NBEko Segurtasun Kontseiluak Guterresen bisitan zehar Kieven izandako erasoa izango du hizpide datorren astean
NBEko Segurtasun Kontseiluak Kieven ostegun honetan hautemandako misil bidezko erasoak eztabaidatuko ditu datorren astean, erakundetik aurreratu dutenez. António Guterres erakundeko idazkari nagusia hirian bisitan zela gertatu ziren erasoak.
"Idazkari nagusiak Kievera egindako bisitan zehar misilekin erasoak izan ziren hirian, eta kezkagarria da hori", nabarmendu du Barbara Woodward enbaxadore britainiarrak, apiriletik Segurtasun Kontseiluko buru ere badenak.
Woodwardek aurreratu duenez, Nazio Batuen erabaki organo gorenak gaia jorratuko du datorren astean Ukrainari buruzko bilera batean, Estatu Batuen presidentetza pean.
Diplomazialariak azaldu du bere ordezkaritza NBEko Idazkaritza Nagusiarekin harremanetan egon dela, eta Guterres eta haren taldea ondo daudela, baina biktima zibilei buruzko informazioa iritsi zaiela.
Ostegun honetan, bi misilek jo zuten Kiev, hain zuzen Guterres hirian zela, Volodimir Zelenski ukrainar presidentearekin biltzeko. Hala jakinarazi zuten tokiko autoritateek, erasoa indar errusiarrei egotzi zietelarik.
"Gaur gauean, etsaiak Kieven aurka tiro egin du. Bi kolpe izan dira, Shevchenkivski barrutian. Larrialdietako zerbitzu guztiak bertan dira. Biktima posibleen inguruko informazioa argitzen ari dira", idatzi zuen Vitali Klitchkó alkateak, bere Telegram kanalean.
Mijailo Podoliak Zelenskiren aholkulariak ere eman zuen erasoaren berri, eta azpimarratu zuen bonbardaketa Guterresen bisitaldian zehar izan zela.
"Aurreko egunean mahai luze batean zegoen eserita, Kremlinean, eta gaur leherketak ditu buru gainean. Moskuren postala? Gogorarazi behar al da Errusiak zergatik duen oraindik eserleku bat Segurtasun Kontseiluan?", idatzi zuen Twitterren.
Zure interesekoa izan daiteke
Venezuelako petrolio gordina Kubako sektore pribatuari saltzeko aukera emango dute AEBk
Transakzioak baimentzeko, lehengai horren salmentari eta merkataritzari ezarritako murrizketa batzuk bete beharko dira; esaterako, salmenten diru-sarrerak Washingtonek kontrolatutako kontu batean uztea.
Trumpek muga-zergak defendatu ditu eta migratzaileen eta demokraten aurka egin du, bi orduko hitzaldian
AEBko presidenteak historiako hitzaldirik luzeena egin, du eta duela urtebete Etxe Zurira itzuli zenetik herrialdea "handiagoa, hobea eta indartsuagoa" dela aldarrikatu du.
Frantziako Tourreko datak eta ordutegiak aldatzekotan daude, beroak eragin ditzakeen arriskuak saihesteko
Tenperaturak gero eta altuagoak direla eta gero eta bero-bolada gehiago daudela eta, zalantzan jarri dute udan kirol-ekitaldi handiak egitea, besteak beste, Frantziako Tourra. Ordutegiak edo datak aldatzea eztabaidatzen ari dira.
Europak babesa erakutsi dio Ukrainari, gerraren laugarren urteurrenean
Europak buruzagi nagusiek, horien artean, Ursula von der Leyen eta Antonio Costa Europako Batzordaren eta Europako Kontseiluaren presidenteak, hurrenez hurren, Volodimir Zelenskiri erabateko babesa agertu diote gaur goizean, Kieven. Errusiak Ukrainan inbasioa hasi zuenetik lau urte bete direnean, Santa Sofiako katedralean egindako zeremonian parte hartu dute, eta gerran hildakoak gogoratu dituzte.
Laurence des Cars Louvre Museoaren presidenteak dimisioa eman du
Emmanuel Macron Frantziako presidenteak dimisioa onartu du. Des Cars polemika baten erdian zegoen, 2025ean Frantziako hiriburuko pinakotekan izandako bitxi lapurreta handiaren ostean.
Lau urte, Ukrainako gerra hasi zenetik
Ukrainako presidenteak Europaren eta Estatu Batuen arteko batasunari eusteko deia egin du Errusiari aurre egin ahal izateko. Kremlinak, bere aldetik, adierazi du inbasioarekin jarraitzeko asmoa duela, helburu guztiak lortu arte. Errusiak inbasioari ekin zioneko urteurrena dela eta, Europako goi agintariak Ukrainara gerturatu dira babesa adierazteko eta hainbat euskal eragilek ekitaldiak antolatu dituzte, Bilbon eta Iruñean, bakea eskatzeko.
Indarrean sartu da AEBren % 10eko muga-zerga globala
Pasa den ostiralean onartu zen muga-zerga, 1974ko Komertzio Legearen 122 atalaren babespean, zeinak eskumena ematen baitio presidenteari nazioarteko ordainketa arazoei aurre egiteko, errekagu edo inportazio-murrizketa berezien bitartez. AEBko Auzitegi Gorenak baliogabetutako muga-zergen aldean, zerga global hori behin-behinekoa da, eta otsailaren 24tik, gehienez ere, 150 egunez aplikatu ahalko dira.
EBk ez du Errusiaren aurkako zigor gehiagorik onartu, ezta Ukrainari laguntza ematea ere, gerraren laugarren urteurrenaren bezperan
Hungariak betoa jarri die bi akordioei, eta baldintza gisa jarri du Ukrainak bere herrialdeari eta Eslovakiari Errusiako petrolioaren fluxua berrezartzea. Eslovakia ere zigor sorta berriaren aurka agertu da. Bien bitartean, Errusiak bere soldaduak omendu ditu Aberriaren Defendatzaileen egunean.
Indarkeria oldea zabaldu da Mexikon, "El Mencho" Jaliscoko kartel baten burua erail ostean
Nemesio Ruben Oseguera Cervantes "El Mencho" Jaliscoko Nueva Generacion kartelaren burua hil dute AEBko Inteligentziarekin elkarlanean egindako operazio militar batean. Horri erantzunez, narkoblokeoak izan dira Jalisco hegoaldeko hainbat puntutan, ibilgailuei su eman eta errepideak itxi baitituzte. Estatuko gobernuak "kode gorria" aktibatu du eta garraio publikoa eta aurrez aurreko eskolak bertan behera utzi ditu.
"El Mencho" narkotrafikatzaile eta Jalisco Nueva Generacion kartelaren burua hil dute
Jaliscon (mendebaldea) eta herrialdeko beste bost estatutan herritarrak kalera ez ateratzeko alerta zabaldu dute agintariek, hilketa horrek eragindako istiluak direla eta.