Enpresek gasa errubloetan ordaintzen baldin badute EBren zigorrak urratuko lituzketela esan du Von der Leyenek
Ursula Von der Leyen Europako Batzordeko presidenteak Errusiako gasa erosten duten enpresei ohartarazi dienez, Kremlineko "xantaiaren" aurrean amore eman eta hornidura errubloetan ordaintzen baldin badute, euren kontratuetan aurreikusita ez dagoenean, Europar Batasunak Vladimir Putinen erregimenaren aurka ezarritako zigorrak urratuko lituzkete. Zentzu horretan, konpainia horiek ondorio legalak izan ditzaketela erantsi du Von der Leyenek.
Errubloetan ordaintzeari uko egin eta Moskuk Poloniari eta Bulgariari energia hornidura eten ondoren, erabakiak EBren eskutik "berehalako" erantzun "bateratu eta koordinatua" izango duela ziurtatu du Europako Batzordeko presidenteak. Europar Batasuna zigor sorta berri bat prestatzeko "buru-belarri" lanean ari dela gaineratu du, baina egutegirik eta edukirik zehaztu gabe.
"Errubloetan ordaintzeko Errusiaren eskaera aldebakarreko erabakia da, eta kontratuek ez dute halakorik jasotzen", errepikatu du Europako agintariak. Gas hornidurako kontratuen % 97k ordainketa eurotan edo dolarretan egin behar dela diote "espresuki", azaldu duenez. Von der Leyenen hitzetan, Errusiako monetan ordaintzeak "arrisku handia izango du konpainientzat".
Ezohiko bilera
Bestalde, EBko Energia ministroek egoera aztertzeko ezohiko bilera "lehenbailehen" egingo dutela aurreratu du buruzagiak.
Von der Leyenen ustez, Poloniari eta Bulgariari hornidura eteteko erabakia Moskuren "probokazioa" da, baina Kremlinak erregai fosilak EBri xantaia egiteko erabili izanak "ezustean" harrapatu ez dituela argi utzi du.
Zentzu horretan, Von der Leyenek ziurtatu duenez, Polonia eta Bulgaria "auzokide europarren" gasa jasotzen ari dira egun. Horrek gas hornidura etenaldien aurrean "elkartasuna" demostratzen duela azpimarratu du.
Alemaniako politikariak gogorarazi duenez, EB gas hornidura "epe ertainera" dibertsifikatzeko lanean ari da, beste hornitzaile batzuekin harremana estutuz. Azkenik, seigarren zigor sorta "dagokionean iritsiko" dela berretsi du, eta EB "buru-belarri" lanean ari dela lehenbailehen ezartzeko.
Albiste gehiago mundua
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.