Milaka manifestarik protesta egin dute Korsikan, koman geratu den FLNCko preso baten aurkako erasoa salatzeko
Milaka lagun 10.000k deitzaileen arabera eta 7.000k poliziaren arabera, bildu dira igande honetan Bastian, Korsikan, Yvan Colonna preso korsikarrak Arlesko espetxean duela astebete jasandako eraso bortitzagatik protesta egiteko sindikatuek, alderdi nazionalista korsikarrek eta Bastiako ikasle mugimenduak deitutako manifestazioan. Colonnak 61 urte ditu eta koman dago ordutik.
Erasoak oihartzun handia izan du Korsikan, eta azken astean ugaritu egin dira erasoa salatzeko manifestazioak eta protestak. "Preso politikoen eskubideak" defendatzea, presoak Korsikako kartzeletara hurbiltzea eta Frantziako Gobernuari beste espetxe politika bat eskatzea dituzte xede protesta horiek.
Frantziako Terrorismoaren Aurkako Fiskaltza Nazionalak, bestalde, Colonnaren aurkako eraso bat atentatu gisa ikertzea erabaki du, zehazki Franck Elong Abe, 2012an AEBetako indarrek Afganistanen atxilotutako 36 urteko jihadista, hura itotzen saiatu zenekoa.
Erasotzaileak ikertzaileei azaldu zienez, Colonnak "birao bat bota zuen Mahoma profetaren aurka". Espetxeko gimnasiokoan harrapatu zuen, eta han jo egin zuen eta itotzen saiatu.
61 urteko biktima koman dago ospitalean, hil ala biziko egoeran. Colonnari biziarteko kartzela-zigorra ezarri zioten 2007an, Claude Erignac Korsikako prefeta 1998an hiltzeagatik.
Istiluak Bastian
Arratsaldeko manifestazioaren ostean, manifestariek segurtasun indarrei aurre egin diete Bastian, objektuak, etxeko bonbak eta molotov koktelak jaurtita; ez dirudi, hala ere, inor zauritu denik. Segurtasun-indarrek gas negar-eragileekin erantzun dute.
Poliziak Bastiako prefekturaren egoitzaren aurrean esku hartu ondoren, manifestariak inguruko kaleetan sakabanatu dira.
Zure interesekoa izan daiteke
Lurra Artemis IItik ikusita
Misioa aurrera doa ilargirantz, eta distantzia horretatik lurraren irudiak hartu dituzte, astelehenean satelitera iritsi aurretik.
Ehiza-hegazkinak eraisteak ez du eraginik Iranekin egiten ari diren negoziazioetan, Trumpen arabera
Hala ere, su-eten negoziazioak "itopuntuan" daudela adierazi dute bitartekariek. Iranek saria eskaini du pilotuak harrapatzeagatik, eta Israel Libanon jartzen ari da indarra.
Leon XIV.ak gerraren eta botere gehiegikeriaren aurkako aldarria egin du bere lehen gurutze bidean
Leon XIV.a izan da Ostiral Santuan bere agintaldiaren lehen gurutze bidean buru, Erromako Eliseoan. Gerra eta botere gehiegikeriaren aurkako aldarrikapena egin du milaka eta milaka fededunen aurrean, eta argi esan du: "Agintari orok Jainkoaren aurrean erantzun beharko du jasotako boterea erabiltzeko moduagatik".
Erregaien prezioek igotzen jarraitzen badute, Europar Batasunak ez du baztertzen errazionamendua ezartzea
Dan Jørgensen Europako Energia komisarioak adierazi duenez, "eszenatoki txarrenetarako prestatzen ari gara, baina oraindik ez dugu produktu kritikoak (kerosenoa edo diesela) errazionatu beharrik".
Iranek esan du AEBko beste ehiza hegazkin bat eraitsi duela herrialdearen erdialdean
AEBko agintariek ez dute, oraingoz, gaiari buruzko adierazpenik egin; hala ere, eroritako lehen hegazkineko tripulatzaileetako bat erreskatatu dutela esan dute.
Gutxienez hiru kasko urdin zauritu dira Libano hegoaldeko instalazioetan izandako leherketa batean
Israelek 1.368 pertsona hil ditu jada herrialdearen aurka egindako eraso armatuetan. Halaber, Israelgo Armada Libano hegoaldeko herrixketan etxebizitzak eraisten hasiko da, bertatik 600.000 pertsona kanporatu ondoren. Hezbollah taldearen "kokalekuak" direla ziurtatu du Israelek.
Pentagonoak kargutik kendu du AEBko Armadako Estatu Nagusiko burua
Erasoen gorakadaren erdian, Randy Georgek agintea utzi du eta Trumpek bere erretorika belizista areagotu du.
Artemis II misio espaziala Ilargira bidean da jada
Bidaia tripulatuak bueltan dira Ilargira, 50 urteren ostean, baina oraingoan ez da ilargiratzerik aurreikusi.
Trumpek kargutik kendu du Pam Bondi fiskal nagusia, Espstein auziaren kudeaketarekin hainbat desadostasun izan ostean
AEBko presidenteak 2024ko azaroan jarri zuen karguan, baina denbora horretan hainbat enfrentamendu izan dituzte. Todd Blanchek ordezkatuko du Bondi, Trump presidente izan aurretik jasotako lau inputazio penaletan defendatu zuen abokatuak, alegia.
Amazonek Bahrainen duen zentro baten aurkako erasoa egin duela aldarrikatu du Iranek
Irango Guardia Iraultzaileak Microsoft, Apple, Google, Meta, Boeing, Tesla eta beste 14 enpresaren aurkako erasoak egiteko mehatxua egin zuen asteartean, Iranen kontrako "operazio terroristetan parte hartzea" leporatuta.