da Ukrainaren logistika kontu batzuengatik", adierazi du TASS agentzia errusiarrak Kremlineko iturriak aipatuta.
Sergei Nikiforov Volodimir Zelenski Ukrainako presidentearen bozeramaileak aitortu du logistika zaila dela, Ukrainako ordezkaritzaren segurtasuna bermatzeko, besteak beste, eta horregatik ordu batzuk beharko dituztela hitzordura iristeko.
Igande honetan bi herrialdeek iragarri dute Bielorrusian izango direla elkarrizketak, Errusiaren aliatu sendoa den herrialdean, baina Ukrainak behintzat lortu du hitzordua mugan izatea.
Ukrainak ez omen du baldintzarik jarriko elkarrizketa Aleksandrovka-Vilcha kontrolgunean izan dadin, eta adierazi du Minsk izango dela ordezkari ukrainarren segurtasunaren erantzulea.
Ukrainako presidenteak elkarrizketa onartzeko arrazoia azaldu du: "Ukrainar batek ere ez dezala pentsatu ni, presidente gisa, gerra gelditzen saiatu ez nintzenik, nahiz eta aukera oso txikia izan".
Ezezkoa Bielorrusian biltzeari
Kremlinek delegazio negoziatzailea bidali du igande honetan Bielorrusiara, ukrainar ordezkariekin hitz egiteko, ukrainarrak ez zirela joango jakin arren. Volodimir Zelenski Ukrainako presidenteak uko egin dio, hasiera batean, Errusiarekin Bielorrusian hitz egiteari; izan ere, horren ustez, elkarrizketa ezin da "errusiar erasoaren konplize den herrialde batean izan". Edonola ere, atea irekita utzi dio negoziazioak beste nonbait egiteari.
Errusiar inbasioaren laugarren egunean bidali dute Moskutik delegazio hori. Ostegun goizaldean hasi zen erasoa, eta, orain, Kremlineko indarrek Kiev dute mehatxupean. Oraingoz, beste hiri batzuk hartu dituzte, Kharkiv tartean: Ukrainako bigarren hiririk handiena da, eta 1,4 milioi biztanle ditu.
Larunbatean, Ukrainak Errusiari leporatu zion gerra eteteko behin-behineko negoziazioak kale itsu batera eraman nahi izatea, elkarrizketak hasi aurretik. Horren arabera, Errusiak gezurra esan zuen Kievek negoziazio-mahaian esertzeari uko egin ziola esan zuenean.
Putinek alertan jarri ditu disuasio nuklearrerako indarrak
Bien bitartean, Vladimir Putin Errusiako presidenteak disuasio nuklearrerako indarrak "zerbitzu erregimen berezian" jartzeko deia egin du, NATOko herrialde batzuek "adierazpen oldarkorrak" egin ostean.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".