Eraso baten aurrean Suedia eta Finlandia militarki defendatzeko konpromisoa hartu du Erresuma Batuak
Erresuma Batuak Suedia eta Finlandia militarki defendatuko ditu eraso baten aurrean. Aldebiko akordioak sinatu dituzte, nahiz eta bi herrialde nordikoek NATOrekin laster bat egiteko asmoa agertu, Errusiaren mehatxuaren aurrean.
Finlandiako eta Suediako buruzagiek Aliantza Atlantikoarekin bat egiteko eskaera datorren astean aurkezteko helburua dute, Helsingin Sanomat Finlandiako egunkariak jakitera eman duenez.
Egunkariak azaldu du Helsinkiko eta Stockholmeko eskakizunak aldi berean aurrera egiten ari direla; beraz, Aliantza Atlantikoan batera sartzea gerta liteke, Ukrainako gerrak erabat baldintzatutako testuinguruan.
Boris Johnson Erresuma Batuko lehen ministroak Suediara eta Finlandiara bidaia egin du, bi herrialdeei babes "irmo eta garbia" emateko. Horretarako, pare bat akordio sinatu ditu, praktikan, Erresuma Batua esku hartzera beharturik egongo da balizko mehatxu militar baten aurrean.
"Eremu gris" batean dagoen bitartean, Stockholm laguntzearen beharra azpimarratu du Johnsonek, Suedian. NATOrekin bat egitea eskatu eta kide bezala onartzen dutenera arteko epea horrela deskribatu du Erresuma Batuko agintariak. Edonola ere, Stockholmek bat-egite eskaera formalki egin behar du oraindik.
"Hondamendi edo Suediaren aurkako erasoaren aurrean, Erresuma Batuak lagunduko du", agindu du Johnsonek. Magdalena Andersson Suediako lehen ministroarekin prentsaurrekoa eman du. Elkarrekiko konpromisoa dela nabarmendu du 'premier'rak eta, ondorioz, Suediak ere Erresuma Batua lagundu beharko luke, BBCk jakitera eman duenez.
Errusiak Ukrainaren aurka egindako "erasoaren" ondorioz, "tentsioak" gora egin duela onartu du Anderssonek. Suediako lehen ministroak gogorarazi duenez, Stockholmek Aliantza Atlantikoan sartzea eskatzen baldin badu, "erantzuteko" mehatxua egin du Errusiak.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.