Errusiak dio herrialde gehiagori etengo diela gas-hornidura errubloetan ordaindu ezean
Errusiak orain arteko erantzunik gogorrena eman die gaur Europar Batasunak ezarritako zigorrei: izan ere, gas-hornidura eten die Poloniari eta Bulgariari, bi estatu hauek ez dutelako apirileko gasari dagokion faktura errublotan ordaindu. Gainera, Kremlinak ohartarazi duenez, bidalketak beste herrialde batzuentzat ere geldituko dituzte, errubloetan ordaintzeko mekanismo berria onartzen ez badute.
Europar Batzordeak, baina, xantaiatzat jo du Errusiak egindakoa. Ursula von der Leyen Europako Batzordeko presidenteak Errusiaren "xantaia onartezina" dela dio eta gasa xantaiarako tresna gisa erabiltzeko Errusiaren beste saiakera bat dela uste du. "Ez du justifikaziorik eta onartezina da ", ziurtatu du Europako Batzordeko buruak adierazpen batean.
Gobernu errusiarrak, berriz, salaketa horiek ukatu egin ditu argudiatuz garaiz jakinarazi zutela bere gasarengatik ordainketak ez zituztela errublotan baino onartuko. Hala, Dmitri Peskov Errusiako Presidentetzako bozeramaileak ohartarazi du agindu hori bete ezean, gas-hornidura etengo zaiela beste estatu batzuei ere.
Gaur-gaurkoz Hungaria da Errusiari gasa errublotan ordaintzen dion Europar Batasuneko estatu bakarra, baina Errusiak oraingoz Bulgaria eta Polonia baino ez ditu zigortu.
Gazpromeko iturriek diote maiatzaren erdian espero dituztela hurrengo ordainketak, eta orduan ikusiko dela ea errublotan ordaintzen duten edo ez.
Errusiako gasa errubloetan ordaintzea zigortu egingo duela ohartarazi du Bruselak
EBko gasa koordinatzeko taldeak, bestalde, ezohiko bilera egin du asteazken honetan erantzun koordinatuan aurrera egiteko. Europako Batzordeko presidenteak esan duenez, eurotan edo dolarretan kontratuak dituzten Europako energia-enpresek "ez dituzte errusiarren eskariak onartu behar", Europak Moskuren aurka jarritako zigorrak urratzen ari direlako eta "arrisku handia" izango luketelako.
Peskovek iradokitakoaren aurrean, berriz, hau da, estatu-kide batzuk hasiak direla dagoeneko fakturak errubloetan ordaintzen, presidenteak ez du baieztatu nahi izan egia den edo ez, baina azpimarratu du "errubloetan ordaintzea, kontratuan aurreikusita ez badago, gure zigorrak ez betetzea" dela.
Polonia eta Bulgaria lasai agertu dira
Poloniak eta Bulgariak mendekotasun handia dute Errusiarekiko, 50ekoa eta 70eko, hurrenez hurren, baina lasai agertu dira bi gobernuak. Mateusz Morawiecki Poloniako lehen ministroak esan du biltegiak % 76ra beteta dituztela.
Bulgariako Gobernuak arazo gehiago izan ditzake baina esan dute Turkiatik eta Greziatik gas likidotua jasotzea espero dutela.
Bien bitartean, Roberta Metsola Europako Parlamentuko presidenteak adierazi du Europako Parlamentuak "Kremlinek kontrolatutako energia-hornikuntzen gaineko enbargoa" eskatu duela, eta "autokraten dependentziak behingoz mozteko" eskatu du.
Zure interesekoa izan daiteke
Ormuz "indarrez" kontrolatuko duela agindu du Iranek, Qatar, Oman eta Bahrain bonbardatu ostean
AEBrekin tentsioa areagotzen ari da, eta Washingtonek gutxienez 140 bonbardaketa egin ditu Iranen aurka.
Irango buruzagi gorenak Khameneiren heriotzarengatik mendekua hartuko duela agindu du
Zazpi egunotan aitaren hileta ospakizunetan parte hartu duten dozenaka mila herritarrei idatziz eskertu die Mojtaba Khameneik. Ali Khamenei hil zutenetik, ez da jendaurrean azaldu.
Trumpek onartu egin du Iranekin elkarrizketak berriro hastea, baina su-etena "amaitu" dela ohartarazi dio Teherani
Iranek, berriz, ukatu egin du AEBrekin elkarrizketa berriak eskatu izana. Bestalde, Iran "inoiz ez bezala" bonbardatzeko agindua eman dio AEBko presidenteak Pentagonoari, Errepublika Islamikoaren "konplot" baten ondorioz hiltzen badute.
Ali Khamenei aiatola Mashhaden lurperatu dute, sei eguneko hileta-zeremonien ostean
Irango lider gorena zenaren ehorzketarekin bukatutzat eman dituzte sei eguneko hileta-zeremoniak. Jendetza bildu da Irango kaleetan, eta erregimenak indar eta batasun irudia erakutsi nahi izan du.
NATOren goi-bileraren ostean Espainia "oso eskuzabal" aritu dela esan du Trumpek
Estatu Batuetako presidenteak ziurtatu duenez, Espainiako Gobernuak Aliantza Atlantikoaren "ordainketa ugari" egiteko eskaerari erantzun dio, eta aliatuek Ankaran egindako bileraren ostean erakutsitako batasuna goraipatu du.
AEBek 90 helburu militar inguru bonbardatu dituzte Iranen, eta Teheranek base estatubatuarrei eraso egin die
Washingtonek Iranen aurkako beste erasoaldi militar baten berri eman du, esan dutenez, Teheranek Ormuzeko itsasartean merkataritza-ontzien aurka egindako erasoei erantzuteko. Iranek dio operazioak su-eten iraunkorra urratu duela.
Koro Barriolaren gorpua aurkitu dute Venezuelan, hondakinen artean hildako hirugarren euskalduna
81 urte zituen eta donostiarra zen; Alazne Solabarrieta eta Jon Sustacharen gorpuak aurkitu zituzten aurretik.
"Espainiarekin alferrik da": Trumpek merkataritza guztia eteteko mehatxua egin du
AEBko presidenteak merkataritza-trukeak hausteko asmoa agertu du Espainiak gastu militarra igotzeari uko egin ondotik; Espainiako Gobernuak, berriz, "lasaitasunez eta normaltasunez" hartu du mehatxua.
Trumpek amaitutzat eman du Iranekin adostutako su-etena eta dio ez duela gehiago negoziatu nahi
Donald Trump AEBko presidenteak Ankaran adierazi duenez, Iranekin adostutako su-eten akordioa "amaitu da", eta baztertu egin du negoziazioekin jarraitzea, herrialdea "gaixo, gaizto eta bortitzek zuzentzen" dutela iritzita.
AEBren erasoei "erantzun irmoa" emango diela mehatxatu du Iranek, eta Bahrainek eta Kuwaitek alarmak piztu dituzte
Irango agintariek salatu dutenez, AEBko bonbardaketek hautsi egin dute ekainean lortutako su-eten akordioa, eta Ameriketako Estatu Batuek diote Ormuzeko itsasartean ontzi komertzialen aurka egindako erasoei erantzun zietela.