Europara % 68 gas likidotu gehiago bidaltzeko akordioa lortu dute AEBk eta Europar Batasunak
Joe Biden AEBko presidenteak eta Ursula von der Leyen Europako Batzordeko (EB) buruak akordioa izenpetu dute gaur, AEBk % 68 gas likidotu gehiago bidali dezan Europara. Azken helburua Errusiarekiko menpekotasuna gutxitzea da.
Joe Biden AEBko presidenteak eta Ursula von der Leyen Europako Batzordeko presidenteak ofizial egin dute akordioa Bruselan, eta horri buruzko xehetasunak eman dituzte elkarrekin eskaini duten prentsaurrekoan.
AEBk urtean 15.000 milioi metro kubiko gehiago bidaliko du Europar Batasunera, 37.000 milioira iritsi arte. 2021ean, ostera, zenbatekoa 22.200 milioikoa izan zen.
Europako Batzordeak, bere aldetik, 2030era arte 50.000 milioi metro kubiko gehiago erosteko konpromisoa hartu du Ameriketako Estatu Batuekin.
Europar Batasunak 155.000 milioi metro kubiko erosten dizkio urtero Errusiari. Pixkanaka Errusiatik etorriko ez den gasa Ameriketako Estatu Batuetatik, Qatarretik, Egiptotik edo Afrika Mendebaldeko herrialdeetatik datorrenarekin ordezkatu nahi du.
Urtarrilaren amaieran, Errusiak Ukraina inbaditu baino lehen baina tentsioa goraka zihoala ikusita, AEBk eta EBk Europaren energia hornidura bermatzeko ituna izenpetu zuten. Orduko hartan, Von der Leyen eta Biden presidenteek bi konpromiso hartu zituzten: segurtasun eta jasangarritasun energetikoa bermatzea eta energia garbiak gehiago sustatzea.
Von der Leyenek azpimarratu duenez, Errusiari aurre egiteko, bi norabidetan ekitea adostu dute EBk, AEBk, Erresuma Batuak, Kanadak eta Japoniak. Errusiari zigorrak handitzea eta Errusiarekiko dagoen menpekotasun energetikoa murriztea.
Zure interesekoa izan daiteke
Trumpek bultzatutako Kapitolioaren aurkako erasoaren bosgarren urteurrena
2021eko urtarrilaren 6an, Donald Trumpen ehunka jarraitzaile Kapitolioan sartu ziren, Joe Biden demokrataren hauteskunde garaipena berresten zen bitartean. Bost urte geroago, erasoagatik auzipetutako 1600 pertsonak indultatu egin dituzte, edo zigorrak kommutatu zaizkie.
Boluntarioen Koalizioak Ukrainarentzako segurtasun konpromiso zehatzak lortu nahi ditu Parisen
AEBk lehen aldiz parte hartuko du Europako buruzagiekin eta Zelenskirekin batera Ukrainako gerrari irtenbide bat bilatzeko aurrez aurreko goi-bilera oso batean.
6,2 graduko lurrikara batek Japonia astindu du
Japoniako agintariek ziurtatu dute ez dagoela tsunami arriskurik.
Machadok eskerrak eman dizkio Trumpi Maduro atxikitzeagatik eta lehenbailehen itzultzeko asmoa agertu du
Fox News telebista katean egindako elkarrizketa batean, Machadok adierazi du bera buru duen oposizioak Venezuela Ameriketako energia gune bihurtuko lukeela, atzerriko inbertsioaren segurtasuna bermatzeko zuzenbide estatua berrezarri eta Maduroren agintaldian herrialdetik ihes egin zuten venezuelarren itzulera erraztu. Hala ere, Trumpek Venezuelako gobernua Machadoren esku uztea baztertu du, herrialdearen babesik ez duela argudiatuta.
Delcy Rodriguezek Venezuelako presidente karguaren zina egin du, Maduroren bahiketaren ostean
Orain arteko presidenteorde exekutiboak "ohorez eta minez" zin egin du Latinoamerikako herrialdeko behin-behineko buruzagi berri bezala, Asanblea Nazionalean. Jorge Rodriguez Parlamentuko presidenteak Nicolas Maduro presidentearen itzulera ezarri du helburu nagusitzat. Caracasen dozenaka hildako utzi zituen operazio militar batean atzeman zuen AEBk.
Madurok errugabetzat jo du bere burua AEBko epailearen aurrean
Venezuelako presidentearen eta haren emaztearen abokatu taldeek erabaki dute "une honetan" baldintzapeko askatasuna ez eskatzea.
EBk ez du Groenlandia arriskuan ikusten, AEB herrialde aliatua delako
Bestalde, Danimarkako lehen ministroak ohartarazi duenez, "NATOko herrialde batek NATOko beste herrialde bati eraso egiten badio, dena amaituko da".
NBEren ustez, AEBk Venezuelan egindako esku-hartzeak ez du Nazioarteko Zuzenbidea errespetatzen
New Yorken egiten ari diren premiazko bileran, Guterresek eskatu du gatazka zabaltzea saihesteko. Alabaina, AEBk ukatu egin du Venezuelan okupaziorik egin izana: "ez gaude gerran, ez dugu herrialderik okupatu".
Omenaldi hunkigarria Crans Montanako suteko biktimei
Crans Montanako eskiatzaile talde batek bihotz erraldoi bat osatu du eski-estazioko pistetako batean, Le Constellation tabernako zorigaiztoko sutearen biktimak omentzeko.
Petrok Trumpen "mehatxuak" gaitzetsi eta "aberriaren alde" armak berriro hartzeko prest legokeela adierazi du
Caracasen larunbat gauean gertatu zena errepikatuz gero, "maite eta errespetatzen" duen "Kolonbiako herriaren zati handi batek jaguar herrikoia" askatuko lukeela konbentzituta dagoela esan du.