Inditexek eta Tendamek euren jarduna eten dute Errusian, behin-behinean, 9.400 langile etxean utziz
Inditex eta Tendam Espainiako bi arropa konpainia ezagunek bertan behera utzi dute "behin-behinean" Errusian duten jarduera, Ukrainiako gatazka dela eta. 500 denda ditu Inditexek Errusian (Zara, Bershka, Pull&Bear, Stradivarious, Oysho, Masssimo Dutti, Zara Home eta Uterqüe) eta beste 50 Tendamek (Cortefiel, Women'secret, Springfield eta Pedro del Hierro, besteak beste) eta dendak ixteaz gain, bertan behera utzi dute online salmenta ere.
CNMV Balore Merkatuaren Espainiako Batzordera gaur goizean igorritako oharrean, Inditexeko arduradunek adierazi dute ezin dituztela "operazioak bermatu, gaur egungo egoeran". Errusian dituzten langileak izango direla orain euren "lehentasuna" ere adierazi dute, 9.000 pertsona baino gehiago, alegia, eta horientzat "babes programa berezia" jarriko dutela martxan jakinarazi dute, zehaztasun gehiago eman gabe.
"Taldearen irabazi orokorren % 8,5 dator Errusiatik" azaldu dute, denda guztiak alokairuzko erregimenean daudela gaineratuz, "beraz, inbertsioa ez da esanguratsua ikuspegi finantzariotik" gaineratu dute.
Tendam konpainiaren arduradurek ere itxiera euren 400 langileei "babes maila gorena" emanez egingo dela adierazi dute. Marka horrek aurreko astean itxi zituen Ukrainan zituen frankizia guztiak.
Konpainiak adierazi du behar den guztian lagunduko diela Espainiako agintariei eta nazioarteko Gobernuz Kanpoko Erakundeei, Ukraniako gatazkan.
Bi multinazional hauen aurretik beste hainbat enpresa handik ere erabaki bera hartu dute azken egunoetan. Batzuk, Ukraniako inbasioaren aurrean protesta gisa, beste batzuk hornidura arazoengatik eta beste batzuk euren gobernuek Moskuren kontra ezarritako zigorrak betetzeko. Hauek dira, besteak beste, marka horiek: Mango, H&M, Nike, Adidas, Mango, Burberry, Ikea, Apple, Airbnb eta autogintzako hainbat: Toyota, Mitsubishi, Honda, Volkswagen, BMW, Mercedes-Benz, Daimler Truck, Mazda, General Motors, Jaguar Land Rover, Aston Martin, Renault edota Harley-Davidson.
ALBISTE ERLAZIONATUAK:
Ukrainaren inbasioaren ondorioz Errusiatik alde egin duten multinazionalen zerrenda
Zure interesekoa izan daiteke
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta erakutsitako ausardia eskertu die
AEBko presidenteak tripulazioarekin hitz egin zuen Ilargiaren aurpegi ezkutua behatu ondoren, egindako misio historikoagatik zoriontzeko. "Gaur historia egin duzue eta harrotasunez bete duzue Amerika osoa, harrotasun ikaragarria", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.