Europar Batasuneko goi-karguen aurkako zigorrak ezarri ditu Errusiak, hartutako neurriengatik
Errusiako Gobernuak zigorrak neurriak ezarri ditu ostegun honetan Europar Batasuneko (EB) lider nagusien eta Europako Batzordeko kide gehienen aurka. Blokeak Ukrainaren inbasioaren aurrean hartutako neurri zigortzaileei erantzuteko hartu dute erabaki hori.
Hala jakinarazi du Errusiako Kanpo Arazoetako Ministerioak, baina ez du zigortutako pertsonen izenik eman. Aurrerantzean, pertsona horiek debekatuta izango dute herrialdean sartzea.
"Europar Batasuneko goi-kargu nagusiei" ezarri zaizkie zigorrak, "zenbait europar komisario eta EBko egitura militarren buruak barne, baita Europako Batzordeko kide gehienei ere". Izan ere, Moskuren arabera, "politika antierrusiarrak" bultzatu dituzte.
Halaber, 'zerrenda beltz' horrek barne hartzen ditu goi mailako funtzionarioak. Horien artean dira EBko zenbait estatu kideren gobernu eta parlamentuetako ordezkariak, figura publikoak eta hedabideetako langileak, "Errusiaren aurkako legez kanpoko zigorrak bultzatu izanaren ardura pertsonala dutenak, errusofobia sustatuz eta errusiar hizkerako gizartearen eskubide eta askatasunak urratuz", gaineratu du Kanpo Arazoetako Ministroak.
Iragarri duenez, "ezinbestean, erantzun gogorra izaten jarraituko du EBk eta bere estatu kideek egindako etsaitasunezko ekintza orok". Gainera, adierazi du Bruselak "edonola ezartzen" dizkiela alde bakarreko murizketak errusiar biztanle eta erakundeei, eta haren erabakiek "muga guztiak gainditzen" dituztela.
"Europar Batasunaren ekintzek kale itsu batera daramate Errusiarekin duen harremanean, eta arriskuan jartzen dituzte haren biztanle propioen ongizatea eta segurtasuna, baita mundu mailako finantza sistema ekonomikoaren egonkortasuna ere", ohartarazi du Kanpo Arazoetako Ministerioak.
Europar Batasunak, aliatuekin koordinatuta, zigor ekonomikoak ezarri dizkio Moskuri, Ukraina inbaditu izanagatik, eta adierazi du neurri pakete gehiago prestatzen ari dela.
Albiste gehiago mundua
Ayestaran: "Asteazkenean AEBko bitartekariak batuko dira bake negoziazioetara, eta egun garrantzitsua izango da"
Israelen eta Hamasen arteko zeharkako elkarrizketen lehen bi egunetako giroa "positiboa" izan dela azaldu dute gertuko iturriek. Bihar, asteazkena, AEBko eta Turkiako bitartekariak batuko dira negoziazioetara, eta egun "garrantzitsua" izango dela diote adituek. Hainbat hedabideren arabera, baliteke ostegun edo ostiralean behin behineko akordio bat izatea mahai gainean, eta hori, Donald Trump presidente estatubatuarrak iragarriko luke. Bideoan, Mikel Ayestaran kazetariaren kronika.
AEBko eta Turkiako bitartekariak asteazken honetan batuko dira Gazako bake negoziazioetara
Orain arteko elkarrizketen diskrezioa erabatekoa bada ere, gertuko iturriek baieztatu dute giroa "positiboa" dela. Egiptoko hainbat hedabidek zabaldu dutenez, baliteke ostegun edo ostiralean behin behineko akordio bat izatea mahai gainean.
Aitor Zabalgogeaskoa: "Egoera antzekoa da Gazan, baina janari gehiago sartzen ari da azken egunetan"
Oso gutxi dira Gazan sartu daitezkeen atzerritarrak. Aitor Zabalgogeaskoa Getxoko medikua da horietako bat. Mugarik Gabeko Medikuak elkarteko koordinatzailea da eta bigarren aldiz laguntza ematera joan da Gazara. Ospitaleetan bizi duten egoera kontatu dio EITBri.
"Loratu egin behar gara, orain arte egindakoak, bestela, ez du ezertarako balioko"
Kissufim kibbutzean Hamasek hildako Ivan Illarramendi zarauztarraren aita-amaginarrebekin bildu gara, haren hilketaren bigarren urteurrenean. "Zauria ez da inoiz itxiko", adierazi du Dani Garcovich Illarramendiren aitaginarrebak.
Hamasek dioenez, U-7ko erasoa egin eta Israelek Gazan erasoaldia abiatu eta bi urtera, "borrokak jarraitu" egiten du
Adierazi duenez, erasoek "itzalak proiektatzen jarraitzen dute maila politikoan eta militarrean, eskualdean eta munduan". "Bi urteko samina, bidegabekeria, zapalkuntza, sufrimendu handia eta kostu handiak; erresistentziaren begiek, berriz, Jerusalemen, Al Aksako meskitaren eta Palestina osoaren askatasunari begira jarraitzen dute", azpimarratu du, eta "atzerriko okupatzaileei aurre egiteko orduan herrialdeko seme-alaben ausardia" goraipatu du.
Gisele Pelicotek auzitegira itzuli behar izan du, bortxatzaileetako batek helegitea aurkeztu baitu
Dominique Pelicoten eta dozenaka akusaturen aurkako epaiketa hasi zenetik urtebete baino gehiago igaro denean, akusatuetako baten apelazioa ebatzi beharko du Nimes hiriko epaile batek. Akusatuak bederatzi urteko espetxe-zigorra jaso zuen eta helegitea aurkeztu duen bakarra izan da.
Greta Thunberg "aztoratzailea" dela esan du Trumpek, eta ekintzaileak, ironiaz, haserrea kontrolatzeko aholkuak eskatu dizkio AEBko presidenteari
Thunbergi "medikuarenera joatea" gomendatu dio AEBko presidenteak. Ekintzailea Israeletik atera dute, Gazarako flotillan parte hartu ostean.
Israelen eta Hamasen arteko lehen negozioazioak "positiboak" izan dira
Bilerak astelehenean hasi ziren, Egiptoko Xarm el-Xeikh bainuetxean, Itsaso Gorrian, Trumpen proposamenaren lehen fasea ezartzeko mekanismoak eta xehetasunak adosteko. Proposamenaren arabera, Hamasek bahitu guztiak askatuko ditu, Israelek ehunka palestinar aske uztearen truke.
Albiste izango dira: Gaza bi urteren ondoren, Gobernu Irekirako Aliantzaren goi-bilera eta aurreakordioa Gasteizko lorezainen gatazkan
Gaurkoan Orain-en albiste izango direnen laburpena, bi hitzetan.
Rock kontzertua eman du Mileik Argentinan, ekaitz politikoaren erdian
Euforia nagusi, Argentinako presidente Javier Mileik rock kontzertu bat eskaini du Buenos Airesen, bere gertukoekin eta jende gazte askorekin batera. Bere Gobernuak eta bere alderdiak agertoki politiko eta ekonomiko konplexu bati egin behar diote aurre urriaren 26ko hauteskunde legegileen atarian. Ikuskizuna, artista ezagunen kantuak jo dituzte, Mileik idatzitako liburu bat aurkeztu aurretik, 'La Construcción del Milagro' izenekoa. Movistar Arenan izan da, Argentinako hiriburuko espazio ezagunean, bertako eta nazioarteko artista garrantzitsuak hartzen dituena.