Ukrainako 340 errefuxiatu inguru hartu dituzte guztira Euskadiko harrera baliabideek
Ukrainako inbasioagatik ihes egindako pertsonen jarraipena egiten duen batzordearen arabera, Eusko Jaurlaritzaren kontingentzia plana 1. agertokian dago. Izan ere, unean 340 inguru dira Estatuko harrera sistemaren baitan artatu dituzten pertsonak.
Eusko Jaurlaritzak azaldu duenez, kontingentzia planari jarraiki, agertokia aldatuko litzateke martxan dauden harrera eta migrazio baliabideetan 700 pertsonen muga gainditzean.
Espainiako Gobernuaren "eskuduntza esklusiboa" da nazioarteko babes bila dauden pertsonen harrera, eta horrek kudeatzen du arreta hori, CEAR erakundearen bitartez, lehen fasean. Eusko Jaurlaritza, berriz, arreta humanitariorako azpiegitura eta babesa bideratzearen arduraduna da, baliabide ofizialek zerbitzu hori eman ezin dutenean. Hala gogorarazi du Berdintasun, Justizia eta Gizarte Politiketako Sailak.
Errusiak Ukraina inbaditu zuenetik, CEAR taldeak 416 ukrainar artatu ditu. Horien artean, 319 Euskadik 1. agertokian luzatzen dituen baliabideen barnean daude, egoitza egonkor baten zain.
Horri gehitu behar zaizkio Berrizen eta Oñatin, nagusiki, Eusko Jaurlaritzaren baitako sarean dauden baliabideak, Suspergintza eta Zehar Errefuxiatuekin plataformek kudeatuak.
Bestalde, Eusko Jaurlaritzaren datuen arabera, 300 pertsona ari dira EAEko familiekin bizitzen, eta kalkulatu dute 600 gehiago egon litezkeela erregistratu gabe.
Gaur egun, zehaztu dutenez, ez dute etorrera jario esanguratsurik antzeman, Eusko Jaurlaritzarekin eta gizarte erakunde espezializatuekin koordinatutako elkartasun ekimen pribatuez gain.
Era berean, Eusko Jaurlaritzak nabarmendu du mugikortasun handia nabaritu dutela euskal baliabideetara iristen diren pertsonen artean. Batez ere, Kataluniara eta Mediterraneoko kostaldera lekualdatzen ari dira, bertan dauden senideekin edo lagunekin elkartzeko.
Jaurlaritzak berriz ere azpimarratu du "solidaritatea antolatzeko" beharra, "Ukrainako mugatik ateratzen ari diren pertsonen harreraren aurreikuspen bat izateko".
Horretarako, Gurutze Gorriak telefono-zenbaki bat ipini du eskuragai, elkartasuna adierazteko eta Euskadira iritsi diren ukrainarren beharrei erantzuteko. Hala, 945 222 222 zenbakia 08:00etatik 22:00etara dago aktibo, eta 15 operadorek lan egiten dute horretan.
Laguntza bideratzeko beste modu bat da errefuxiatuak@euskadi.eus posta elektronikora idaztea. 4.000 mezu inguru jaso dituzte jada: horietatik, ia 3.000 harrera eskaintzak dira, 289 ostatu lagapenak, eta badira donazioak eta mugara bidaiatzeko eskaintzak ere.
Albiste gehiago mundua
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.