Barrena: "Ukrainarekin auzokotasuna badago, baina ikuspegi arrazista samarra dago Europaren portaeran"
Ukrainako gerratik datozen errefuxiatuekin Europar Batasuneko erakundeak izaten ari diren jarrera izan du hizpide Pernando Barrena EH Bilduren europarlamentariak ETB1eko "Egun on Euskadi" saioan egin dioten elkarrizketan. "Auzokotasun bat badago, kulturalki hurbilak gara, baina ikuspegi arrazista samarra ere badago Europaren portaeran". EH Bilduren europarlamentariaren esanetan, salatu egin behar da Europar Batasunak herrialde ezberdinetatik datozen errefuxiatuekin duen jarrera bikoitza, esaterako, Ukrainatik datozenei ateak irekita eta Siriatik edo Afganistandik atera direnei mugak itxita.
Errusiak Ukraina inbaditu zuenetik, dagoeneko bi milioi ukrainar baino gehiago atera dira beren herrialdetik eta Pernando Barrenak adierazi duenez, pasa den astean Von der Leyen Europako Batzordeko presidenteak off batean adierazi zuen 10 milioi errefuxiatu hartzeko prest egon beharko duela Europak. Testuinguru horretan, pertsona horiei arreta osoa eskaini behar zaiela azpimarratu du Pernando Barrenak.
Gerraren aurrean, deseskalatzea eta diplomazia gailendu behar dira EH Bilduren europarlamentariaren arabera. Ildo horretan, nazioarteko hainbat erakundek Ukrainako gerra amaitzeko ahalegin diplomatiko handiagoa egin beharko luketela uste du. Diplomaziaren alorrean Europako Segurtasun Lankidetzako Antolakundeak (OSCE), Nazio Batuen Erakundeak (NBE) edo Europar Kontseiluak zeregin garrantzitsuagoa izan behar dutela iritzi dio.
Pernando Barrenaren iritziz, Europar Batasunetik Errusiari ezarritako zigorrek eragin eskasa dute. Are gehiago, kaltetuenak herritarrak, sektore ahulenetako pertsonak direla gehitu du.
"Europak jarraitzen du gasa eta petrolioa erosten Errusiari, europarrok jarraitzen dugu Putini dirua ematen, hori jendeak jakin behar du", gaineratu du.
Nazioartetik egindako presioaren helburua bi aldeak, Ukraina eta Errusiak mahai batean esertzea eta akordioetara heltzea izan behar duela iritzi dio.
EH Bilduren europarlamentariaren hitzetan, munduan gertatzen ari den botere borroka horretan kolpe bat eman nahi izan du Errusiak, hurrengo banaketan tarta horren zati esanguratsua nahi duela argi eta garbi adierazteko.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.