Jerusalemen indarkeria areagotzea saihestu nahi du diplomaziak
Israeldarren eta palestinarren arteko tentsioak gora egin du azken egunetan. Inguruko herrialdeek eta AEBk diplomazia lanean jarri dute, Jerusalemen indarkeria areagotzea saihesteko; izan ere, Meskiten Zabalgunean istiluak gertatu dira azkenaldian.
Jordaniak eskatuta, Arabiar Estatuen Batzordeak Atzerri ministroak deitu ditu gaur Al-Aqsa meskitaren egoera aztertzeko; Yair Lapid Israelgo Atzerri ministroa, aldiz, AEBko Estatu Departamentuko ordezkaritza batekin bildu da.
Arabiar ministroek ohartarazi dutenez, "erasoak eta urraketak sentimendu musulmanentzako probokazio nabarmena dira"; beraz, "beste indarkeria garai bati hasiera emateko mehatxu bat dira", erantsi dute. Iazko maiatzean, Israelen eta Gazako milizia palestinarren artean, hamaika eguneko gerra gertatu zela gogorarazi dute.
Bestalde, Lapiden hitzetan, Israel "indarkeria, beldurra eta kaosa ezartzeko helburua duen muturreko islamismoarekin" borrokatzen ari da. Eskualdeko buruzagiei "egoera lasaitzeko modu arduratsuan jokatzea" eskatu die. Israelgo Gobernua toki sakratuaren estatusa babesteko eginahalak egiten ari dela erantsi du Lapidek.
Ismael Haniye Hamaseko buruzagiak Segei Lavrov Errusiako Atzerri ministroarekin telefonoz hitz egin du gaur. "Toki santuetako estatusa urratzea onartezina da", azpimarratu dute bi agintariek. "Egoera gehiago okertzea eta liskarrak borroka militarrean bukatzea eragotzi behar da", gaineratu dute.
Zabalgunearen estatusa
1967an indarrean sartu zen estatusaren arabera, Jordaniak Meskiten Zabalgunea babesten du, eta musulmanek bakarrik dute gurtzeko eskubidea bertan; juduak bisitari gisa soilik sar daitezke, eta handik hurbil dagoen Erosten Harresian otoitz egin dezakete.
Hala ere, gero eta kolono judu gehiago sartzen dira esparruan otoitz egitera. Arabiarrek eta palestinarrek probokazio bezala ikusten dute. Al-Aqsa euren nortasun nazionalaren parte da, ramadan hilabete sakratuan bereziki.
Juduen bisitak eta Poliziaren kargak gaitzetsi dituzte arabiarrek eta Gazako miliziek. Azken horiek koheteak jaurti dituzte Gazako Zerrendatik, eta Israelek Hamasen gotorlekuak bonbardatu ditu.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.