Txinak ez dio bermatu nahi izan Europar Batasunari ez dela Ukrainako gatazkan sartuko
Txinak saihestu egin du Europar Batasunari bermatzea ez dela Ukrainako gatazkan sartuko. Bilera batean, Charles Michel Kontseilu Europarreko presidenteak eta Ursula Von der Leyen Europako Batzordeko presidenteak argitasuna eskatu diote Pekini, berresteko ez duela Errusia militarki zein ekonomikoki lagunduko.
Topaketan zehar, Europar Batasunak Txinarekin duen harreman komertzial garrantzitsua azpimarratu dute buruzagiek, Errusiaren alde egiteko asmoa kentzeko, eta Pekini helarazi diote, Europaren zigorrak ezarri nahi ez baditu, behintzat "ahal dena" egin dezala horiek ez "oztopatzeko".
"Zigorrak saihesteko edo Errusiari laguntzeko edozein saiakerak gerra luzatuko du, eta heriotza gehiago eta eragin ekonomiko handiagoa ekarriko ditu. Hau ez dago inoren epe luzerako interesen artean", argudiatu du Michelek. Ez du Txina neurriekin mehatxatu nahi izan, baina nabarmendu du ezin duela errusiar erasoaren aurrean beste alde batera begiratu, eta ohartarazi du EB "erne egongo" dela, berresteko Moskuk ez duela kanpoko laguntzarik jaso Ukrainaren aurkako erasoaldian.
EBren eta Txinaren arteko bilera bi zatitan banatu da. Bigarrenean Xi Jinping presidentea izan da, eta 50 minutuko luzera izan du. Saio horrek Ukrainako egoera izan du ardatz, eta agintariak azpimarratu du Pekinek eta Bruselak batera lan egin behar dutela, krisia beste herrialdeetara lekualdatzea ekiditeko.
Xik azpimarratu du bi potentziek bermatu behar dutela egonkortasuna, gero eta asaldatuago dagoen mundu batean, GTN txinatar telebista kateak jakinarazi duenez. Era berean, europar agintariak presatu ditu, "Txinaren pertzepzio propioa sortzeko", eta Europaren eta Txinaren arteko harremanak bizkortzeko lan egiteko.
Bileraren lehen zatia ia bi ordu luzatu du da, eta Li Keqiang lehen ministro txinatarra izan du protagonista. Egonkortasuna mantendu nahi izan du, izan ere, Errusiarekin lerrokatuko ez direla bermatzea saihestu du.
Lehen ministro txinatarrak ziurtatu du herrialdea "blokeen banaketaren eta gatazkan parte hartzearen aurka" dagoela, Ukrainan gerra lehertu zenetik Pekinek mantendu duen ildoari jarraiki.
Txinak azaldutako konpromiso eza gorabehera, europar iturriek adierazi dute EBren helburua zela "europar dramari" buruzko kezka mezua helaraztea, eta Txinako agintariek Ukrainako gerraren ondorioak ulertzea.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".