Putinek ziurtatu duenez, aldeen arteko hirugarren negoziazio bilera asteburu honetan egingo dute
Vladimir Putin Errusiako presidenteak Olaf Scholz Alemaniako kantzilerrari ostiral honetan jakitera eman dionez, Errusiaren eta Ukrainaren arteko hirugarren negoziazio bilera asteburuan egingo dute. Bi aldeek jakinarazi diote, "laster" berriz hitz egitea adostu baitzuten.
Elkarrizketan, bi buruzagiek ikuspuntu ezberdinak partekatu dituztela azaldu du Alemaniako Gobernuak agiri batean. Hartu-emanak ordubeteko iraupena izan du.
Ukrainako egoeraren aurrean "kezka sakona" agertu du Scholzek. Azken egunetan herrialdetik heltzen ari diren irudiak eta informazioak aipatu ditu Alemaniako kantzilerrak.
Zentzu horretan, borrokaldiak "berehala uzteko" eskatu die Errusiako buruzagiei, laguntza humanitarioa iristea ahalbidetzeko.
Errusiako eta Ukrainako ordezkaritzak ostegunean, Bielorrusian, bigarren aldiz batzartu ziren erasoa hasi zenetik. Bi aldeek korridore humanitarioak zabaltzea adostu zuten, elikagaiak eta botikak igarotzea ahalbidetzeko.
Ukrainako ordezkaritzaren ahotan, Mosku baldintza gutxiago jartzen ari da
Errusiako ordezkaritza elkarrizketetan arrakasta izateko baldintzak "pixkanaka murrizten" ari dela jakinarazi du Ukrainako Gobernuak.
Oraingoz, Errusiako Gobernuak herrialdea "desnazifikatzeko" eskaerak alde batera utzi dituela ematen du; izan ere, Ukrainako Gobernuan "osagai nazien" presentzia salatu zuen Moskuk. Eskakizun egiaztagarriagoak dira orain, Oleksiy Arestovich Ukrainako Presidentearen Bulegoko aholkulari buruak esan duenez.
Zentzu horretan, NATOn ez integratzeko bermeak eskatzen hasi zaizkio Errusiak Ukrainari, eta, batez ere, herrialdean arma sistema zehatzak ez zabaltzeko bermeak, Arestovichek gaineratu duenez.
"Desnazifikazioaz hitz egiteari utzi diote, estatusari heltzeko, baina ez dute asko sakondu. Ukrainan erasorako arma mota zehatzak ez zabaltzeko prebentzioaren inguruan mintzatu dira", azaldu du aholkulariak.
Aholkulariaren ahotan, eskaeretan atzera egiten ari dira, Errusiako Federazioa "bere helburu politikoak bide militarretik lortzea posible ez dela ulertzen hasi delako".
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.