Global Sumud Flotilla ezin izan da Gazarantz abiatu eguraldi txarragatik
Ez dira oraindik Siziliarantz abiatu, eta Bartzelonako portu batetik bestera joan dira, egoerak hobera egin arte.
Flotillaren itsasontzi bat, Bartzelonan. Argazkia: EFE
Global Sumud Flotilla igande honetan abiatzekoa zen Bartzelonako Port Vell portuko Moll de la Fusta moilatik Gazarantz, baina azkenean ez da nazioarteko uretan sartu, eguraldiak Gazarako zeharkaldia hastea eragotzi diolako, eta Bartzelonako beste portu batean amarratu dute.
Hala azaldu dute Global Sumud Flotillako ekintzaile nagusiek, Bartzelonan, Port Vell portuan, 13:00etan ontzidia abiatu aurretik eman duten prentsaurrekoan.
"Gure asmoa nazioarteko uretara irtetea eta Siziliara joatea zen, baina eguraldiak ez digu uzten", eta, beraz, "ontzidia Moll de la Fustatik (Port Vell) abiatu, eta Bartzelonako beste portu batera joango da", azaldu du Global Sumud Flotillako Thiago Avilak.
Avilaren ustez, gaurko eguna "historikoa" da, 2025eko abuztuko misioan baino itsasontzi gehiago mobilizatu direlako, 1.000 pertsonatik gora daramatzaten hainbat herrialdetako 70 ontzitan. Tripulatzaileek arriskuak hartuko dituztela onartuta ere, honakoa erantsi du: "Palestinako herriak 80 urte daramatza arriskuan".
"Gobernuek huts egin dute"
Global Sumud Flotillako kideek salatu dutenez, "gobernuek huts egin dute" Gazan, eta berehala ekiteko deia egin dute.
Susan Abdellah errefuxiatuak bere esperientzia azaldu du, "infernua" izan dela esanez: "Bakea dagoela uste duzunean, ez dago inoiz bakerik. Zure etxea eta bizitza osoa utzi behar dituzu. Zer daramazu zurekin?".
Sümeyra Akdeniz Orduren esanetan, Gazako herria "garbitu eta ezabatu dute, zentzu zabalean; ozen eta argi esan behar da, genozidioa da". "Estatuek eta erakundeek huts egin dute", erantsi du.
Muhammad Nadir Al-Nurik dei egin die "munduko liderrei egiten dutena baino gehiago egiteko, zuzen jokatu eta orain egin behar dute", eta Gazako herriak osasunerako eta hezkuntzarako sarbiderik ez duela azpimarratu du.
Hamabi euskal herritar daude flotillan
Donostian, Bartzelonatik abiatuko den flotillari elkartasuna adierazi nahi izan diote.
Gazarako Mugimendu Globala Euskal Herria plataformak antolatutako ekitaldia izan da eta partaideak itsasontzi, txalupa, piragua edo surf taularekin agertu dira, Palestinako banderak erakutsiz.
Palestinaren aldeko kantuekin eman diote amaiera ekitaldiari.
Zure interesekoa izan daiteke
Libanok eskatuz gero, Hezbollah-rekin hitz egiteko prest dagoela esan du Trumpek
Estatu Batuetako presidentea Israelgo Armada Libano hegoaldetik irteteko negoziazioak bultzatzen ari da. Bitartean, ordea, tropa israeldarrak Libanoko Armadaren aurka tiro egin dute, "ohartarazpen" gisa.
Ia mila hildako Kongon, ebola-agerraldiaren ondorioz
Hilkortasun-tasa % 39,9koa da. Munduko Medikuak erakundeak ohartarazi du testuinguru "oso konplexua" dagoela, gatazkak, herritarren joan-etorriek eta osasun-sistemaren gaitasun mugatuak markatuta, eta "lau epidemiari aldi berean" egin behar dietela aurre: "ebola, kolera, elgorria eta mpoxa".
Andy Burnhamen Gobernua argindarraren gaineko BEZa kentzekotan dagoela iragarri du
Neurria, hein batean, nortasun digitalari buruzko programa martxan jartzeko proiektua bertan behera utzita finantzatuko da. Proiektu horren kostua urtean 600 milioi libera ingurukoa izango zela aurreikusten zen.
Nikaraguako presidenteak iragarri du aurrerantzean ez dela hauteskunderik izango herrialdean
Berez, 2027 azaroan egin beharko lirateke hauteskundeak, baina 2007tik herrialdean agintzen duen Daniel Ortega presidenteak egindako iragarpenak atea itxi die hauteskundeei.
Iranek Ekialde Hurbilean egindako erasoen ondorioz AEBko 100 militar inguru zauritu dira, Pentagonoaren arabera
Pasa den asteburuan Pentagonoak berak baieztatu zuenez, hiru soldadu estatubatuar hil dira Iranek Jordanian eta Iraken egindako erasoetan. AEBko Armadak 10 egun jarraian daramatza Irango helburuen aurka eraso egiten, eta Iranek Jordania, Kuwait, Bahrain eta beste herrialde aliatu batzuetan eraso eginez erantzun du.
Trumpek dio AEBtan ez dutela Netanyahu atxilotuko
Irailean NBEren egoitzara joan daiteke Israelgo lehen ministroa. Zohran Mamdani New Yorkeko alkateak adierazi du Netanyahu "gerra kriminala" dela, eta atxilotzeko aukera aztertzen ari dela.
Huthiek itsas blokeoa ezarri diote Saudi Arabiari, Riadeko "setioari" erantzuteko
Neurria "begia begi truk" dela adierazi dute, saudiarabiarrek Yemenen duela hamabi urtetik duten blokeoari aurre egiteko.
Burnhamek Erresuma Batuko lehen ministro kargua hartu du, eta "eredu politiko eta ekonomiko berria" ezarriko duela agindu du
Etorkizuneko gobernuaren lehentasunen artean aipatu ditu hezkuntza-sistemaren erreforma, osasun mentaleko zerbitzuak indartzea eta etxebizitza subentzionatu gehiago eraikitzea.
AEBk Iran bonbardatu du bederatzigarren gauez jarraian
Iranek, bere aldetik, Estatu Batuek Kuwaiten eta Bahrainen dituen hainbat base militarren aurka egin du, eta Bahrainek aire erasoen aurkako sirenak aktibatu ditu.
Trump Espainiaren ospakizunera batu nahi izan da, baina albo batera utzi dute
AEBko presidente Donald Trump FIFAren buru Gianni Infantinorekin batera igo zen oholtzara, Munduko Kopako garaikurra Espainiako selekzioaren kapitain Rodriri ematera. Agertokia uzteko denbora eman bazioten ere, Trump munduko txapeldunen ospakizunen argazkian ateratzen saiatu zen.