Euskadik errefuxiatu ukrainarrentzako hiru arreta gune martxan jarriko ditu asteburu honetan
Eusko Jaurlaritzak, Gurutze Gorriarekin lankidetzan, hiru arreta gune martxan jarriko ditu asteburu honetan, Euskadi heltzen diren aurreneko errefuxiatu ukrainarrak aurrez aurre artatzeko.
Era berean, 945 222 222 arreta telefonoa martxan jarri dute dagoeneko. Zerbitzua 09:00etatik 22:00etara eskainiko du.
Gurutze Gorriak hiru hiriburuetan dituen egoitzak izango dira martxan jarriko dituzten hiru arreta guneak; izan ere, Eusko Jaurlaritzako zerbitzuak itxita daude larunbat eta igandeetan, Gizarte Politikarako Saileko iturriek baieztatu dutenez.
Asteburuan arreta zentro horien funtzionamendu aztertu ondoren, Euskadira iristen diren errefuxiatuak aurrez aurre artatzeko beharrezko baliabideak aztertuko ditu Sailak.
Iturrien arabera, Euskadira heltzen ari diren aurreneko errefuxiatuek baliabide propioak eta babes sareak (senideak, ezagunak, lagunak) dituzte, baina laguntza eta informazioa behar dezakete. Horregatik, hiru arreta guneak zabaltzea erabaki dute.
Egoitzak 10:00etatik 18:00etara zabalik egongo dira. Beharrizan zehatzak artatzea ahalbidetuko dute, erakundeekin eta entitateekin lankidetzan, Xabier Legarreta Eusko Jaurlaritzako Migrazio eta Asilo zuzendariak azaldu duenez.
Laguntza uzteko tokiak
Bestalde, Ukraina-Euskadi Garapenerako Lankidetza elkarteko boluntarioek elikagaiak, osasun materiala eta oinarrizko beharretarako produktuak jasotzeko gune bat prestatu dute Bilboko Georgia kalean eta "kolapsatu" egin da jendearen erantzunari esker.
Bilboko Udaleko iturriek jakitera eman dutenez, "jende-oldea" Georgia kalera joan da ibilgailuetan laguntza uztera, Larreagaburu auzoan. Ondorioz, Indalecio Prieto eta Miraflores kaleak "lepo" daude.
Udaltzaingoak eta elkarteak "gainezka" daudela ohartarazi dute. Arropa gehiago ez dute hartuko, janari, mantak eta lo-zakuak soilik onartuko dituzte aurrerantzean.
Boluntarioen asmoa kamioilari ukrainarrek produktuak Poloniako mugara arte eramatea da, bertatik Ukrainako muga zeharkatzeko.
Elkarteak materiala jasotzeko beste gune batzuk jarri ditu Euskadin. Horrela, Gasteizen, Slavianka denda (Esperantza kalea, 2) eta Jundiz Kaleko Betizu tailerrak arduratuko dira. Donostian, Jaizkibel kaleko 6 zenbakian hartuko dute laguntza.
Era berean, Erandioko Feron Europe Group; Zaratamoko Iragorriti poligonoa; Laudioko Mimitos denda; Astigarragako Gaurko Tek Akademia; Irungo Slavianka denda eta Pentecontes parrokia edo Eibarko Beheko Tokia eta Jubilatuen Etxean produktuak uztea posible da.
Albiste gehiago mundua
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.